Mahābhārata (critical edition) 14.66

वैशंपायन उवाच उत्थितायां पृथायां तु सुभद्रा भ्रातरं तदा दृष्ट्वा चुक्रोश दुःखार्ता वचनं चेदम् अब्रवीत्

vaiśaṃpāyana uvāca utthitāyāṃ pṛthāyāṃ tu subhadrā bhrātaraṃ tadā dṛṣṭvā cukrośa duḥkhārtā vacanaṃ cedam abravīt

Sanskrit only: no published translation is held for this verse.

पुण्डरीकाक्ष पश्यस्व पौत्रं पार्थस्य धीमतः परिक्षीणेषु कुरुषु परिक्षीणं गतायुषम्

puṇḍarīkākṣa paśyasva pautraṃ pārthasya dhīmataḥ parikṣīṇeṣu kuruṣu parikṣīṇaṃ gatāyuṣam

Sanskrit only: no published translation is held for this verse.

इषीका द्रोणपुत्रेण भीमसेनार्थम् उद्यता सोत्तरायां निपतिता विजये मयि चैव ह

iṣīkā droṇaputreṇa bhīmasenārtham udyatā sottarāyāṃ nipatitā vijaye mayi caiva ha

Sanskrit only: no published translation is held for this verse.

सेयं ज्वलन्ती हृदये मयि तिष्ठति केशव यन् न पश्यामि दुर्धर्ष मम पुत्रसुतं विभो

seyaṃ jvalantī hṛdaye mayi tiṣṭhati keśava yan na paśyāmi durdharṣa mama putrasutaṃ vibho

Sanskrit only: no published translation is held for this verse.

किं नु वक्ष्यति धर्मात्मा धर्मराजो युधिष्ठिरः भीमसेनार्जुनौ चापि माद्रवत्याः सुतौ च तौ

kiṃ nu vakṣyati dharmātmā dharmarājo yudhiṣṭhiraḥ bhīmasenārjunau cāpi mādravatyāḥ sutau ca tau

Sanskrit only: no published translation is held for this verse.

श्रुत्वाभिमन्योस् तनयं जातं च मृतम् एव च मुषिता इव वार्ष्णेय द्रोणपुत्रेण पाण्डवाः

śrutvābhimanyos tanayaṃ jātaṃ ca mṛtam eva ca muṣitā iva vārṣṇeya droṇaputreṇa pāṇḍavāḥ

Sanskrit only: no published translation is held for this verse.

अभिमन्युः प्रियः कृष्ण पितॄणां नात्र संशयः ते श्रुत्वा किं नु वक्ष्यन्ति द्रोणपुत्रास्त्रनिर्जिताः

abhimanyuḥ priyaḥ kṛṣṇa pitṝṇāṃ nātra saṃśayaḥ te śrutvā kiṃ nu vakṣyanti droṇaputrāstranirjitāḥ

Sanskrit only: no published translation is held for this verse.

भवितातः परं दुःखं किं नु मन्ये जनार्दन अभिमन्योः सुतात् कृष्ण मृताज् जाताद् अरिंदम

bhavitātaḥ paraṃ duḥkhaṃ kiṃ nu manye janārdana abhimanyoḥ sutāt kṛṣṇa mṛtāj jātād ariṃdama

Sanskrit only: no published translation is held for this verse.

साहं प्रसादये कृष्ण त्वाम् अद्य शिरसा नता पृथेयं द्रौपदी चैव ताः पश्य पुरुषोत्तम

sāhaṃ prasādaye kṛṣṇa tvām adya śirasā natā pṛtheyaṃ draupadī caiva tāḥ paśya puruṣottama

Sanskrit only: no published translation is held for this verse.

यदा द्रोणसुतो गर्भान् पाण्डूनां हन्ति माधव तदा किल त्वया द्रौणिः क्रुद्धेनोक्तो ऽरिमर्दन

yadā droṇasuto garbhān pāṇḍūnāṃ hanti mādhava tadā kila tvayā drauṇiḥ kruddhenokto 'rimardana

Sanskrit only: no published translation is held for this verse.

अकामं त्वा करिष्यामि ब्रह्मबन्धो नराधम अहं संजीवयिष्यामि किरीटितनयात्मजम्

akāmaṃ tvā kariṣyāmi brahmabandho narādhama ahaṃ saṃjīvayiṣyāmi kirīṭitanayātmajam

Sanskrit only: no published translation is held for this verse.

इत्य् एतद् वचनं श्रुत्वा जानमाना बलं तव प्रसादये त्वा दुर्धर्ष जीवताम् अभिमन्युजः

ity etad vacanaṃ śrutvā jānamānā balaṃ tava prasādaye tvā durdharṣa jīvatām abhimanyujaḥ

Sanskrit only: no published translation is held for this verse.

यद्य् एवं त्वं प्रतिश्रुत्य न करोषि वचः शुभम् सफलं वृष्णिशार्दूल मृतां माम् उपधारय

yady evaṃ tvaṃ pratiśrutya na karoṣi vacaḥ śubham saphalaṃ vṛṣṇiśārdūla mṛtāṃ mām upadhāraya

Sanskrit only: no published translation is held for this verse.

अभिमन्योः सुतो वीर न संजीवति यद्य् अयम् जीवति त्वयि दुर्धर्ष किं करिष्याम्य् अहं त्वया

abhimanyoḥ suto vīra na saṃjīvati yady ayam jīvati tvayi durdharṣa kiṃ kariṣyāmy ahaṃ tvayā

Sanskrit only: no published translation is held for this verse.

संजीवयैनं दुर्धर्ष मृतं त्वम् अभिमन्युजम् सदृशाक्षसुतं वीर सस्यं वर्षन्न् इवाम्बुदः

saṃjīvayainaṃ durdharṣa mṛtaṃ tvam abhimanyujam sadṛśākṣasutaṃ vīra sasyaṃ varṣann ivāmbudaḥ

Sanskrit only: no published translation is held for this verse.

त्वं हि केशव धर्मात्मा सत्यवान् सत्यविक्रमः स तां वाचम् ऋतां कर्तुम् अर्हसि त्वम् अरिंदम

tvaṃ hi keśava dharmātmā satyavān satyavikramaḥ sa tāṃ vācam ṛtāṃ kartum arhasi tvam ariṃdama

Sanskrit only: no published translation is held for this verse.

इच्छन्न् अपि हि लोकांस् त्रीञ् जीवयेथा मृतान् इमान् किं पुनर् दयितं जातं स्वस्रीयस्यात्मजं मृतम्

icchann api hi lokāṃs trīñ jīvayethā mṛtān imān kiṃ punar dayitaṃ jātaṃ svasrīyasyātmajaṃ mṛtam

Sanskrit only: no published translation is held for this verse.

प्रभावज्ञास्मि ते कृष्ण तस्माद् एतद् ब्रवीमि ते कुरुष्व पाण्डुपुत्राणाम् इमं परम् अनुग्रहम्

prabhāvajñāsmi te kṛṣṇa tasmād etad bravīmi te kuruṣva pāṇḍuputrāṇām imaṃ param anugraham

Sanskrit only: no published translation is held for this verse.

स्वसेति वा महाबाहो हतपुत्रेति वा पुनः प्रपन्ना माम् इयं वेति दयां कर्तुम् इहार्हसि

svaseti vā mahābāho hataputreti vā punaḥ prapannā mām iyaṃ veti dayāṃ kartum ihārhasi

Sanskrit only: no published translation is held for this verse.