Library·Mahābhārata (critical edition)·15·15.18
अर्जुन उवाच भीम ज्येष्ठो गुरुर् मे त्वं नातो ऽन्यद् वक्तुम् उत्सहे धृतराष्ट्रो हि राजर्षिः सर्वथा मानम् अर्हति
arjuna uvāca bhīma jyeṣṭho gurur me tvaṃ nāto 'nyad vaktum utsahe dhṛtarāṣṭro hi rājarṣiḥ sarvathā mānam arhati
Sanskrit only: no published translation is held for this verse.
न स्मरन्त्य् अपराद्धानि स्मरन्ति सुकृतानि च असंभिन्नार्थमर्यादाः साधवः पुरुषोत्तमाः
na smaranty aparāddhāni smaranti sukṛtāni ca asaṃbhinnārthamaryādāḥ sādhavaḥ puruṣottamāḥ
Sanskrit only: no published translation is held for this verse.
इदं मद्वचनात् क्षत्तः कौरवं ब्रूहि पार्थिवम् यावद् इच्छति पुत्राणां दातुं तावद् ददाम्य् अहम्
idaṃ madvacanāt kṣattaḥ kauravaṃ brūhi pārthivam yāvad icchati putrāṇāṃ dātuṃ tāvad dadāmy aham
Sanskrit only: no published translation is held for this verse.
भीष्मादीनां च सर्वेषां सुहृदाम् उपकारिणाम् मम कोशाद् इति विभो मा भूद् भीमः सुदुर्मनाः
bhīṣmādīnāṃ ca sarveṣāṃ suhṛdām upakāriṇām mama kośād iti vibho mā bhūd bhīmaḥ sudurmanāḥ
Sanskrit only: no published translation is held for this verse.
वैशंपायन उवाच इत्य् उक्ते धर्मराजस् तम् अर्जुनं प्रत्यपूजयत् भीमसेनः कटाक्षेण वीक्षां चक्रे धनंजयम्
vaiśaṃpāyana uvāca ity ukte dharmarājas tam arjunaṃ pratyapūjayat bhīmasenaḥ kaṭākṣeṇa vīkṣāṃ cakre dhanaṃjayam
Sanskrit only: no published translation is held for this verse.
ततः स विदुरं धीमान् वाक्यम् आह युधिष्ठिरः न भीमसेने कोपं स नृपतिः कर्तुम् अर्हति
tataḥ sa viduraṃ dhīmān vākyam āha yudhiṣṭhiraḥ na bhīmasene kopaṃ sa nṛpatiḥ kartum arhati
Sanskrit only: no published translation is held for this verse.
परिक्लिष्टो हि भीमो ऽयं हिमवृष्ट्यातपादिभिः दुःखैर् बहुविधैर् धीमान् अरण्ये विदितं तव
parikliṣṭo hi bhīmo 'yaṃ himavṛṣṭyātapādibhiḥ duḥkhair bahuvidhair dhīmān araṇye viditaṃ tava
Sanskrit only: no published translation is held for this verse.
किं तु मद्वचनाद् ब्रूहि राजानं भरतर्षभम् यद् यद् इच्छसि यावच् च गृह्यतां मद्गृहाद् इति
kiṃ tu madvacanād brūhi rājānaṃ bharatarṣabham yad yad icchasi yāvac ca gṛhyatāṃ madgṛhād iti
Sanskrit only: no published translation is held for this verse.
यन् मात्सर्यम् अयं भीमः करोति भृशदुःखितः न तन् मनसि कर्तव्यम् इति वाच्यः स पार्थिवः
yan mātsaryam ayaṃ bhīmaḥ karoti bhṛśaduḥkhitaḥ na tan manasi kartavyam iti vācyaḥ sa pārthivaḥ
Sanskrit only: no published translation is held for this verse.
यन् ममास्ति धनं किं चिद् अर्जुनस्य च वेश्मनि तस्य स्वामी महाराज इति वाच्यः स पार्थिवः
yan mamāsti dhanaṃ kiṃ cid arjunasya ca veśmani tasya svāmī mahārāja iti vācyaḥ sa pārthivaḥ
Sanskrit only: no published translation is held for this verse.
ददातु राजा विप्रेभ्यो यथेष्टं क्रियतां व्ययः पुत्राणां सुहृदां चैव गच्छत्व् आनृण्यम् अद्य सः
dadātu rājā viprebhyo yatheṣṭaṃ kriyatāṃ vyayaḥ putrāṇāṃ suhṛdāṃ caiva gacchatv ānṛṇyam adya saḥ
Sanskrit only: no published translation is held for this verse.
इदं चापि शरीरं मे तवायत्तं जनाधिप धनानि चेति विद्धि त्वं क्षत्तर् नास्त्य् अत्र संशयः
idaṃ cāpi śarīraṃ me tavāyattaṃ janādhipa dhanāni ceti viddhi tvaṃ kṣattar nāsty atra saṃśayaḥ
Sanskrit only: no published translation is held for this verse.