Library·Mahābhārata (critical edition)·15·15.27
वैशंपायन उवाच नारदस्य तु तद् वाक्यं प्रशशंसुर् द्विजोत्तमाः शतयूपस् तु राजर्षिर् नारदं वाक्यम् अब्रवीत्
vaiśaṃpāyana uvāca nāradasya tu tad vākyaṃ praśaśaṃsur dvijottamāḥ śatayūpas tu rājarṣir nāradaṃ vākyam abravīt
Sanskrit only: no published translation is held for this verse.
अहो भगवता श्रद्धा कुरुराजस्य वर्धिता सर्वस्य च जनस्यास्य मम चैव महाद्युते
aho bhagavatā śraddhā kururājasya vardhitā sarvasya ca janasyāsya mama caiva mahādyute
Sanskrit only: no published translation is held for this verse.
अस्ति का चिद् विवक्षा तु मम तां गदतः शृणु धृतराष्ट्रं प्रति नृपं देवर्षे लोकपूजित
asti kā cid vivakṣā tu mama tāṃ gadataḥ śṛṇu dhṛtarāṣṭraṃ prati nṛpaṃ devarṣe lokapūjita
Sanskrit only: no published translation is held for this verse.
सर्ववृत्तान्ततत्त्वज्ञो भवान् दिव्येन चक्षुषा युक्तः पश्यसि देवर्षे गतीर् वै विविधा नृणाम्
sarvavṛttāntatattvajño bhavān divyena cakṣuṣā yuktaḥ paśyasi devarṣe gatīr vai vividhā nṛṇām
Sanskrit only: no published translation is held for this verse.
उक्तवान् नृपतीनां त्वं महेन्द्रस्य सलोकताम् न त्व् अस्य नृपतेर् लोकाः कथितास् ते महामुने
uktavān nṛpatīnāṃ tvaṃ mahendrasya salokatām na tv asya nṛpater lokāḥ kathitās te mahāmune
Sanskrit only: no published translation is held for this verse.
स्थानम् अस्य क्षितिपतेः श्रोतुम् इच्छाम्य् अहं विभो त्वत्तः कीदृक् कदा वेति तन् ममाचक्ष्व पृच्छतः
sthānam asya kṣitipateḥ śrotum icchāmy ahaṃ vibho tvattaḥ kīdṛk kadā veti tan mamācakṣva pṛcchataḥ
Sanskrit only: no published translation is held for this verse.
इत्य् उक्तो नारदस् तेन वाक्यं सर्वमनोनुगम् व्याजहार सतां मध्ये दिव्यदर्शी महातपाः
ity ukto nāradas tena vākyaṃ sarvamanonugam vyājahāra satāṃ madhye divyadarśī mahātapāḥ
Sanskrit only: no published translation is held for this verse.
यदृच्छया शक्रसदो गत्वा शक्रं शचीपतिम् दृष्टवान् अस्मि राजर्षे तत्र पाण्डुं नराधिपम्
yadṛcchayā śakrasado gatvā śakraṃ śacīpatim dṛṣṭavān asmi rājarṣe tatra pāṇḍuṃ narādhipam
Sanskrit only: no published translation is held for this verse.
तत्रेयं धृतराष्ट्रस्य कथा समभवन् नृप तपसो दुश्चरस्यास्य यद् अयं तप्यते नृपः
tatreyaṃ dhṛtarāṣṭrasya kathā samabhavan nṛpa tapaso duścarasyāsya yad ayaṃ tapyate nṛpaḥ
Sanskrit only: no published translation is held for this verse.
तत्राहम् इदम् अश्रौषं शक्रस्य वदतो नृप वर्षाणि त्रीणि शिष्टानि राज्ञो ऽस्य परमायुषः
tatrāham idam aśrauṣaṃ śakrasya vadato nṛpa varṣāṇi trīṇi śiṣṭāni rājño 'sya paramāyuṣaḥ
Sanskrit only: no published translation is held for this verse.
ततः कुबेरभवनं गान्धारीसहितो नृपः विहर्ता धृतराष्ट्रो ऽयं राजराजाभिपूजितः
tataḥ kuberabhavanaṃ gāndhārīsahito nṛpaḥ vihartā dhṛtarāṣṭro 'yaṃ rājarājābhipūjitaḥ
Sanskrit only: no published translation is held for this verse.
कामगेन विमानेन दिव्याभरणभूषितः ऋषिपुत्रो महाभागस् तपसा दग्धकिल्बिषः
kāmagena vimānena divyābharaṇabhūṣitaḥ ṛṣiputro mahābhāgas tapasā dagdhakilbiṣaḥ
Sanskrit only: no published translation is held for this verse.
संचरिष्यति लोकांश् च देवगन्धर्वरक्षसाम् स्वच्छन्देनेति धर्मात्मा यन् मां त्वं परिपृच्छसि
saṃcariṣyati lokāṃś ca devagandharvarakṣasām svacchandeneti dharmātmā yan māṃ tvaṃ paripṛcchasi
Sanskrit only: no published translation is held for this verse.
देवगुह्यम् इदं प्रीत्या मया वः कथितं महत् भवन्तो हि श्रुतधनास् तपसा दग्धकिल्बिषाः
devaguhyam idaṃ prītyā mayā vaḥ kathitaṃ mahat bhavanto hi śrutadhanās tapasā dagdhakilbiṣāḥ
Sanskrit only: no published translation is held for this verse.
इति ते तस्य तच् छ्रुत्वा देवर्षेर् मधुरं वचः सर्वे सुमनसः प्रीता बभूवुः स च पार्थिवः
iti te tasya tac chrutvā devarṣer madhuraṃ vacaḥ sarve sumanasaḥ prītā babhūvuḥ sa ca pārthivaḥ
Sanskrit only: no published translation is held for this verse.
एवं कथाभिर् अन्वास्य धृतराष्ट्रं मनीषिणः विप्रजग्मुर् यथाकामं ते सिद्धगतिम् आस्थिताः
evaṃ kathābhir anvāsya dhṛtarāṣṭraṃ manīṣiṇaḥ viprajagmur yathākāmaṃ te siddhagatim āsthitāḥ
Sanskrit only: no published translation is held for this verse.