Mahābhārata (critical edition) 15.30

वैशंपायन उवाच आज्ञापयाम् आस ततः सेनां भरतसत्तमः अर्जुनप्रमुखैर् गुप्तां लोकपालोपमैर् नरैः

vaiśaṃpāyana uvāca ājñāpayām āsa tataḥ senāṃ bharatasattamaḥ arjunapramukhair guptāṃ lokapālopamair naraiḥ

Sanskrit only: no published translation is held for this verse.

योगो योग इति प्रीत्या ततः शब्दो महान् अभूत् क्रोशतां सादिनां तत्र युज्यतां युज्यताम् इति

yogo yoga iti prītyā tataḥ śabdo mahān abhūt krośatāṃ sādināṃ tatra yujyatāṃ yujyatām iti

Sanskrit only: no published translation is held for this verse.

के चिद् यानैर् नरा जग्मुः के चिद् अश्वैर् मनोजवैः रथैश् च नगराकारैः प्रदीप्तज्वलनोपमैः

ke cid yānair narā jagmuḥ ke cid aśvair manojavaiḥ rathaiś ca nagarākāraiḥ pradīptajvalanopamaiḥ

Sanskrit only: no published translation is held for this verse.

गजेन्द्रैश् च तथैवान्ये के चिद् उष्ट्रैर् नराधिप पदातिनस् तथैवान्ये नखरप्रासयोधिनः

gajendraiś ca tathaivānye ke cid uṣṭrair narādhipa padātinas tathaivānye nakharaprāsayodhinaḥ

Sanskrit only: no published translation is held for this verse.

पौरजानपदाश् चैव यानैर् बहुविधैस् तथा अन्वयुः कुरुराजानं धृतराष्ट्रदिदृक्षया

paurajānapadāś caiva yānair bahuvidhais tathā anvayuḥ kururājānaṃ dhṛtarāṣṭradidṛkṣayā

Sanskrit only: no published translation is held for this verse.

स चापि राजवचनाद् आचार्यो गौतमः कृपः सेनाम् आदाय सेनानी प्रययाव् आश्रमं प्रति

sa cāpi rājavacanād ācāryo gautamaḥ kṛpaḥ senām ādāya senānī prayayāv āśramaṃ prati

Sanskrit only: no published translation is held for this verse.

ततो द्विजैर् वृतः श्रीमान् कुरुराजो युधिष्ठिरः संस्तूयमानो बहुभिः सूतमागधबन्दिभिः

tato dvijair vṛtaḥ śrīmān kururājo yudhiṣṭhiraḥ saṃstūyamāno bahubhiḥ sūtamāgadhabandibhiḥ

Sanskrit only: no published translation is held for this verse.

पाण्डुरेणातपत्रेण ध्रियमाणेन मूर्धनि रथानीकेन महता निर्ययौ कुरुनन्दनः

pāṇḍureṇātapatreṇa dhriyamāṇena mūrdhani rathānīkena mahatā niryayau kurunandanaḥ

Sanskrit only: no published translation is held for this verse.

गजैश् चाचलसंकाशैर् भीमकर्मा वृकोदरः सज्जयन्त्रायुधोपेतैः प्रययौ मारुतात्मजः

gajaiś cācalasaṃkāśair bhīmakarmā vṛkodaraḥ sajjayantrāyudhopetaiḥ prayayau mārutātmajaḥ

Sanskrit only: no published translation is held for this verse.

माद्रीपुत्राव् अपि तथा हयारोहैः सुसंवृतौ जग्मतुः प्रीतिजननौ संनद्धकवचध्वजौ

mādrīputrāv api tathā hayārohaiḥ susaṃvṛtau jagmatuḥ prītijananau saṃnaddhakavacadhvajau

Sanskrit only: no published translation is held for this verse.

अर्जुनश् च महातेजा रथेनादित्यवर्चसा वशी श्वेतैर् हयैर् दिव्यैर् युक्तेनान्वगमन् नृपम्

arjunaś ca mahātejā rathenādityavarcasā vaśī śvetair hayair divyair yuktenānvagaman nṛpam

Sanskrit only: no published translation is held for this verse.

द्रौपदीप्रमुखाश् चापि स्त्रीसंघाः शिबिकागताः स्त्र्यध्यक्षयुक्ताः प्रययुर् विसृजन्तो ऽमितं वसु

draupadīpramukhāś cāpi strīsaṃghāḥ śibikāgatāḥ stryadhyakṣayuktāḥ prayayur visṛjanto 'mitaṃ vasu

Sanskrit only: no published translation is held for this verse.

समृद्धनरनागाश्वं वेणुवीणानिनादितम् शुशुभे पाण्डवं सैन्यं तत् तदा भरतर्षभ

samṛddhanaranāgāśvaṃ veṇuvīṇānināditam śuśubhe pāṇḍavaṃ sainyaṃ tat tadā bharatarṣabha

Sanskrit only: no published translation is held for this verse.

नदीतीरेषु रम्येषु सरत्सु च विशां पते वासान् कृत्वा क्रमेणाथ जग्मुस् ते कुरुपुंगवाः

nadītīreṣu ramyeṣu saratsu ca viśāṃ pate vāsān kṛtvā krameṇātha jagmus te kurupuṃgavāḥ

Sanskrit only: no published translation is held for this verse.

युयुत्सुश् च महातेजा धौम्यश् चैव पुरोहितः युधिष्ठिरस्य वचनात् पुरगुप्तिं प्रचक्रतुः

yuyutsuś ca mahātejā dhaumyaś caiva purohitaḥ yudhiṣṭhirasya vacanāt puraguptiṃ pracakratuḥ

Sanskrit only: no published translation is held for this verse.

ततो युधिष्ठिरो राजा कुरुक्षेत्रम् अवातरत् क्रमेणोत्तीर्य यमुनां नदीं परमपावनीम्

tato yudhiṣṭhiro rājā kurukṣetram avātarat krameṇottīrya yamunāṃ nadīṃ paramapāvanīm

Sanskrit only: no published translation is held for this verse.

स ददर्शाश्रमं दूराद् राजर्षेस् तस्य धीमतः शतयूपस्य कौरव्य धृतराष्ट्रस्य चैव ह

sa dadarśāśramaṃ dūrād rājarṣes tasya dhīmataḥ śatayūpasya kauravya dhṛtarāṣṭrasya caiva ha

Sanskrit only: no published translation is held for this verse.

ततः प्रमुदितः सर्वो जनस् तद् वनम् अञ्जसा विवेश सुमहानादैर् आपूर्य भरतर्षभ

tataḥ pramuditaḥ sarvo janas tad vanam añjasā viveśa sumahānādair āpūrya bharatarṣabha

Sanskrit only: no published translation is held for this verse.