Mahābhārata (critical edition) 15.4

वैशंपायन उवाच युधिष्ठिरस्य नृपतेर् दुर्योधनपितुस् तथा नान्तरं ददृशू राजन् पुरुषाः प्रणयं प्रति

vaiśaṃpāyana uvāca yudhiṣṭhirasya nṛpater duryodhanapitus tathā nāntaraṃ dadṛśū rājan puruṣāḥ praṇayaṃ prati

Sanskrit only: no published translation is held for this verse.

यदा तु कौरवो राजा पुत्रं सस्मार बालिशम् तदा भीमं हृदा राजन्न् अपध्याति स पार्थिवः

yadā tu kauravo rājā putraṃ sasmāra bāliśam tadā bhīmaṃ hṛdā rājann apadhyāti sa pārthivaḥ

Sanskrit only: no published translation is held for this verse.

तथैव भीमसेनो ऽपि धृतराष्ट्रं जनाधिपम् नामर्षयत राजेन्द्र सदैवातुष्टवद् धृदा

tathaiva bhīmaseno 'pi dhṛtarāṣṭraṃ janādhipam nāmarṣayata rājendra sadaivātuṣṭavad dhṛdā

Sanskrit only: no published translation is held for this verse.

अप्रकाशान्य् अप्रियाणि चकारास्य वृकोदरः आज्ञां प्रत्यहरच् चापि कृतकैः पुरुषैः सदा

aprakāśāny apriyāṇi cakārāsya vṛkodaraḥ ājñāṃ pratyaharac cāpi kṛtakaiḥ puruṣaiḥ sadā

Sanskrit only: no published translation is held for this verse.

अथ भीमः सुहृन्मध्ये बाहुशब्दं तथाकरोत् संश्रवे धृतराष्ट्रस्य गान्धार्याश् चाप्य् अमर्षणः

atha bhīmaḥ suhṛnmadhye bāhuśabdaṃ tathākarot saṃśrave dhṛtarāṣṭrasya gāndhāryāś cāpy amarṣaṇaḥ

Sanskrit only: no published translation is held for this verse.

स्मृत्वा दुर्योधनं शत्रुं कर्णदुःशासनाव् अपि प्रोवाचाथ सुसंरब्धो भीमः स परुषं वचः

smṛtvā duryodhanaṃ śatruṃ karṇaduḥśāsanāv api provācātha susaṃrabdho bhīmaḥ sa paruṣaṃ vacaḥ

Sanskrit only: no published translation is held for this verse.

अन्धस्य नृपतेः पुत्रा मया परिघबाहुना नीता लोकम् अमुं सर्वे नानाशस्त्रात्तजीविताः

andhasya nṛpateḥ putrā mayā parighabāhunā nītā lokam amuṃ sarve nānāśastrāttajīvitāḥ

Sanskrit only: no published translation is held for this verse.

इमौ तौ परिघप्रख्यौ भुजौ मम दुरासदौ ययोर् अन्तरम् आसाद्य धार्तराष्ट्राः क्षयं गताः

imau tau parighaprakhyau bhujau mama durāsadau yayor antaram āsādya dhārtarāṣṭrāḥ kṣayaṃ gatāḥ

Sanskrit only: no published translation is held for this verse.

ताव् इमौ चन्दनेनाक्तौ वन्दनीयौ च मे भुजौ याभ्यां दुर्योधनो नीतः क्षयं ससुतबान्धवः

tāv imau candanenāktau vandanīyau ca me bhujau yābhyāṃ duryodhano nītaḥ kṣayaṃ sasutabāndhavaḥ

Sanskrit only: no published translation is held for this verse.

एताश् चान्याश् च विविधाः शल्यभूता जनाधिपः वृकोदरस्य ता वाचः श्रुत्वा निर्वेदम् आगमत्

etāś cānyāś ca vividhāḥ śalyabhūtā janādhipaḥ vṛkodarasya tā vācaḥ śrutvā nirvedam āgamat

Sanskrit only: no published translation is held for this verse.

सा च बुद्धिमती देवी कालपर्यायवेदिनी गान्धारी सर्वधर्मज्ञा तान्य् अलीकानि शुश्रुवे

sā ca buddhimatī devī kālaparyāyavedinī gāndhārī sarvadharmajñā tāny alīkāni śuśruve

Sanskrit only: no published translation is held for this verse.

ततः पञ्चदशे वर्षे समतीते नराधिपः राजा निर्वेदम् आपेदे भीमवाग्बाणपीडितः

tataḥ pañcadaśe varṣe samatīte narādhipaḥ rājā nirvedam āpede bhīmavāgbāṇapīḍitaḥ

Sanskrit only: no published translation is held for this verse.

नान्वबुध्यत तद् राजा कुन्तीपुत्रो युधिष्ठिरः श्वेताश्वो वाथ कुन्ती वा द्रौपदी वा यशस्विनी

nānvabudhyata tad rājā kuntīputro yudhiṣṭhiraḥ śvetāśvo vātha kuntī vā draupadī vā yaśasvinī

Sanskrit only: no published translation is held for this verse.

माद्रीपुत्रौ च भीमस्य चित्तज्ञाव् अन्वमोदताम् राज्ञस् तु चित्तं रक्षन्तौ नोचतुः किं चिद् अप्रियम्

mādrīputrau ca bhīmasya cittajñāv anvamodatām rājñas tu cittaṃ rakṣantau nocatuḥ kiṃ cid apriyam

Sanskrit only: no published translation is held for this verse.

ततः समानयाम् आस धृतराष्ट्रः सुहृज्जनम् बाष्पसंदिग्धम् अत्यर्थम् इदम् आह वचो भृशम्

tataḥ samānayām āsa dhṛtarāṣṭraḥ suhṛjjanam bāṣpasaṃdigdham atyartham idam āha vaco bhṛśam

Sanskrit only: no published translation is held for this verse.