Library·Mahābhārata (critical edition)·2·2.1
वैशंपायन उवाच ततो ऽब्रवीन् मयः पार्थं वासुदेवस्य संनिधौ प्राञ्जलिः श्लक्ष्णया वाचा पूजयित्वा पुनः पुनः
vaiśaṃpāyana uvāca tato 'bravīn mayaḥ pārthaṃ vāsudevasya saṃnidhau prāñjaliḥ ślakṣṇayā vācā pūjayitvā punaḥ punaḥ
Sanskrit only: no published translation is held for this verse.
अस्माच् च कृष्णात् संक्रुद्धात् पावकाच् च दिधक्षतः त्वया त्रातो ऽस्मि कौन्तेय ब्रूहि किं करवाणि ते
asmāc ca kṛṣṇāt saṃkruddhāt pāvakāc ca didhakṣataḥ tvayā trāto 'smi kaunteya brūhi kiṃ karavāṇi te
Sanskrit only: no published translation is held for this verse.
अर्जुन उवाच कृतम् एव त्वया सर्वं स्वस्ति गच्छ महासुर प्रीतिमान् भव मे नित्यं प्रीतिमन्तो वयं च ते
arjuna uvāca kṛtam eva tvayā sarvaṃ svasti gaccha mahāsura prītimān bhava me nityaṃ prītimanto vayaṃ ca te
Sanskrit only: no published translation is held for this verse.
मय उवाच युक्तम् एतत् त्वयि विभो यथात्थ पुरुषर्षभ प्रीतिपूर्वम् अहं किं चित् कर्तुम् इच्छामि भारत
maya uvāca yuktam etat tvayi vibho yathāttha puruṣarṣabha prītipūrvam ahaṃ kiṃ cit kartum icchāmi bhārata
Sanskrit only: no published translation is held for this verse.
अहं हि विश्वकर्मा वै दानवानां महाकविः सो ऽहं वै त्वत्कृते किं चित् कर्तुम् इच्छामि पाण्डव
ahaṃ hi viśvakarmā vai dānavānāṃ mahākaviḥ so 'haṃ vai tvatkṛte kiṃ cit kartum icchāmi pāṇḍava
Sanskrit only: no published translation is held for this verse.
अर्जुन उवाच प्राणकृच्छ्राद् विमुक्तं त्वम् आत्मानं मन्यसे मया एवं गते न शक्ष्यामि किं चित् कारयितुं त्वया
arjuna uvāca prāṇakṛcchrād vimuktaṃ tvam ātmānaṃ manyase mayā evaṃ gate na śakṣyāmi kiṃ cit kārayituṃ tvayā
Sanskrit only: no published translation is held for this verse.
न चापि तव संकल्पं मोघम् इच्छामि दानव कृष्णस्य क्रियतां किं चित् तथा प्रतिकृतं मयि
na cāpi tava saṃkalpaṃ mogham icchāmi dānava kṛṣṇasya kriyatāṃ kiṃ cit tathā pratikṛtaṃ mayi
Sanskrit only: no published translation is held for this verse.
वैशंपायन उवाच चोदितो वासुदेवस् तु मयेन भरतर्षभ मुहूर्तम् इव संदध्यौ किम् अयं चोद्यताम् इति
vaiśaṃpāyana uvāca codito vāsudevas tu mayena bharatarṣabha muhūrtam iva saṃdadhyau kim ayaṃ codyatām iti
Sanskrit only: no published translation is held for this verse.
चोदयाम् आस तं कृष्णः सभा वै क्रियताम् इति धर्मराजस्य दैतेय यादृशीम् इह मन्यसे
codayām āsa taṃ kṛṣṇaḥ sabhā vai kriyatām iti dharmarājasya daiteya yādṛśīm iha manyase
Sanskrit only: no published translation is held for this verse.
यां कृतां नानुकुर्युस् ते मानवाः प्रेक्ष्य विस्मिताः मनुष्यलोके कृत्स्ने ऽस्मिंस् तादृशीं कुरु वै सभाम्
yāṃ kṛtāṃ nānukuryus te mānavāḥ prekṣya vismitāḥ manuṣyaloke kṛtsne 'smiṃs tādṛśīṃ kuru vai sabhām
Sanskrit only: no published translation is held for this verse.
यत्र दिव्यान् अभिप्रायान् पश्येम विहितांस् त्वया आसुरान् मानुषांश् चैव तां सभां कुरु वै मय
yatra divyān abhiprāyān paśyema vihitāṃs tvayā āsurān mānuṣāṃś caiva tāṃ sabhāṃ kuru vai maya
Sanskrit only: no published translation is held for this verse.
प्रतिगृह्य तु तद् वाक्यं संप्रहृष्टो मयस् तदा विमानप्रतिमां चक्रे पाण्डवस्य सभां मुदा
pratigṛhya tu tad vākyaṃ saṃprahṛṣṭo mayas tadā vimānapratimāṃ cakre pāṇḍavasya sabhāṃ mudā
Sanskrit only: no published translation is held for this verse.
ततः कृष्णश् च पार्थश् च धर्मराजे युधिष्ठिरे सर्वम् एतद् यथावेद्य दर्शयाम् आसतुर् मयम्
tataḥ kṛṣṇaś ca pārthaś ca dharmarāje yudhiṣṭhire sarvam etad yathāvedya darśayām āsatur mayam
Sanskrit only: no published translation is held for this verse.
तस्मै युधिष्ठिरः पूजां यथार्हम् अकरोत् तदा स तु तां प्रतिजग्राह मयः सत्कृत्य सत्कृतः
tasmai yudhiṣṭhiraḥ pūjāṃ yathārham akarot tadā sa tu tāṃ pratijagrāha mayaḥ satkṛtya satkṛtaḥ
Sanskrit only: no published translation is held for this verse.
स पूर्वदेवचरितं तत्र तत्र विशां पते कथयाम् आस दैतेयः पाण्डुपुत्रेषु भारत
sa pūrvadevacaritaṃ tatra tatra viśāṃ pate kathayām āsa daiteyaḥ pāṇḍuputreṣu bhārata
Sanskrit only: no published translation is held for this verse.
स कालं कं चिद् आश्वस्य विश्वकर्मा प्रचिन्त्य च सभां प्रचक्रमे कर्तुं पाण्डवानां महात्मनाम्
sa kālaṃ kaṃ cid āśvasya viśvakarmā pracintya ca sabhāṃ pracakrame kartuṃ pāṇḍavānāṃ mahātmanām
Sanskrit only: no published translation is held for this verse.
अभिप्रायेण पार्थानां कृष्णस्य च महात्मनः पुण्ये ऽहनि महातेजाः कृतकौतुकमङ्गलः
abhiprāyeṇa pārthānāṃ kṛṣṇasya ca mahātmanaḥ puṇye 'hani mahātejāḥ kṛtakautukamaṅgalaḥ
Sanskrit only: no published translation is held for this verse.
तर्पयित्वा द्विजश्रेष्ठान् पायसेन सहस्रशः धनं बहुविधं दत्त्वा तेभ्य एव च वीर्यवान्
tarpayitvā dvijaśreṣṭhān pāyasena sahasraśaḥ dhanaṃ bahuvidhaṃ dattvā tebhya eva ca vīryavān
Sanskrit only: no published translation is held for this verse.
सर्वर्तुगुणसंपन्नां दिव्यरूपां मनोरमाम् दशकिष्कुसहस्रां तां मापयाम् आस सर्वतः
sarvartuguṇasaṃpannāṃ divyarūpāṃ manoramām daśakiṣkusahasrāṃ tāṃ māpayām āsa sarvataḥ
Sanskrit only: no published translation is held for this verse.