नारद उवाच सभा वैश्रवणी राजञ् शतयोजनम् आयता विस्तीर्णा सप्ततिश् चैव योजनानि सितप्रभा
nārada uvāca sabhā vaiśravaṇī rājañ śatayojanam āyatā vistīrṇā saptatiś caiva yojanāni sitaprabhā
Sanskrit only: no published translation is held for this verse.
Library·Mahābhārata (critical edition)·2·2.10
Mahābhārata (critical edition) 2.10
तपसा निर्मिता राजन् स्वयं वैश्रवणेन सा शशिप्रभा खेचरीणां कैलासशिखरोपमा
tapasā nirmitā rājan svayaṃ vaiśravaṇena sā śaśiprabhā khecarīṇāṃ kailāsaśikharopamā
Sanskrit only: no published translation is held for this verse.
गुह्यकैर् उह्यमाना सा खे विषक्तेव दृश्यते दिव्या हेममयैर् उच्चैः पादपैर् उपशोभिता
guhyakair uhyamānā sā khe viṣakteva dṛśyate divyā hemamayair uccaiḥ pādapair upaśobhitā
Sanskrit only: no published translation is held for this verse.
रश्मिवती भास्वरा च दिव्यगन्धा मनोरमा सिताभ्रशिखराकारा प्लवमानेव दृश्यते
raśmivatī bhāsvarā ca divyagandhā manoramā sitābhraśikharākārā plavamāneva dṛśyate
Sanskrit only: no published translation is held for this verse.
तस्यां वैश्रवणो राजा विचित्राभरणाम्बरः स्त्रीसहस्रावृतः श्रीमान् आस्ते ज्वलितकुण्डलः
tasyāṃ vaiśravaṇo rājā vicitrābharaṇāmbaraḥ strīsahasrāvṛtaḥ śrīmān āste jvalitakuṇḍalaḥ
Sanskrit only: no published translation is held for this verse.
दिवाकरनिभे पुण्ये दिव्यास्तरणसंवृते दिव्यपादोपधाने च निषण्णः परमासने
divākaranibhe puṇye divyāstaraṇasaṃvṛte divyapādopadhāne ca niṣaṇṇaḥ paramāsane
Sanskrit only: no published translation is held for this verse.
मन्दाराणाम् उदाराणां वनानि सुरभीणि च सौगन्धिकानां चादाय गन्धान् गन्धवहः शुचिः
mandārāṇām udārāṇāṃ vanāni surabhīṇi ca saugandhikānāṃ cādāya gandhān gandhavahaḥ śuciḥ
Sanskrit only: no published translation is held for this verse.
नलिन्याश् चालकाख्यायाश् चन्दनानां वनस्य च मनोहृदयसंह्लादी वायुस् तम् उपसेवते
nalinyāś cālakākhyāyāś candanānāṃ vanasya ca manohṛdayasaṃhlādī vāyus tam upasevate
Sanskrit only: no published translation is held for this verse.
तत्र देवाः सगन्धर्वा गणैर् अप्सरसां वृताः दिव्यतानेन गीतानि गान्ति दिव्यानि भारत
tatra devāḥ sagandharvā gaṇair apsarasāṃ vṛtāḥ divyatānena gītāni gānti divyāni bhārata
Sanskrit only: no published translation is held for this verse.
मिश्रकेशी च रम्भा च चित्रसेना शुचिस्मिता चारुनेत्रा घृताची च मेनका पुञ्जिकस्थला
miśrakeśī ca rambhā ca citrasenā śucismitā cārunetrā ghṛtācī ca menakā puñjikasthalā
Sanskrit only: no published translation is held for this verse.
विश्वाची सहजन्या च प्रम्लोचा उर्वशी इरा वर्गा च सौरभेयी च समीची बुद्बुदा लता
viśvācī sahajanyā ca pramlocā urvaśī irā vargā ca saurabheyī ca samīcī budbudā latā
Sanskrit only: no published translation is held for this verse.
एताः सहस्रशश् चान्या नृत्तगीतविशारदाः उपतिष्ठन्ति धनदं पाण्डवाप्सरसां गणाः
etāḥ sahasraśaś cānyā nṛttagītaviśāradāḥ upatiṣṭhanti dhanadaṃ pāṇḍavāpsarasāṃ gaṇāḥ
Sanskrit only: no published translation is held for this verse.
अनिशं दिव्यवादित्रैर् नृत्तैर् गीतैश् च सा सभा अशून्या रुचिरा भाति गन्धर्वाप्सरसां गणैः
aniśaṃ divyavāditrair nṛttair gītaiś ca sā sabhā aśūnyā rucirā bhāti gandharvāpsarasāṃ gaṇaiḥ
Sanskrit only: no published translation is held for this verse.
किंनरा नाम गन्धर्वा नरा नाम तथापरे मणिभद्रो ऽथ धनदः श्वेतभद्रश् च गुह्यकः
kiṃnarā nāma gandharvā narā nāma tathāpare maṇibhadro 'tha dhanadaḥ śvetabhadraś ca guhyakaḥ
Sanskrit only: no published translation is held for this verse.
कशेरको गण्डकण्डुः प्रद्योतश् च महाबलः कुस्तुम्बुरुः पिशाचश् च गजकर्णो विशालकः
kaśerako gaṇḍakaṇḍuḥ pradyotaś ca mahābalaḥ kustumburuḥ piśācaś ca gajakarṇo viśālakaḥ
Sanskrit only: no published translation is held for this verse.
वराहकर्णः सान्द्रोष्ठः फलभक्षः फलोदकः अङ्गचूडः शिखावर्तो हेमनेत्रो विभीषणः
varāhakarṇaḥ sāndroṣṭhaḥ phalabhakṣaḥ phalodakaḥ aṅgacūḍaḥ śikhāvarto hemanetro vibhīṣaṇaḥ
Sanskrit only: no published translation is held for this verse.
पुष्पाननः पिङ्गलकः शोणितोदः प्रवालकः वृक्षवास्यनिकेतश् च चीरवासाश् च भारत
puṣpānanaḥ piṅgalakaḥ śoṇitodaḥ pravālakaḥ vṛkṣavāsyaniketaś ca cīravāsāś ca bhārata
Sanskrit only: no published translation is held for this verse.
एते चान्ये च बहवो यक्षाः शतसहस्रशः सदा भगवती च श्रीस् तथैव नलकूबरः
ete cānye ca bahavo yakṣāḥ śatasahasraśaḥ sadā bhagavatī ca śrīs tathaiva nalakūbaraḥ
Sanskrit only: no published translation is held for this verse.
अहं च बहुशस् तस्यां भवन्त्य् अन्ये च मद्विधाः आचार्याश् चाभवंस् तत्र तथा देवर्षयो ऽपरे
ahaṃ ca bahuśas tasyāṃ bhavanty anye ca madvidhāḥ ācāryāś cābhavaṃs tatra tathā devarṣayo 'pare
Sanskrit only: no published translation is held for this verse.
भगवान् भूतसंघैश् च वृतः शतसहस्रशः उमापतिः पशुपतिः शूलधृग् भगनेत्रहा
bhagavān bhūtasaṃghaiś ca vṛtaḥ śatasahasraśaḥ umāpatiḥ paśupatiḥ śūladhṛg bhaganetrahā
Sanskrit only: no published translation is held for this verse.
त्र्यम्बको राजशार्दूल देवी च विगतक्लमा वामनैर् विकटैः कुब्जैः क्षतजाक्षैर् मनोजवैः
tryambako rājaśārdūla devī ca vigataklamā vāmanair vikaṭaiḥ kubjaiḥ kṣatajākṣair manojavaiḥ
Sanskrit only: no published translation is held for this verse.
मांसमेदोवसाहारैर् उग्रश्रवणदर्शनैः नानाप्रहरणैर् घोरैर् वातैर् इव महाजवैः वृतः सखायम् अन्वास्ते सदैव धनदं नृप
māṃsamedovasāhārair ugraśravaṇadarśanaiḥ nānāpraharaṇair ghorair vātair iva mahājavaiḥ vṛtaḥ sakhāyam anvāste sadaiva dhanadaṃ nṛpa
Sanskrit only: no published translation is held for this verse.
सा सभा तादृशी राजन् मया दृष्टान्तरिक्षगा पितामहसभां राजन् कथयिष्ये गतक्लमाम्
sā sabhā tādṛśī rājan mayā dṛṣṭāntarikṣagā pitāmahasabhāṃ rājan kathayiṣye gataklamām
Sanskrit only: no published translation is held for this verse.