Mahābhārata (critical edition) 2.17

राक्षस्य् उवाच जरा नामास्मि भद्रं ते राक्षसी कामरूपिणी तव वेश्मनि राजेन्द्र पूजिता न्यवसं सुखम्

rākṣasy uvāca jarā nāmāsmi bhadraṃ te rākṣasī kāmarūpiṇī tava veśmani rājendra pūjitā nyavasaṃ sukham

Sanskrit only: no published translation is held for this verse.

साहं प्रत्युपकारार्थं चिन्तयन्त्य् अनिशं नृप तवेमे पुत्रशकले दृष्टवत्य् अस्मि धार्मिक

sāhaṃ pratyupakārārthaṃ cintayanty aniśaṃ nṛpa taveme putraśakale dṛṣṭavaty asmi dhārmika

Sanskrit only: no published translation is held for this verse.

संश्लेषिते मया दैवात् कुमारः समपद्यत तव भाग्यैर् महाराज हेतुमात्रम् अहं त्व् इह

saṃśleṣite mayā daivāt kumāraḥ samapadyata tava bhāgyair mahārāja hetumātram ahaṃ tv iha

Sanskrit only: no published translation is held for this verse.

कृष्ण उवाच एवम् उक्त्वा तु सा राजंस् तत्रैवान्तरधीयत स गृह्य च कुमारं तं प्राविशत् स्वगृहं नृपः

kṛṣṇa uvāca evam uktvā tu sā rājaṃs tatraivāntaradhīyata sa gṛhya ca kumāraṃ taṃ prāviśat svagṛhaṃ nṛpaḥ

Sanskrit only: no published translation is held for this verse.

तस्य बालस्य यत् कृत्यं तच् चकार नृपस् तदा आज्ञापयच् च राक्षस्या मागधेषु महोत्सवम्

tasya bālasya yat kṛtyaṃ tac cakāra nṛpas tadā ājñāpayac ca rākṣasyā māgadheṣu mahotsavam

Sanskrit only: no published translation is held for this verse.

तस्य नामाकरोत् तत्र प्रजापतिसमः पिता जरया संधितो यस्माज् जरासंधस् ततो ऽभवत्

tasya nāmākarot tatra prajāpatisamaḥ pitā jarayā saṃdhito yasmāj jarāsaṃdhas tato 'bhavat

Sanskrit only: no published translation is held for this verse.

सो ऽवर्धत महातेजा मगधाधिपतेः सुतः प्रमाणबलसंपन्नो हुताहुतिर् इवानलः

so 'vardhata mahātejā magadhādhipateḥ sutaḥ pramāṇabalasaṃpanno hutāhutir ivānalaḥ

Sanskrit only: no published translation is held for this verse.

कस्य चित् त्व् अथ कालस्य पुनर् एव महातपाः मगधान् उपचक्राम भगवांश् चण्डकौशिकः

kasya cit tv atha kālasya punar eva mahātapāḥ magadhān upacakrāma bhagavāṃś caṇḍakauśikaḥ

Sanskrit only: no published translation is held for this verse.

तस्यागमनसंहृष्टः सामात्यः सपुरःसरः सभार्यः सह पुत्रेण निर्जगाम बृहद्रथः

tasyāgamanasaṃhṛṣṭaḥ sāmātyaḥ sapuraḥsaraḥ sabhāryaḥ saha putreṇa nirjagāma bṛhadrathaḥ

Sanskrit only: no published translation is held for this verse.

पाद्यार्घ्याचमनीयैस् तम् अर्चयाम् आस भारत स नृपो राज्यसहितं पुत्रं चास्मै न्यवेदयत्

pādyārghyācamanīyais tam arcayām āsa bhārata sa nṛpo rājyasahitaṃ putraṃ cāsmai nyavedayat

Sanskrit only: no published translation is held for this verse.

प्रतिगृह्य तु तां पूजां पार्थिवाद् भगवान् ऋषिः उवाच मागधं राजन् प्रहृष्टेनान्तरात्मना

pratigṛhya tu tāṃ pūjāṃ pārthivād bhagavān ṛṣiḥ uvāca māgadhaṃ rājan prahṛṣṭenāntarātmanā

Sanskrit only: no published translation is held for this verse.

सर्वम् एतन् मया राजन् विज्ञातं ज्ञानचक्षुषा पुत्रस् तु शृणु राजेन्द्र यादृशो ऽयं भविष्यति

sarvam etan mayā rājan vijñātaṃ jñānacakṣuṣā putras tu śṛṇu rājendra yādṛśo 'yaṃ bhaviṣyati

Sanskrit only: no published translation is held for this verse.

अस्य वीर्यवतो वीर्यं नानुयास्यन्ति पार्थिवाः देवैर् अपि विसृष्टानि शस्त्राण्य् अस्य महीपते न रुजं जनयिष्यन्ति गिरेर् इव नदीरयाः

asya vīryavato vīryaṃ nānuyāsyanti pārthivāḥ devair api visṛṣṭāni śastrāṇy asya mahīpate na rujaṃ janayiṣyanti girer iva nadīrayāḥ

Sanskrit only: no published translation is held for this verse.

सर्वमूर्धाभिषिक्तानाम् एष मूर्ध्नि ज्वलिष्यति सर्वेषां निष्प्रभकरो ज्योतिषाम् इव भास्करः

sarvamūrdhābhiṣiktānām eṣa mūrdhni jvaliṣyati sarveṣāṃ niṣprabhakaro jyotiṣām iva bhāskaraḥ

Sanskrit only: no published translation is held for this verse.

एनम् आसाद्य राजानः समृद्धबलवाहनाः विनाशम् उपयास्यन्ति शलभा इव पावकम्

enam āsādya rājānaḥ samṛddhabalavāhanāḥ vināśam upayāsyanti śalabhā iva pāvakam

Sanskrit only: no published translation is held for this verse.

एष श्रियं समुदितां सर्वराज्ञां ग्रहीष्यति वर्षास्व् इवोद्धतजला नदीर् नदनदीपतिः

eṣa śriyaṃ samuditāṃ sarvarājñāṃ grahīṣyati varṣāsv ivoddhatajalā nadīr nadanadīpatiḥ

Sanskrit only: no published translation is held for this verse.

एष धारयिता सम्यक् चातुर्वर्ण्यं महाबलः शुभाशुभम् इव स्फीता सर्वसस्यधरा धरा

eṣa dhārayitā samyak cāturvarṇyaṃ mahābalaḥ śubhāśubham iva sphītā sarvasasyadharā dharā

Sanskrit only: no published translation is held for this verse.

अस्याज्ञावशगाः सर्वे भविष्यन्ति नराधिपाः सर्वभूतात्मभूतस्य वायोर् इव शरीरिणः

asyājñāvaśagāḥ sarve bhaviṣyanti narādhipāḥ sarvabhūtātmabhūtasya vāyor iva śarīriṇaḥ

Sanskrit only: no published translation is held for this verse.

एष रुद्रं महादेवं त्रिपुरान्तकरं हरम् सर्वलोकेष्व् अतिबलः स्वयं द्रक्ष्यति मागधः

eṣa rudraṃ mahādevaṃ tripurāntakaraṃ haram sarvalokeṣv atibalaḥ svayaṃ drakṣyati māgadhaḥ

Sanskrit only: no published translation is held for this verse.

एवं ब्रुवन्न् एव मुनिः स्वकार्यार्थं विचिन्तयन् विसर्जयाम् आस नृपं बृहद्रथम् अथारिहन्

evaṃ bruvann eva muniḥ svakāryārthaṃ vicintayan visarjayām āsa nṛpaṃ bṛhadratham athārihan

Sanskrit only: no published translation is held for this verse.

प्रविश्य नगरं चैव ज्ञातिसंबन्धिभिर् वृतः अभिषिच्य जरासंधं मगधाधिपतिस् तदा बृहद्रथो नरपतिः परां निर्वृतिम् आययौ

praviśya nagaraṃ caiva jñātisaṃbandhibhir vṛtaḥ abhiṣicya jarāsaṃdhaṃ magadhādhipatis tadā bṛhadratho narapatiḥ parāṃ nirvṛtim āyayau

Sanskrit only: no published translation is held for this verse.

अभिषिक्ते जरासंधे तदा राजा बृहद्रथः पत्नीद्वयेनानुगतस् तपोवनरतो ऽभवत्

abhiṣikte jarāsaṃdhe tadā rājā bṛhadrathaḥ patnīdvayenānugatas tapovanarato 'bhavat

Sanskrit only: no published translation is held for this verse.

तपोवनस्थे पितरि मातृभ्यां सह भारत जरासंधः स्ववीर्येण पार्थिवान् अकरोद् वशे

tapovanasthe pitari mātṛbhyāṃ saha bhārata jarāsaṃdhaḥ svavīryeṇa pārthivān akarod vaśe

Sanskrit only: no published translation is held for this verse.

अथ दीर्घस्य कालस्य तपोवनगतो नृपः सभार्यः स्वर्गम् अगमत् तपस् तप्त्वा बृहद्रथः

atha dīrghasya kālasya tapovanagato nṛpaḥ sabhāryaḥ svargam agamat tapas taptvā bṛhadrathaḥ

Sanskrit only: no published translation is held for this verse.

तस्यास्तां हंसडिभकाव् अशस्त्रनिधनाव् उभौ मन्त्रे मतिमतां श्रेष्ठौ युद्धशास्त्रविशारदौ

tasyāstāṃ haṃsaḍibhakāv aśastranidhanāv ubhau mantre matimatāṃ śreṣṭhau yuddhaśāstraviśāradau

Sanskrit only: no published translation is held for this verse.

यौ तौ मया ते कथितौ पूर्वम् एव महाबलौ त्रयस् त्रयाणां लोकानां पर्याप्ता इति मे मतिः

yau tau mayā te kathitau pūrvam eva mahābalau trayas trayāṇāṃ lokānāṃ paryāptā iti me matiḥ

Sanskrit only: no published translation is held for this verse.

एवम् एष तदा वीर बलिभिः कुकुरान्धकैः वृष्णिभिश् च महाराज नीतिहेतोर् उपेक्षितः

evam eṣa tadā vīra balibhiḥ kukurāndhakaiḥ vṛṣṇibhiś ca mahārāja nītihetor upekṣitaḥ

Sanskrit only: no published translation is held for this verse.