Mahābhārata (critical edition) 2.27

वैशंपायन उवाच ततः कुमारविषये श्रेणिमन्तम् अथाजयत् कोसलाधिपतिं चैव बृहद्बलम् अरिंदमः

vaiśaṃpāyana uvāca tataḥ kumāraviṣaye śreṇimantam athājayat kosalādhipatiṃ caiva bṛhadbalam ariṃdamaḥ

Sanskrit only: no published translation is held for this verse.

अयोध्यायां तु धर्मज्ञं दीर्घप्रज्ञं महाबलम् अजयत् पाण्डवश्रेष्ठो नातितीव्रेण कर्मणा

ayodhyāyāṃ tu dharmajñaṃ dīrghaprajñaṃ mahābalam ajayat pāṇḍavaśreṣṭho nātitīvreṇa karmaṇā

Sanskrit only: no published translation is held for this verse.

ततो गोपालकच्छं च सोत्तमान् अपि चोत्तरान् मल्लानाम् अधिपं चैव पार्थिवं व्यजयत् प्रभुः

tato gopālakacchaṃ ca sottamān api cottarān mallānām adhipaṃ caiva pārthivaṃ vyajayat prabhuḥ

Sanskrit only: no published translation is held for this verse.

ततो हिमवतः पार्श्वे समभ्येत्य जरद्गवम् सर्वम् अल्पेन कालेन देशं चक्रे वशे बली

tato himavataḥ pārśve samabhyetya jaradgavam sarvam alpena kālena deśaṃ cakre vaśe balī

Sanskrit only: no published translation is held for this verse.

एवं बहुविधान् देशान् विजित्य पुरुषर्षभः उन्नाटम् अभितो जिग्ये कुक्षिमन्तं च पर्वतम् पाण्डवः सुमहावीर्यो बलेन बलिनां वरः

evaṃ bahuvidhān deśān vijitya puruṣarṣabhaḥ unnāṭam abhito jigye kukṣimantaṃ ca parvatam pāṇḍavaḥ sumahāvīryo balena balināṃ varaḥ

Sanskrit only: no published translation is held for this verse.

स काशिराजं समरे सुबन्धुम् अनिवर्तिनम् वशे चक्रे महाबाहुर् भीमो भीमपराक्रमः

sa kāśirājaṃ samare subandhum anivartinam vaśe cakre mahābāhur bhīmo bhīmaparākramaḥ

Sanskrit only: no published translation is held for this verse.

ततः सुपार्श्वम् अभितस् तथा राजपतिं क्रथम् युध्यमानं बलात् संख्ये विजिग्ये पाण्डवर्षभः

tataḥ supārśvam abhitas tathā rājapatiṃ kratham yudhyamānaṃ balāt saṃkhye vijigye pāṇḍavarṣabhaḥ

Sanskrit only: no published translation is held for this verse.

ततो मत्स्यान् महातेजा मलयांश् च महाबलान् अनवद्यान् गयांश् चैव पशुभूमिं च सर्वशः

tato matsyān mahātejā malayāṃś ca mahābalān anavadyān gayāṃś caiva paśubhūmiṃ ca sarvaśaḥ

Sanskrit only: no published translation is held for this verse.

निवृत्य च महाबाहुर् मदर्वीकं महीधरम् सोपदेशं विनिर्जित्य प्रययाव् उत्तरामुखः वत्सभूमिं च कौन्तेयो विजिग्ये बलवान् बलात्

nivṛtya ca mahābāhur madarvīkaṃ mahīdharam sopadeśaṃ vinirjitya prayayāv uttarāmukhaḥ vatsabhūmiṃ ca kaunteyo vijigye balavān balāt

Sanskrit only: no published translation is held for this verse.

भर्गाणाम् अधिपं चैव निषादाधिपतिं तथा विजिग्ये भूमिपालांश् च मणिमत्प्रमुखान् बहून्

bhargāṇām adhipaṃ caiva niṣādādhipatiṃ tathā vijigye bhūmipālāṃś ca maṇimatpramukhān bahūn

Sanskrit only: no published translation is held for this verse.

ततो दक्षिणमल्लांश् च भोगवन्तं च पाण्डवः तरसैवाजयद् भीमो नातितीव्रेण कर्मणा

tato dakṣiṇamallāṃś ca bhogavantaṃ ca pāṇḍavaḥ tarasaivājayad bhīmo nātitīvreṇa karmaṇā

Sanskrit only: no published translation is held for this verse.

शर्मकान् वर्मकांश् चैव सान्त्वेनैवाजयत् प्रभुः वैदेहकं च राजानं जनकं जगतीपतिम् विजिग्ये पुरुषव्याघ्रो नातितीव्रेण कर्मणा

śarmakān varmakāṃś caiva sāntvenaivājayat prabhuḥ vaidehakaṃ ca rājānaṃ janakaṃ jagatīpatim vijigye puruṣavyāghro nātitīvreṇa karmaṇā

Sanskrit only: no published translation is held for this verse.

वैदेहस्थस् तु कौन्तेय इन्द्रपर्वतम् अन्तिकात् किरातानाम् अधिपतीन् व्यजयत् सप्त पाण्डवः

vaidehasthas tu kaunteya indraparvatam antikāt kirātānām adhipatīn vyajayat sapta pāṇḍavaḥ

Sanskrit only: no published translation is held for this verse.

ततः सुह्मान् प्राच्यसुह्मान् समक्षांश् चैव वीर्यवान् विजित्य युधि कौन्तेयो मागधान् उपयाद् बली

tataḥ suhmān prācyasuhmān samakṣāṃś caiva vīryavān vijitya yudhi kaunteyo māgadhān upayād balī

Sanskrit only: no published translation is held for this verse.

दण्डं च दण्डधारं च विजित्य पृथिवीपतीन् तैर् एव सहितः सर्वैर् गिरिव्रजम् उपाद्रवत्

daṇḍaṃ ca daṇḍadhāraṃ ca vijitya pṛthivīpatīn tair eva sahitaḥ sarvair girivrajam upādravat

Sanskrit only: no published translation is held for this verse.

जारासंधिं सान्त्वयित्वा करे च विनिवेश्य ह तैर् एव सहितो राजन् कर्णम् अभ्यद्रवद् बली

jārāsaṃdhiṃ sāntvayitvā kare ca viniveśya ha tair eva sahito rājan karṇam abhyadravad balī

Sanskrit only: no published translation is held for this verse.

स कम्पयन्न् इव महीं बलेन चतुरङ्गिणा युयुधे पाण्डवश्रेष्ठः कर्णेनामित्रघातिना

sa kampayann iva mahīṃ balena caturaṅgiṇā yuyudhe pāṇḍavaśreṣṭhaḥ karṇenāmitraghātinā

Sanskrit only: no published translation is held for this verse.

स कर्णं युधि निर्जित्य वशे कृत्वा च भारत ततो विजिग्ये बलवान् राज्ञः पर्वतवासिनः

sa karṇaṃ yudhi nirjitya vaśe kṛtvā ca bhārata tato vijigye balavān rājñaḥ parvatavāsinaḥ

Sanskrit only: no published translation is held for this verse.

अथ मोदागिरिं चैव राजानं बलवत्तरम् पाण्डवो बाहुवीर्येण निजघान महामृधे

atha modāgiriṃ caiva rājānaṃ balavattaram pāṇḍavo bāhuvīryeṇa nijaghāna mahāmṛdhe

Sanskrit only: no published translation is held for this verse.

ततः पौण्ड्राधिपं वीरं वासुदेवं महाबलम् कौशिकीकच्छनिलयं राजानं च महौजसम्

tataḥ pauṇḍrādhipaṃ vīraṃ vāsudevaṃ mahābalam kauśikīkacchanilayaṃ rājānaṃ ca mahaujasam

Sanskrit only: no published translation is held for this verse.

उभौ बलवृतौ वीराव् उभौ तीव्रपराक्रमौ निर्जित्याजौ महाराज वङ्गराजम् उपाद्रवत्

ubhau balavṛtau vīrāv ubhau tīvraparākramau nirjityājau mahārāja vaṅgarājam upādravat

Sanskrit only: no published translation is held for this verse.

समुद्रसेनं निर्जित्य चन्द्रसेनं च पार्थिवम् ताम्रलिप्तं च राजानं काचं वङ्गाधिपं तथा

samudrasenaṃ nirjitya candrasenaṃ ca pārthivam tāmraliptaṃ ca rājānaṃ kācaṃ vaṅgādhipaṃ tathā

Sanskrit only: no published translation is held for this verse.

सुह्मानाम् अधिपं चैव ये च सागरवासिनः सर्वान् म्लेच्छगणांश् चैव विजिग्ये भरतर्षभः

suhmānām adhipaṃ caiva ye ca sāgaravāsinaḥ sarvān mlecchagaṇāṃś caiva vijigye bharatarṣabhaḥ

Sanskrit only: no published translation is held for this verse.

एवं बहुविधान् देशान् विजित्य पवनात्मजः वसु तेभ्य उपादाय लौहित्यम् अगमद् बली

evaṃ bahuvidhān deśān vijitya pavanātmajaḥ vasu tebhya upādāya lauhityam agamad balī

Sanskrit only: no published translation is held for this verse.

स सर्वान् म्लेच्छनृपतीन् सागरद्वीपवासिनः करम् आहारयाम् आस रत्नानि विविधानि च

sa sarvān mlecchanṛpatīn sāgaradvīpavāsinaḥ karam āhārayām āsa ratnāni vividhāni ca

Sanskrit only: no published translation is held for this verse.

चन्दनागुरुवस्त्राणि मणिमुक्तम् अनुत्तमम् काञ्चनं रजतं वज्रं विद्रुमं च महाधनम्

candanāguruvastrāṇi maṇimuktam anuttamam kāñcanaṃ rajataṃ vajraṃ vidrumaṃ ca mahādhanam

Sanskrit only: no published translation is held for this verse.

स कोटिशतसंख्येन धनेन महता तदा अभ्यवर्षद् अमेयात्मा धनवर्षेण पाण्डवम्

sa koṭiśatasaṃkhyena dhanena mahatā tadā abhyavarṣad ameyātmā dhanavarṣeṇa pāṇḍavam

Sanskrit only: no published translation is held for this verse.

इन्द्रप्रस्थम् अथागम्य भीमो भीमपराक्रमः निवेदयाम् आस तदा धर्मराजाय तद् धनम्

indraprastham athāgamya bhīmo bhīmaparākramaḥ nivedayām āsa tadā dharmarājāya tad dhanam

Sanskrit only: no published translation is held for this verse.