Library·Mahābhārata (critical edition)·3·3.116
अकृतव्रण उवाच स वेदाध्ययने युक्तो जमदग्निर् महातपाः तपस् तेपे ततो देवान् नियमाद् वशम् आनयत्
akṛtavraṇa uvāca sa vedādhyayane yukto jamadagnir mahātapāḥ tapas tepe tato devān niyamād vaśam ānayat
Sanskrit only: no published translation is held for this verse.
स प्रसेनजितं राजन्न् अधिगम्य नराधिपम् रेणुकां वरयाम् आस स च तस्मै ददौ नृपः
sa prasenajitaṃ rājann adhigamya narādhipam reṇukāṃ varayām āsa sa ca tasmai dadau nṛpaḥ
Sanskrit only: no published translation is held for this verse.
रेणुकां त्व् अथ संप्राप्य भार्यां भार्गवनन्दनः आश्रमस्थस् तया सार्धं तपस् तेपे ऽनुकूलया
reṇukāṃ tv atha saṃprāpya bhāryāṃ bhārgavanandanaḥ āśramasthas tayā sārdhaṃ tapas tepe 'nukūlayā
Sanskrit only: no published translation is held for this verse.
तस्याः कुमाराश् चत्वारो जज्ञिरे रामपञ्चमाः सर्वेषाम् अजघन्यस् तु राम आसीज् जघन्यजः
tasyāḥ kumārāś catvāro jajñire rāmapañcamāḥ sarveṣām ajaghanyas tu rāma āsīj jaghanyajaḥ
Sanskrit only: no published translation is held for this verse.
फलाहारेषु सर्वेषु गतेष्व् अथ सुतेषु वै रेणुका स्नातुम् अगमत् कदा चिन् नियतव्रता
phalāhāreṣu sarveṣu gateṣv atha suteṣu vai reṇukā snātum agamat kadā cin niyatavratā
Sanskrit only: no published translation is held for this verse.
सा तु चित्ररथं नाम मार्त्तिकावतकं नृपम् ददर्श रेणुका राजन्न् आगच्छन्ती यदृच्छया
sā tu citrarathaṃ nāma mārttikāvatakaṃ nṛpam dadarśa reṇukā rājann āgacchantī yadṛcchayā
Sanskrit only: no published translation is held for this verse.
क्रीडन्तं सलिले दृष्ट्वा सभार्यं पद्ममालिनम् ऋद्धिमन्तं ततस् तस्य स्पृहयाम् आस रेणुका
krīḍantaṃ salile dṛṣṭvā sabhāryaṃ padmamālinam ṛddhimantaṃ tatas tasya spṛhayām āsa reṇukā
Sanskrit only: no published translation is held for this verse.
व्यभिचारात् तु सा तस्मात् क्लिन्नाम्भसि विचेतना प्रविवेशाश्रमं त्रस्ता तां वै भर्तान्वबुध्यत
vyabhicārāt tu sā tasmāt klinnāmbhasi vicetanā praviveśāśramaṃ trastā tāṃ vai bhartānvabudhyata
Sanskrit only: no published translation is held for this verse.
स तां दृष्ट्वा च्युतां धैर्याद् ब्राह्म्या लक्ष्म्या विवर्जिताम् धिक्शब्देन महातेजा गर्हयाम् आस वीर्यवान्
sa tāṃ dṛṣṭvā cyutāṃ dhairyād brāhmyā lakṣmyā vivarjitām dhikśabdena mahātejā garhayām āsa vīryavān
Sanskrit only: no published translation is held for this verse.
ततो ज्येष्ठो जामदग्न्यो रुमण्वान् नाम नामतः आजगाम सुषेणश् च वसुर् विश्वावसुस् तथा
tato jyeṣṭho jāmadagnyo rumaṇvān nāma nāmataḥ ājagāma suṣeṇaś ca vasur viśvāvasus tathā
Sanskrit only: no published translation is held for this verse.
तान् आनुपूर्व्याद् भगवान् वधे मातुर् अचोदयत् न च ते जातसंमोहाः किं चिद् ऊचुर् विचेतसः
tān ānupūrvyād bhagavān vadhe mātur acodayat na ca te jātasaṃmohāḥ kiṃ cid ūcur vicetasaḥ
Sanskrit only: no published translation is held for this verse.
ततः शशाप तान् कोपात् ते शप्ताश् चेतनां जहुः मृगपक्षिसधर्माणः क्षिप्रम् आसञ् जडोपमाः
tataḥ śaśāpa tān kopāt te śaptāś cetanāṃ jahuḥ mṛgapakṣisadharmāṇaḥ kṣipram āsañ jaḍopamāḥ
Sanskrit only: no published translation is held for this verse.
ततो रामो ऽभ्यगात् पश्चाद् आश्रमं परवीरहा तम् उवाच महामन्युर् जमदग्निर् महातपाः
tato rāmo 'bhyagāt paścād āśramaṃ paravīrahā tam uvāca mahāmanyur jamadagnir mahātapāḥ
Sanskrit only: no published translation is held for this verse.
जहीमां मातरं पापां मा च पुत्र व्यथां कृथाः तत आदाय परशुं रामो मातुः शिरो ऽहरत्
jahīmāṃ mātaraṃ pāpāṃ mā ca putra vyathāṃ kṛthāḥ tata ādāya paraśuṃ rāmo mātuḥ śiro 'harat
Sanskrit only: no published translation is held for this verse.
ततस् तस्य महाराज जमदग्नेर् महात्मनः कोपो अगच्छत् सहसा प्रसन्नश् चाब्रवीद् इदम्
tatas tasya mahārāja jamadagner mahātmanaḥ kopo agacchat sahasā prasannaś cābravīd idam
Sanskrit only: no published translation is held for this verse.
ममेदं वचनात् तात कृतं ते कर्म दुष्करम् वृणीष्व कामान् धर्मज्ञ यावतो वाञ्छसे हृदा
mamedaṃ vacanāt tāta kṛtaṃ te karma duṣkaram vṛṇīṣva kāmān dharmajña yāvato vāñchase hṛdā
Sanskrit only: no published translation is held for this verse.
स वव्रे मातुर् उत्थानम् अस्मृतिं च वधस्य वै पापेन तेन चास्पर्शं भ्रातॄणां प्रकृतिं तथा
sa vavre mātur utthānam asmṛtiṃ ca vadhasya vai pāpena tena cāsparśaṃ bhrātṝṇāṃ prakṛtiṃ tathā
Sanskrit only: no published translation is held for this verse.
अप्रतिद्वन्द्वतां युद्धे दीर्घम् आयुश् च भारत ददौ च सर्वान् कामांस् ताञ् जमदग्निर् महातपाः
apratidvandvatāṃ yuddhe dīrgham āyuś ca bhārata dadau ca sarvān kāmāṃs tāñ jamadagnir mahātapāḥ
Sanskrit only: no published translation is held for this verse.
कदा चित् तु तथैवास्य विनिष्क्रान्ताः सुताः प्रभो अथानूपपतिर् वीरः कार्तवीर्यो ऽभ्यवर्तत
kadā cit tu tathaivāsya viniṣkrāntāḥ sutāḥ prabho athānūpapatir vīraḥ kārtavīryo 'bhyavartata
Sanskrit only: no published translation is held for this verse.
तम् आश्रमपदं प्राप्तम् ऋषेर् भार्या समर्चयत् स युद्धमदसंमत्तो नाभ्यनन्दत् तथार्चनम्
tam āśramapadaṃ prāptam ṛṣer bhāryā samarcayat sa yuddhamadasaṃmatto nābhyanandat tathārcanam
Sanskrit only: no published translation is held for this verse.
प्रमथ्य चाश्रमात् तस्माद् धोमधेन्वास् तदा बलात् जहार वत्सं क्रोशन्त्या बभञ्ज च महाद्रुमान्
pramathya cāśramāt tasmād dhomadhenvās tadā balāt jahāra vatsaṃ krośantyā babhañja ca mahādrumān
Sanskrit only: no published translation is held for this verse.
आगताय च रामाय तदाचष्ट पिता स्वयम् गां च रोरूयतीं दृष्ट्वा कोपो रामं समाविशत्
āgatāya ca rāmāya tadācaṣṭa pitā svayam gāṃ ca rorūyatīṃ dṛṣṭvā kopo rāmaṃ samāviśat
Sanskrit only: no published translation is held for this verse.
स मन्युवशम् आपन्नः कार्तवीर्यम् उपाद्रवत् तस्याथ युधि विक्रम्य भार्गवः परवीरहा
sa manyuvaśam āpannaḥ kārtavīryam upādravat tasyātha yudhi vikramya bhārgavaḥ paravīrahā
Sanskrit only: no published translation is held for this verse.
चिच्छेद निशितैर् भल्लैर् बाहून् परिघसंनिभान् सहस्रसंमितान् राजन् प्रगृह्य रुचिरं धनुः
ciccheda niśitair bhallair bāhūn parighasaṃnibhān sahasrasaṃmitān rājan pragṛhya ruciraṃ dhanuḥ
Sanskrit only: no published translation is held for this verse.
अर्जुनस्याथ दायादा रामेण कृतमन्यवः आश्रमस्थं विना रामं जमदग्निम् उपाद्रवन्
arjunasyātha dāyādā rāmeṇa kṛtamanyavaḥ āśramasthaṃ vinā rāmaṃ jamadagnim upādravan
Sanskrit only: no published translation is held for this verse.
ते तं जघ्नुर् महावीर्यम् अयुध्यन्तं तपस्विनम् असकृद् राम रामेति विक्रोशन्तम् अनाथवत्
te taṃ jaghnur mahāvīryam ayudhyantaṃ tapasvinam asakṛd rāma rāmeti vikrośantam anāthavat
Sanskrit only: no published translation is held for this verse.
कार्तवीर्यस्य पुत्रास् तु जमदग्निं युधिष्ठिर घातयित्वा शरैर् जग्मुर् यथागतम् अरिंदमाः
kārtavīryasya putrās tu jamadagniṃ yudhiṣṭhira ghātayitvā śarair jagmur yathāgatam ariṃdamāḥ
Sanskrit only: no published translation is held for this verse.
अपक्रान्तेषु चैतेषु जमदग्नौ तथागते समित्पाणिर् उपागच्छद् आश्रमं भृगुनन्दनः
apakrānteṣu caiteṣu jamadagnau tathāgate samitpāṇir upāgacchad āśramaṃ bhṛgunandanaḥ
Sanskrit only: no published translation is held for this verse.
स दृष्ट्वा पितरं वीरस् तथा मृत्युवशं गतम् अनर्हन्तं तथाभूतं विललाप सुदुःखितः
sa dṛṣṭvā pitaraṃ vīras tathā mṛtyuvaśaṃ gatam anarhantaṃ tathābhūtaṃ vilalāpa suduḥkhitaḥ
Sanskrit only: no published translation is held for this verse.