Library·Mahābhārata (critical edition)·3·3.125
लोमश उवाच तं दृष्ट्वा घोरवदनं मदं देवः शतक्रतुः आयान्तं भक्षयिष्यन्तं व्यात्ताननम् इवान्तकम्
lomaśa uvāca taṃ dṛṣṭvā ghoravadanaṃ madaṃ devaḥ śatakratuḥ āyāntaṃ bhakṣayiṣyantaṃ vyāttānanam ivāntakam
Sanskrit only: no published translation is held for this verse.
भयात् संस्तम्भितभुजः सृक्किणी लेलिहन् मुहुः ततो ऽब्रवीद् देवराजश् च्यवनं भयपीडितः
bhayāt saṃstambhitabhujaḥ sṛkkiṇī lelihan muhuḥ tato 'bravīd devarājaś cyavanaṃ bhayapīḍitaḥ
Sanskrit only: no published translation is held for this verse.
सोमार्हाव् अश्विनाव् एताव् अद्य प्रभृति भार्गव भविष्यतः सत्यम् एतद् वचो ब्रह्मन् ब्रवीमि ते
somārhāv aśvināv etāv adya prabhṛti bhārgava bhaviṣyataḥ satyam etad vaco brahman bravīmi te
Sanskrit only: no published translation is held for this verse.
न ते मिथ्या समारम्भो भवत्व् एष परो विधिः जानामि चाहं विप्रर्षे न मिथ्या त्वं करिष्यसि
na te mithyā samārambho bhavatv eṣa paro vidhiḥ jānāmi cāhaṃ viprarṣe na mithyā tvaṃ kariṣyasi
Sanskrit only: no published translation is held for this verse.
सोमार्हाव् अश्विनाव् एतौ यथैवाद्य कृतौ त्वया भूय एव तु ते वीर्यं प्रकाशेद् इति भार्गव
somārhāv aśvināv etau yathaivādya kṛtau tvayā bhūya eva tu te vīryaṃ prakāśed iti bhārgava
Sanskrit only: no published translation is held for this verse.
सुकन्यायाः पितुश् चास्य लोके कीर्तिः प्रथेद् इति अतो मयैतद् विहितं तव वीर्यप्रकाशनम् तस्मात् प्रसादं कुरु मे भवत्व् एतद् यथेच्छसि
sukanyāyāḥ pituś cāsya loke kīrtiḥ prathed iti ato mayaitad vihitaṃ tava vīryaprakāśanam tasmāt prasādaṃ kuru me bhavatv etad yathecchasi
Sanskrit only: no published translation is held for this verse.
एवम् उक्तस्य शक्रेण च्यवनस्य महात्मनः स मन्युर् व्यगमच् छीघ्रं मुमोच च पुरंदरम्
evam uktasya śakreṇa cyavanasya mahātmanaḥ sa manyur vyagamac chīghraṃ mumoca ca puraṃdaram
Sanskrit only: no published translation is held for this verse.
मदं च व्यभजद् राजन् पाने स्त्रीषु च वीर्यवान् अक्षेषु मृगयायां च पूर्वसृष्टं पुनः पुनः
madaṃ ca vyabhajad rājan pāne strīṣu ca vīryavān akṣeṣu mṛgayāyāṃ ca pūrvasṛṣṭaṃ punaḥ punaḥ
Sanskrit only: no published translation is held for this verse.
तथा मदं विनिष्क्षिप्य शक्रं संतर्प्य चेन्दुना अश्विभ्यां सहितान् देवान् याजयित्वा च तं नृपम्
tathā madaṃ viniṣkṣipya śakraṃ saṃtarpya cendunā aśvibhyāṃ sahitān devān yājayitvā ca taṃ nṛpam
Sanskrit only: no published translation is held for this verse.
विख्याप्य वीर्यं सर्वेषु लोकेषु वदतां वरः सुकन्यया सहारण्ये विजहारानुरक्तया
vikhyāpya vīryaṃ sarveṣu lokeṣu vadatāṃ varaḥ sukanyayā sahāraṇye vijahārānuraktayā
Sanskrit only: no published translation is held for this verse.
तस्यैतद् द्विजसंघुष्टं सरो राजन् प्रकाशते अत्र त्वं सह सोदर्यैः पितॄन् देवांश् च तर्पय
tasyaitad dvijasaṃghuṣṭaṃ saro rājan prakāśate atra tvaṃ saha sodaryaiḥ pitṝn devāṃś ca tarpaya
Sanskrit only: no published translation is held for this verse.
एतद् दृष्ट्वा महीपाल सिकताक्षं च भारत सैन्धवारण्यम् आसाद्य कुल्यानां कुरु दर्शनम् पुष्करेषु महाराज सर्वेषु च जलं स्पृश
etad dṛṣṭvā mahīpāla sikatākṣaṃ ca bhārata saindhavāraṇyam āsādya kulyānāṃ kuru darśanam puṣkareṣu mahārāja sarveṣu ca jalaṃ spṛśa
Sanskrit only: no published translation is held for this verse.
आर्चीकपर्वतश् चैव निवासो वै मनीषिणाम् सदाफलः सदास्रोतो मरुतां स्थानम् उत्तमम् चैत्याश् चैते बहुशतास् त्रिदशानां युधिष्ठिर
ārcīkaparvataś caiva nivāso vai manīṣiṇām sadāphalaḥ sadāsroto marutāṃ sthānam uttamam caityāś caite bahuśatās tridaśānāṃ yudhiṣṭhira
Sanskrit only: no published translation is held for this verse.
एतच् चन्द्रमसस् तीर्थम् ऋषयः पर्युपासते वैखानसाश् च ऋषयो वालखिल्यास् तथैव च
etac candramasas tīrtham ṛṣayaḥ paryupāsate vaikhānasāś ca ṛṣayo vālakhilyās tathaiva ca
Sanskrit only: no published translation is held for this verse.
शृङ्गाणि त्रीणि पुण्याणि त्रीणि प्रस्रवणानि च सर्वाण्य् अनुपरिक्रम्य यथाकामम् उपस्पृश
śṛṅgāṇi trīṇi puṇyāṇi trīṇi prasravaṇāni ca sarvāṇy anuparikramya yathākāmam upaspṛśa
Sanskrit only: no published translation is held for this verse.
शंतनुश् चात्र कौन्तेय शुनकश् च नराधिप नरनारायणौ चोभौ स्थानं प्राप्ताः सनातनम्
śaṃtanuś cātra kaunteya śunakaś ca narādhipa naranārāyaṇau cobhau sthānaṃ prāptāḥ sanātanam
Sanskrit only: no published translation is held for this verse.
इह नित्यशया देवाः पितरश् च महर्षिभिः आर्चीकपर्वते तेपुस् तान् यजस्व युधिष्ठिर
iha nityaśayā devāḥ pitaraś ca maharṣibhiḥ ārcīkaparvate tepus tān yajasva yudhiṣṭhira
Sanskrit only: no published translation is held for this verse.
इह ते वै चरून् प्राश्नन्न् ऋषयश् च विशां पते यमुना चाक्षयस्रोताः कृष्णश् चेह तपोरतः
iha te vai carūn prāśnann ṛṣayaś ca viśāṃ pate yamunā cākṣayasrotāḥ kṛṣṇaś ceha taporataḥ
Sanskrit only: no published translation is held for this verse.
यमौ च भीमसेनश् च कृष्णा चामित्रकर्शन सर्वे चात्र गमिष्यामः सुकृशाः सुतपस्विनः
yamau ca bhīmasenaś ca kṛṣṇā cāmitrakarśana sarve cātra gamiṣyāmaḥ sukṛśāḥ sutapasvinaḥ
Sanskrit only: no published translation is held for this verse.
एतत् प्रस्रवणं पुण्यम् इन्द्रस्य मनुजाधिप यत्र धाता विधाता च वरुणश् चोर्ध्वम् आगताः
etat prasravaṇaṃ puṇyam indrasya manujādhipa yatra dhātā vidhātā ca varuṇaś cordhvam āgatāḥ
Sanskrit only: no published translation is held for this verse.
इह ते न्यवसन् राजन् क्षान्ताः परमधर्मिणः मैत्राणाम् ऋजुबुद्धीनाम् अयं गिरिवरः शुभः
iha te nyavasan rājan kṣāntāḥ paramadharmiṇaḥ maitrāṇām ṛjubuddhīnām ayaṃ girivaraḥ śubhaḥ
Sanskrit only: no published translation is held for this verse.
एषा सा यमुना राजन् राजर्षिगणसेविता नानायज्ञचिता राजन् पुण्या पापभयापहा
eṣā sā yamunā rājan rājarṣigaṇasevitā nānāyajñacitā rājan puṇyā pāpabhayāpahā
Sanskrit only: no published translation is held for this verse.
अत्र राजा महेष्वासो मान्धातायजत स्वयम् सहदेवश् च कौन्तेय सोमको ददतां वरः
atra rājā maheṣvāso māndhātāyajata svayam sahadevaś ca kaunteya somako dadatāṃ varaḥ
Sanskrit only: no published translation is held for this verse.