Mahābhārata (critical edition) 3.129

लोमश उवाच अस्मिन् किल स्वयं राजन्न् इष्टवान् वै प्रजापतिः सत्रम् इष्टीकृतं नाम पुरा वर्षसहस्रिकम्

lomaśa uvāca asmin kila svayaṃ rājann iṣṭavān vai prajāpatiḥ satram iṣṭīkṛtaṃ nāma purā varṣasahasrikam

Sanskrit only: no published translation is held for this verse.

अम्बरीषश् च नाभाग इष्टवान् यमुनाम् अनु यज्ञैश् च तपसा चैव परां सिद्धिम् अवाप सः

ambarīṣaś ca nābhāga iṣṭavān yamunām anu yajñaiś ca tapasā caiva parāṃ siddhim avāpa saḥ

Sanskrit only: no published translation is held for this verse.

देशो नाहुषयज्ञानाम् अयं पुण्यतमो नृप यत्रेष्ट्वा दश पद्मानि सदस्येभ्यो निसृष्टवान्

deśo nāhuṣayajñānām ayaṃ puṇyatamo nṛpa yatreṣṭvā daśa padmāni sadasyebhyo nisṛṣṭavān

Sanskrit only: no published translation is held for this verse.

सार्वभौमस्य कौन्तेय ययातेर् अमितौजसः स्पर्धमानस्य शक्रेण पश्येदं यज्ञवास्त्व् इह

sārvabhaumasya kaunteya yayāter amitaujasaḥ spardhamānasya śakreṇa paśyedaṃ yajñavāstv iha

Sanskrit only: no published translation is held for this verse.

पश्य नानाविधाकारैर् अग्निभिर् निचितां महीम् मज्जन्तीम् इव चाक्रान्तां ययातेर् यज्ञकर्मभिः

paśya nānāvidhākārair agnibhir nicitāṃ mahīm majjantīm iva cākrāntāṃ yayāter yajñakarmabhiḥ

Sanskrit only: no published translation is held for this verse.

एषा शम्य् एकपत्रा सा शरकं चैतद् उत्तमम् पश्य रामह्रदान् एतान् पश्य नारायणाश्रमम्

eṣā śamy ekapatrā sā śarakaṃ caitad uttamam paśya rāmahradān etān paśya nārāyaṇāśramam

Sanskrit only: no published translation is held for this verse.

एतद् आर्चीकपुत्रस्य योगैर् विचरतो महीम् अपसर्पणं महीपाल रौप्यायाम् अमितौजसः

etad ārcīkaputrasya yogair vicarato mahīm apasarpaṇaṃ mahīpāla raupyāyām amitaujasaḥ

Sanskrit only: no published translation is held for this verse.

अत्रानुवंशं पठतः शृणु मे कुरुनन्दन उलूखलैर् आभरणैः पिशाची यद् अभाषत

atrānuvaṃśaṃ paṭhataḥ śṛṇu me kurunandana ulūkhalair ābharaṇaiḥ piśācī yad abhāṣata

Sanskrit only: no published translation is held for this verse.

युगंधरे दधि प्राश्य उषित्वा चाच्युतस्थले तद्वद् भूतिलये स्नात्वा सपुत्रा वस्तुम् इच्छसि

yugaṃdhare dadhi prāśya uṣitvā cācyutasthale tadvad bhūtilaye snātvā saputrā vastum icchasi

Sanskrit only: no published translation is held for this verse.

एकरात्रम् उषित्वेह द्वितीयं यदि वत्स्यसि एतद् वै ते दिवा वृत्तं रात्रौ वृत्तम् अतो ऽन्यथा

ekarātram uṣitveha dvitīyaṃ yadi vatsyasi etad vai te divā vṛttaṃ rātrau vṛttam ato 'nyathā

Sanskrit only: no published translation is held for this verse.

अत्राद्याहो निवत्स्यामः क्षपां भरतसत्तम द्वारम् एतद् धि कौन्तेय कुरुक्षेत्रस्य भारत

atrādyāho nivatsyāmaḥ kṣapāṃ bharatasattama dvāram etad dhi kaunteya kurukṣetrasya bhārata

Sanskrit only: no published translation is held for this verse.

अत्रैव नाहुषो राजा राजन् क्रतुभिर् इष्टवान् ययातिर् बहुरत्नाढ्यैर् यत्रेन्द्रो मुदम् अभ्यगात्

atraiva nāhuṣo rājā rājan kratubhir iṣṭavān yayātir bahuratnāḍhyair yatrendro mudam abhyagāt

Sanskrit only: no published translation is held for this verse.

एतत् प्लक्षावतरणं यमुनातीर्थम् उच्यते एतद् वै नाकपृष्ठस्य द्वारम् आहुर् मनीषिणः

etat plakṣāvataraṇaṃ yamunātīrtham ucyate etad vai nākapṛṣṭhasya dvāram āhur manīṣiṇaḥ

Sanskrit only: no published translation is held for this verse.

अत्र सारस्वतैर् यज्ञैर् ईजानाः परमर्षयः यूपोलूखलिनस् तात गच्छन्त्य् अवभृथाप्लवम्

atra sārasvatair yajñair ījānāḥ paramarṣayaḥ yūpolūkhalinas tāta gacchanty avabhṛthāplavam

Sanskrit only: no published translation is held for this verse.

अत्रैव भरतो राजा मेध्यम् अश्वम् अवासृजत् असकृत् कृष्णसारङ्गं धर्मेणावाप्य मेदिनीम्

atraiva bharato rājā medhyam aśvam avāsṛjat asakṛt kṛṣṇasāraṅgaṃ dharmeṇāvāpya medinīm

Sanskrit only: no published translation is held for this verse.

अत्रैव पुरुषव्याघ्र मरुत्तः सत्रम् उत्तमम् आस्ते देवर्षिमुख्येन संवर्तेनाभिपालितः

atraiva puruṣavyāghra maruttaḥ satram uttamam āste devarṣimukhyena saṃvartenābhipālitaḥ

Sanskrit only: no published translation is held for this verse.

अत्रोपस्पृश्य राजेन्द्र सर्वांल् लोकान् प्रपश्यति पूयते दुष्कृताच् चैव समुपस्पृश्य भारत

atropaspṛśya rājendra sarvāṃl lokān prapaśyati pūyate duṣkṛtāc caiva samupaspṛśya bhārata

Sanskrit only: no published translation is held for this verse.

वैशंपायन उवाच तत्र सभ्रातृकः स्नात्वा स्तूयमानो महर्षिभिः लोमशं पाण्डवश्रेष्ठ इदं वचनम् अब्रवीत्

vaiśaṃpāyana uvāca tatra sabhrātṛkaḥ snātvā stūyamāno maharṣibhiḥ lomaśaṃ pāṇḍavaśreṣṭha idaṃ vacanam abravīt

Sanskrit only: no published translation is held for this verse.

सर्वांल् लोकान् प्रपश्यामि तपसा सत्यविक्रम इहस्थः पाण्डवश्रेष्ठं पश्यामि श्वेतवाहनम्

sarvāṃl lokān prapaśyāmi tapasā satyavikrama ihasthaḥ pāṇḍavaśreṣṭhaṃ paśyāmi śvetavāhanam

Sanskrit only: no published translation is held for this verse.

लोमश उवाच एवम् एतन् महाबाहो पश्यन्ति परमर्षयः सरस्वतीम् इमां पुण्यां पश्यैकशरणावृताम्

lomaśa uvāca evam etan mahābāho paśyanti paramarṣayaḥ sarasvatīm imāṃ puṇyāṃ paśyaikaśaraṇāvṛtām

Sanskrit only: no published translation is held for this verse.

यत्र स्नात्वा नरश्रेष्ठ धूतपाप्मा भविष्यति इह सारस्वतैर् यज्ञैर् इष्टवन्तः सुरर्षयः ऋषयश् चैव कौन्तेय तथा राजर्षयो ऽपि च

yatra snātvā naraśreṣṭha dhūtapāpmā bhaviṣyati iha sārasvatair yajñair iṣṭavantaḥ surarṣayaḥ ṛṣayaś caiva kaunteya tathā rājarṣayo 'pi ca

Sanskrit only: no published translation is held for this verse.

वेदी प्रजापतेर् एषा समन्तात् पञ्चयोजना कुरोर् वै यज्ञशीलस्य क्षेत्रम् एतन् महात्मनः

vedī prajāpater eṣā samantāt pañcayojanā kuror vai yajñaśīlasya kṣetram etan mahātmanaḥ

Sanskrit only: no published translation is held for this verse.