Library·Mahābhārata (critical edition)·3·3.130
लोमश उवाच इह मर्त्यास् तपस् तप्त्वा स्वर्गं गच्छन्ति भारत मर्तुकामा नरा राजन्न् इहायान्ति सहस्रशः
lomaśa uvāca iha martyās tapas taptvā svargaṃ gacchanti bhārata martukāmā narā rājann ihāyānti sahasraśaḥ
Sanskrit only: no published translation is held for this verse.
एवम् आशीः प्रयुक्ता हि दक्षेण यजता पुरा इह ये वै मरिष्यन्ति ते वै स्वर्गजितो नराः
evam āśīḥ prayuktā hi dakṣeṇa yajatā purā iha ye vai mariṣyanti te vai svargajito narāḥ
Sanskrit only: no published translation is held for this verse.
एषा सरस्वती पुण्या दिव्या चोघवती नदी एतद् विनशनं नाम सरस्वत्या विशां पते
eṣā sarasvatī puṇyā divyā coghavatī nadī etad vinaśanaṃ nāma sarasvatyā viśāṃ pate
Sanskrit only: no published translation is held for this verse.
द्वारं निषादराष्ट्रस्य येषां द्वेषात् सरस्वती प्रविष्टा पृथिवीं वीर मा निषादा हि मां विदुः
dvāraṃ niṣādarāṣṭrasya yeṣāṃ dveṣāt sarasvatī praviṣṭā pṛthivīṃ vīra mā niṣādā hi māṃ viduḥ
Sanskrit only: no published translation is held for this verse.
एष वै चमसोद्भेदो यत्र दृश्या सरस्वती यत्रैनाम् अभ्यवर्तन्त दिव्याः पुण्याः समुद्रगाः
eṣa vai camasodbhedo yatra dṛśyā sarasvatī yatrainām abhyavartanta divyāḥ puṇyāḥ samudragāḥ
Sanskrit only: no published translation is held for this verse.
एतत् सिन्धोर् महत् तीर्थं यत्रागस्त्यम् अरिंदम लोपामुद्रा समागम्य भर्तारम् अवृणीत वै
etat sindhor mahat tīrthaṃ yatrāgastyam ariṃdama lopāmudrā samāgamya bhartāram avṛṇīta vai
Sanskrit only: no published translation is held for this verse.
एतत् प्रभासते तीर्थं प्रभासं भास्करद्युते इन्द्रस्य दयितं पुण्यं पवित्रं पापनाशनम्
etat prabhāsate tīrthaṃ prabhāsaṃ bhāskaradyute indrasya dayitaṃ puṇyaṃ pavitraṃ pāpanāśanam
Sanskrit only: no published translation is held for this verse.
एतद् विष्णुपदं नाम दृश्यते तीर्थम् उत्तमम् एषा रम्या विपाशा च नदी परमपावनी
etad viṣṇupadaṃ nāma dṛśyate tīrtham uttamam eṣā ramyā vipāśā ca nadī paramapāvanī
Sanskrit only: no published translation is held for this verse.
अत्रैव पुत्रशोकेन वसिष्ठो भगवान् ऋषिः बद्ध्वात्मानं निपतितो विपाशः पुनर् उत्थितः
atraiva putraśokena vasiṣṭho bhagavān ṛṣiḥ baddhvātmānaṃ nipatito vipāśaḥ punar utthitaḥ
Sanskrit only: no published translation is held for this verse.
काश्मीरमण्डलं चैतत् सर्वपुण्यम् अरिंदम महर्षिभिश् चाध्युषितं पश्येदं भ्रातृभिः सह
kāśmīramaṇḍalaṃ caitat sarvapuṇyam ariṃdama maharṣibhiś cādhyuṣitaṃ paśyedaṃ bhrātṛbhiḥ saha
Sanskrit only: no published translation is held for this verse.
अत्रोत्तराणां सर्वेषाम् ऋषीणां नाहुषस्य च अग्नेश् चात्रैव संवादः काश्यपस्य च भारत
atrottarāṇāṃ sarveṣām ṛṣīṇāṃ nāhuṣasya ca agneś cātraiva saṃvādaḥ kāśyapasya ca bhārata
Sanskrit only: no published translation is held for this verse.
एतद् द्वारं महाराज मानसस्य प्रकाशते वर्षम् अस्य गिरेर् मध्ये रामेण श्रीमता कृतम्
etad dvāraṃ mahārāja mānasasya prakāśate varṣam asya girer madhye rāmeṇa śrīmatā kṛtam
Sanskrit only: no published translation is held for this verse.
एष वातिकषण्डो वै प्रख्यातः सत्यविक्रमः नाभ्यवर्तत यद् द्वारं विदेहान् उत्तरं च यः
eṣa vātikaṣaṇḍo vai prakhyātaḥ satyavikramaḥ nābhyavartata yad dvāraṃ videhān uttaraṃ ca yaḥ
Sanskrit only: no published translation is held for this verse.
एष उज्जानको नाम यवक्रीर् यत्र शान्तवान् अरुन्धतीसहायश् च वसिष्ठो भगवान् ऋषिः
eṣa ujjānako nāma yavakrīr yatra śāntavān arundhatīsahāyaś ca vasiṣṭho bhagavān ṛṣiḥ
Sanskrit only: no published translation is held for this verse.
ह्रदश् च कुशवान् एष यत्र पद्मं कुशेशयम् आश्रमश् चैव रुक्मिण्या यत्राशाम्यद् अकोपना
hradaś ca kuśavān eṣa yatra padmaṃ kuśeśayam āśramaś caiva rukmiṇyā yatrāśāmyad akopanā
Sanskrit only: no published translation is held for this verse.
समाधीनां समासस् तु पाण्डवेय श्रुतस् त्वया तं द्रक्ष्यसि महाराज भृगुतुङ्गं महागिरिम्
samādhīnāṃ samāsas tu pāṇḍaveya śrutas tvayā taṃ drakṣyasi mahārāja bhṛgutuṅgaṃ mahāgirim
Sanskrit only: no published translation is held for this verse.
जलां चोपजलां चैव यमुनाम् अभितो नदीम् उशीनरो वै यत्रेष्ट्वा वासवाद् अत्यरिच्यत
jalāṃ copajalāṃ caiva yamunām abhito nadīm uśīnaro vai yatreṣṭvā vāsavād atyaricyata
Sanskrit only: no published translation is held for this verse.
तां देवसमितिं तस्य वासवश् च विशां पते अभ्यगच्छत राजानं ज्ञातुम् अग्निश् च भारत
tāṃ devasamitiṃ tasya vāsavaś ca viśāṃ pate abhyagacchata rājānaṃ jñātum agniś ca bhārata
Sanskrit only: no published translation is held for this verse.
जिज्ञासमानौ वरदौ महात्मानम् उशीनरम् इन्द्रः श्येनः कपोतो ऽग्निर् भूत्वा यज्ञे ऽभिजग्मतुः
jijñāsamānau varadau mahātmānam uśīnaram indraḥ śyenaḥ kapoto 'gnir bhūtvā yajñe 'bhijagmatuḥ
Sanskrit only: no published translation is held for this verse.
ऊरुं राज्ञः समासाद्य कपोतः श्येनजाद् भयात् शरणार्थी तदा राजन् निलिल्ये भयपीडितः
ūruṃ rājñaḥ samāsādya kapotaḥ śyenajād bhayāt śaraṇārthī tadā rājan nililye bhayapīḍitaḥ
Sanskrit only: no published translation is held for this verse.