Mahābhārata (critical edition) 3.171

अर्जुन उवाच ततो माम् अभिविश्वस्तं संरूढशरविक्षतम् देवराजो ऽनुगृह्येदं काले वचनम् अब्रवीत्

arjuna uvāca tato mām abhiviśvastaṃ saṃrūḍhaśaravikṣatam devarājo 'nugṛhyedaṃ kāle vacanam abravīt

Sanskrit only: no published translation is held for this verse.

दिव्यान्य् अस्त्राणि सर्वाणि त्वयि तिष्ठन्ति भारत न त्वाभिभवितुं शक्तो मानुषो भुवि कश् चन

divyāny astrāṇi sarvāṇi tvayi tiṣṭhanti bhārata na tvābhibhavituṃ śakto mānuṣo bhuvi kaś cana

Sanskrit only: no published translation is held for this verse.

भीष्मो द्रोणः कृपः कर्णः शकुनिः सह राजभिः संग्रामस्थस्य ते पुत्र कलां नार्हन्ति षोडशीम्

bhīṣmo droṇaḥ kṛpaḥ karṇaḥ śakuniḥ saha rājabhiḥ saṃgrāmasthasya te putra kalāṃ nārhanti ṣoḍaśīm

Sanskrit only: no published translation is held for this verse.

इदं च मे तनुत्राणं प्रायच्छन् मघवान् प्रभुः अभेद्यं कवचं दिव्यं स्रजं चैव हिरण्मयीम्

idaṃ ca me tanutrāṇaṃ prāyacchan maghavān prabhuḥ abhedyaṃ kavacaṃ divyaṃ srajaṃ caiva hiraṇmayīm

Sanskrit only: no published translation is held for this verse.

देवदत्तं च मे शङ्खं देवः प्रादान् महारवम् दिव्यं चेदं किरीटं मे स्वयम् इन्द्रो युयोज ह

devadattaṃ ca me śaṅkhaṃ devaḥ prādān mahāravam divyaṃ cedaṃ kirīṭaṃ me svayam indro yuyoja ha

Sanskrit only: no published translation is held for this verse.

ततो दिव्यानि वस्त्राणि दिव्यान्य् आभरणानि च प्रादाच् छक्रो ममैतानि रुचिराणि बृहन्ति च

tato divyāni vastrāṇi divyāny ābharaṇāni ca prādāc chakro mamaitāni rucirāṇi bṛhanti ca

Sanskrit only: no published translation is held for this verse.

एवं संपूजितस् तत्र सुखम् अस्म्य् उषितो नृप इन्द्रस्य भवने पुण्ये गन्धर्वशिशुभिः सह

evaṃ saṃpūjitas tatra sukham asmy uṣito nṛpa indrasya bhavane puṇye gandharvaśiśubhiḥ saha

Sanskrit only: no published translation is held for this verse.

ततो माम् अब्रवीच् छक्रः प्रीतिमान् अमरैः सह समयो ऽर्जुन गन्तुं ते भ्रातरो हि स्मरन्ति ते

tato mām abravīc chakraḥ prītimān amaraiḥ saha samayo 'rjuna gantuṃ te bhrātaro hi smaranti te

Sanskrit only: no published translation is held for this verse.

एवम् इन्द्रस्य भवने पञ्च वर्षाणि भारत उषितानि मया राजन् स्मरता द्यूतजं कलिम्

evam indrasya bhavane pañca varṣāṇi bhārata uṣitāni mayā rājan smaratā dyūtajaṃ kalim

Sanskrit only: no published translation is held for this verse.

ततो भवन्तम् अद्राक्षं भ्रातृभिः परिवारितम् गन्धमादनम् आसाद्य पर्वतस्यास्य मूर्धनि

tato bhavantam adrākṣaṃ bhrātṛbhiḥ parivāritam gandhamādanam āsādya parvatasyāsya mūrdhani

Sanskrit only: no published translation is held for this verse.

युधिष्ठिर उवाच दिष्ट्या धनंजयास्त्राणि त्वया प्राप्तानि भारत दिष्ट्या चाराधितो राजा देवानाम् ईश्वरः प्रभुः

yudhiṣṭhira uvāca diṣṭyā dhanaṃjayāstrāṇi tvayā prāptāni bhārata diṣṭyā cārādhito rājā devānām īśvaraḥ prabhuḥ

Sanskrit only: no published translation is held for this verse.

दिष्ट्या च भगवान् स्थाणुर् देव्या सह परंतप साक्षाद् दृष्टः सुयुद्धेन तोषितश् च त्वयानघ

diṣṭyā ca bhagavān sthāṇur devyā saha paraṃtapa sākṣād dṛṣṭaḥ suyuddhena toṣitaś ca tvayānagha

Sanskrit only: no published translation is held for this verse.

दिष्ट्या च लोकपालैस् त्वं समेतो भरतर्षभ दिष्ट्या वर्धामहे सर्वे दिष्ट्यासि पुनरागतः

diṣṭyā ca lokapālais tvaṃ sameto bharatarṣabha diṣṭyā vardhāmahe sarve diṣṭyāsi punarāgataḥ

Sanskrit only: no published translation is held for this verse.

अद्य कृत्स्नाम् इमां देवीं विजितां पुरमालिनीम् मन्ये च धृतराष्ट्रस्य पुत्रान् अपि वशीकृतान्

adya kṛtsnām imāṃ devīṃ vijitāṃ puramālinīm manye ca dhṛtarāṣṭrasya putrān api vaśīkṛtān

Sanskrit only: no published translation is held for this verse.

तानि त्व् इच्छामि ते द्रष्टुं दिव्यान्य् अस्त्राणि भारत यैस् तथा वीर्यवन्तस् ते निवातकवचा हता

tāni tv icchāmi te draṣṭuṃ divyāny astrāṇi bhārata yais tathā vīryavantas te nivātakavacā hatā

Sanskrit only: no published translation is held for this verse.

अर्जुन उवाच श्वः प्रभाते भवान् द्रष्टा दिव्यान्य् अस्त्राणि सर्वशः निवातकवचा घोरा यैर् मया विनिपातिताः

arjuna uvāca śvaḥ prabhāte bhavān draṣṭā divyāny astrāṇi sarvaśaḥ nivātakavacā ghorā yair mayā vinipātitāḥ

Sanskrit only: no published translation is held for this verse.

वैशंपायन उवाच एवम् आगमनं तत्र कथयित्वा धनंजयः भ्रातृभिः सहितः सर्वै रजनीं ताम् उवास ह

vaiśaṃpāyana uvāca evam āgamanaṃ tatra kathayitvā dhanaṃjayaḥ bhrātṛbhiḥ sahitaḥ sarvai rajanīṃ tām uvāsa ha

Sanskrit only: no published translation is held for this verse.