Library·Mahābhārata (critical edition)·3·3.175
जनमेजय उवाच कथं नागायुतप्राणो भीमसेनो महाबलः भयम् आहारयत् तीव्रं तस्माद् अजगरान् मुने
janamejaya uvāca kathaṃ nāgāyutaprāṇo bhīmaseno mahābalaḥ bhayam āhārayat tīvraṃ tasmād ajagarān mune
Sanskrit only: no published translation is held for this verse.
पौलस्त्यं यो ऽऽह्वयद् युद्धे धनदं बलदर्पितः नलिन्यां कदनं कृत्वा वराणां यक्षरक्षसाम्
paulastyaṃ yo ''hvayad yuddhe dhanadaṃ baladarpitaḥ nalinyāṃ kadanaṃ kṛtvā varāṇāṃ yakṣarakṣasām
Sanskrit only: no published translation is held for this verse.
तं शंससि भयाविष्टम् आपन्नम् अरिकर्षणम् एतद् इच्छाम्य् अहं श्रोतुं परं कौतूहलं हि मे
taṃ śaṃsasi bhayāviṣṭam āpannam arikarṣaṇam etad icchāmy ahaṃ śrotuṃ paraṃ kautūhalaṃ hi me
Sanskrit only: no published translation is held for this verse.
वैशंपायन उवाच बह्वाश्चर्ये वने तेषां वसताम् उग्रधन्विनाम् प्राप्तानाम् आश्रमाद् राजन् राजर्षेर् वृषपर्वणः
vaiśaṃpāyana uvāca bahvāścarye vane teṣāṃ vasatām ugradhanvinām prāptānām āśramād rājan rājarṣer vṛṣaparvaṇaḥ
Sanskrit only: no published translation is held for this verse.
यदृच्छया धनुष्पाणिर् बद्धखड्गो वृकोदरः ददर्श तद् वनं रम्यं देवगन्धर्वसेवितम्
yadṛcchayā dhanuṣpāṇir baddhakhaḍgo vṛkodaraḥ dadarśa tad vanaṃ ramyaṃ devagandharvasevitam
Sanskrit only: no published translation is held for this verse.
स ददर्श शुभान् देशान् गिरेर् हिमवतस् तदा देवर्षिसिद्धचरितान् अप्सरोगणसेवितान्
sa dadarśa śubhān deśān girer himavatas tadā devarṣisiddhacaritān apsarogaṇasevitān
Sanskrit only: no published translation is held for this verse.
चकोरैश् चक्रवाकैश् च पक्षिभिर् जीवजीवकैः कोकिलैर् भृङ्गराजैश् च तत्र तत्र विनादितान्
cakoraiś cakravākaiś ca pakṣibhir jīvajīvakaiḥ kokilair bhṛṅgarājaiś ca tatra tatra vināditān
Sanskrit only: no published translation is held for this verse.
नित्यपुष्पफलैर् वृक्षैर् हिमसंस्पर्शकोमलैः उपेतान् बहुलच्छायैर् मनोनयननन्दनैः
nityapuṣpaphalair vṛkṣair himasaṃsparśakomalaiḥ upetān bahulacchāyair manonayananandanaiḥ
Sanskrit only: no published translation is held for this verse.
स संपश्यन् गिरिनदीर् वैडूर्यमणिसंनिभैः सलिलैर् हिमसंस्पर्शैर् हंसकारण्डवायुतैः
sa saṃpaśyan girinadīr vaiḍūryamaṇisaṃnibhaiḥ salilair himasaṃsparśair haṃsakāraṇḍavāyutaiḥ
Sanskrit only: no published translation is held for this verse.
वनानि देवदारूणां मेघानाम् इव वागुराः हरिचन्दनमिश्राणि तुङ्गकालीयकान्य् अपि
vanāni devadārūṇāṃ meghānām iva vāgurāḥ haricandanamiśrāṇi tuṅgakālīyakāny api
Sanskrit only: no published translation is held for this verse.
मृगयां परिधावन् स समेषु मरुधन्वसु विध्यन् मृगाञ् शरैः शुद्धैश् चचार सुमहाबलः
mṛgayāṃ paridhāvan sa sameṣu marudhanvasu vidhyan mṛgāñ śaraiḥ śuddhaiś cacāra sumahābalaḥ
Sanskrit only: no published translation is held for this verse.
स ददर्श महाकायं भुजङ्गं लोमहर्षणम् गिरिदुर्गे समापन्नं कायेनावृत्य कन्दरम्
sa dadarśa mahākāyaṃ bhujaṅgaṃ lomaharṣaṇam giridurge samāpannaṃ kāyenāvṛtya kandaram
Sanskrit only: no published translation is held for this verse.
पर्वताभोगवर्ष्माणं भोगैश् चन्द्रार्कमण्डलैः चित्राङ्गम् अजिनैश् चित्रैर् हरिद्रासदृशच्छविम्
parvatābhogavarṣmāṇaṃ bhogaiś candrārkamaṇḍalaiḥ citrāṅgam ajinaiś citrair haridrāsadṛśacchavim
Sanskrit only: no published translation is held for this verse.
गुहाकारेण वक्त्रेण चतुर्दंष्ट्रेण राजता दीप्ताक्षेणातिताम्रेण लिहन्तं सृक्किणी मुहुः
guhākāreṇa vaktreṇa caturdaṃṣṭreṇa rājatā dīptākṣeṇātitāmreṇa lihantaṃ sṛkkiṇī muhuḥ
Sanskrit only: no published translation is held for this verse.
त्रासनं सर्वभूतानां कालान्तकयमोपमम् निःश्वासक्ष्वेडनादेन भर्त्सयन्तम् इव स्थितम्
trāsanaṃ sarvabhūtānāṃ kālāntakayamopamam niḥśvāsakṣveḍanādena bhartsayantam iva sthitam
Sanskrit only: no published translation is held for this verse.
स भीमं सहसाभ्येत्य पृदाकुः क्षुधितो भृशम् जग्राहाजगरो ग्राहो भुजयोर् उभयोर् बलात्
sa bhīmaṃ sahasābhyetya pṛdākuḥ kṣudhito bhṛśam jagrāhājagaro grāho bhujayor ubhayor balāt
Sanskrit only: no published translation is held for this verse.
तेन संस्पृष्टमात्रस्य भिमसेनस्य वै तदा संज्ञा मुमोह सहसा वरदानेन तस्य ह
tena saṃspṛṣṭamātrasya bhimasenasya vai tadā saṃjñā mumoha sahasā varadānena tasya ha
Sanskrit only: no published translation is held for this verse.
दश नागसहस्राणि धारयन्ति हि यद् बलम् तद् बलं भीमसेनस्य भुजयोर् असमं परैः
daśa nāgasahasrāṇi dhārayanti hi yad balam tad balaṃ bhīmasenasya bhujayor asamaṃ paraiḥ
Sanskrit only: no published translation is held for this verse.
स तेजस्वी तथा तेन भुजगेन वशीकृतः विस्फुरञ् शनकैर् भीमो न शशाक विचेष्टितुम्
sa tejasvī tathā tena bhujagena vaśīkṛtaḥ visphurañ śanakair bhīmo na śaśāka viceṣṭitum
Sanskrit only: no published translation is held for this verse.
नागायुतसमप्राणः सिंहस्कन्धो महाभुजः गृहीतो व्यजहात् सत्त्वं वरदानेन मोहितः
nāgāyutasamaprāṇaḥ siṃhaskandho mahābhujaḥ gṛhīto vyajahāt sattvaṃ varadānena mohitaḥ
Sanskrit only: no published translation is held for this verse.
स हि प्रयत्नम् अकरोत् तीव्रम् आत्मविमोक्षणे न चैनम् अशकद् वीरः कथं चित् प्रतिबाधितुम्
sa hi prayatnam akarot tīvram ātmavimokṣaṇe na cainam aśakad vīraḥ kathaṃ cit pratibādhitum
Sanskrit only: no published translation is held for this verse.