विनयेनाञ्जलिं कृत्वा प्रयत्नेनोपगम्य च दृष्टो मया स भूतात्मा देवः कमललोचनः
vinayenāñjaliṃ kṛtvā prayatnenopagamya ca dṛṣṭo mayā sa bhūtātmā devaḥ kamalalocanaḥ
Sanskrit only: no published translation is held for this verse.
Library·Mahābhārata (critical edition)·3·3.186
Mahābhārata (critical edition) 3.186
तम् अहं प्राञ्जलिर् भूत्वा नमस्कृत्येदम् अब्रुवम् ज्ञातुम् इच्छामि देव त्वां मायां चेमां तवोत्तमाम्
tam ahaṃ prāñjalir bhūtvā namaskṛtyedam abruvam jñātum icchāmi deva tvāṃ māyāṃ cemāṃ tavottamām
Sanskrit only: no published translation is held for this verse.
आस्येनानुप्रविष्टो ऽहं शरीरं भगवंस् तव दृष्टवान् अखिलांल् लोकान् समस्ताञ् जठरे तव
āsyenānupraviṣṭo 'haṃ śarīraṃ bhagavaṃs tava dṛṣṭavān akhilāṃl lokān samastāñ jaṭhare tava
Sanskrit only: no published translation is held for this verse.
तव देव शरीरस्था देवदानवराक्षसाः यक्षगन्धर्वनागाश् च जगत् स्थावरजङ्गमम्
tava deva śarīrasthā devadānavarākṣasāḥ yakṣagandharvanāgāś ca jagat sthāvarajaṅgamam
Sanskrit only: no published translation is held for this verse.
त्वत्प्रसादाच् च मे देव स्मृतिर् न परिहीयते द्रुतम् अन्तः शरीरे ते सततं परिधावतः
tvatprasādāc ca me deva smṛtir na parihīyate drutam antaḥ śarīre te satataṃ paridhāvataḥ
Sanskrit only: no published translation is held for this verse.
इच्छामि पुण्डरीकाक्ष ज्ञातुं त्वाहम् अनिन्दित इह भूत्वा शिशुः साक्षात् किं भवान् अवतिष्ठते पीत्वा जगद् इदं विश्वम् एतद् आख्यातुम् अर्हसि
icchāmi puṇḍarīkākṣa jñātuṃ tvāham anindita iha bhūtvā śiśuḥ sākṣāt kiṃ bhavān avatiṣṭhate pītvā jagad idaṃ viśvam etad ākhyātum arhasi
Sanskrit only: no published translation is held for this verse.
किमर्थं च जगत् सर्वं शरीरस्थं तवानघ कियन्तं च त्वया कालम् इह स्थेयम् अरिंदम
kimarthaṃ ca jagat sarvaṃ śarīrasthaṃ tavānagha kiyantaṃ ca tvayā kālam iha stheyam ariṃdama
Sanskrit only: no published translation is held for this verse.
एतद् इच्छामि देवेश श्रोतुं ब्राह्मणकाम्यया त्वत्तः कमलपत्राक्ष विस्तरेण यथातथम् महद् ध्य् एतद् अचिन्त्यं च यद् अहं दृष्टवान् प्रभो
etad icchāmi deveśa śrotuṃ brāhmaṇakāmyayā tvattaḥ kamalapatrākṣa vistareṇa yathātatham mahad dhy etad acintyaṃ ca yad ahaṃ dṛṣṭavān prabho
Sanskrit only: no published translation is held for this verse.
इत्य् उक्तः स मया श्रीमान् देवदेवो महाद्युतिः सान्त्वयन् माम् इदं वाक्यम् उवाच वदतां वरः
ity uktaḥ sa mayā śrīmān devadevo mahādyutiḥ sāntvayan mām idaṃ vākyam uvāca vadatāṃ varaḥ
Sanskrit only: no published translation is held for this verse.