Mahābhārata (critical edition) 3.208

मार्कण्डेय उवाच ब्रह्मणो यस् तृतीयस् तु पुत्रः कुरुकुलोद्वह तस्यापवसुता भार्या प्रजास् तस्यापि मे शृणु

mārkaṇḍeya uvāca brahmaṇo yas tṛtīyas tu putraḥ kurukulodvaha tasyāpavasutā bhāryā prajās tasyāpi me śṛṇu

Sanskrit only: no published translation is held for this verse.

बृहज्ज्योतिर् बृहत्कीर्तिर् बृहद्ब्रह्मा बृहन्मनाः बृहन्मन्त्रो बृहद्भासस् तथा राजन् बृहस्पतिः

bṛhajjyotir bṛhatkīrtir bṛhadbrahmā bṛhanmanāḥ bṛhanmantro bṛhadbhāsas tathā rājan bṛhaspatiḥ

Sanskrit only: no published translation is held for this verse.

प्रजासु तासु सर्वासु रूपेणाप्रतिमाभवत् देवी भानुमती नाम प्रथमाङ्गिरसः सुता

prajāsu tāsu sarvāsu rūpeṇāpratimābhavat devī bhānumatī nāma prathamāṅgirasaḥ sutā

Sanskrit only: no published translation is held for this verse.

भूतानाम् एव सर्वेषां यस्यां रागस् तदाभवत् रागाद् रागेति याम् आहुर् द्वितीयाङ्गिरसः सुता

bhūtānām eva sarveṣāṃ yasyāṃ rāgas tadābhavat rāgād rāgeti yām āhur dvitīyāṅgirasaḥ sutā

Sanskrit only: no published translation is held for this verse.

यां कपर्दिसुताम् आहुर् दृश्यादृश्येति देहिनः तनुत्वात् सा सिनीवाली तृतीयाङ्गिरसः सुता

yāṃ kapardisutām āhur dṛśyādṛśyeti dehinaḥ tanutvāt sā sinīvālī tṛtīyāṅgirasaḥ sutā

Sanskrit only: no published translation is held for this verse.

पश्यत्य् अर्चिष्मती भाभिर् हविर्भिश् च हविष्मती षष्ठीम् अङ्गिरसः कन्यां पुण्याम् आहुर् हविष्मतीम्

paśyaty arciṣmatī bhābhir havirbhiś ca haviṣmatī ṣaṣṭhīm aṅgirasaḥ kanyāṃ puṇyām āhur haviṣmatīm

Sanskrit only: no published translation is held for this verse.

महामखेष्व् आङ्गिरसी दीप्तिमत्सु महामती महामतीति विख्याता सप्तमी कथ्यते सुता

mahāmakheṣv āṅgirasī dīptimatsu mahāmatī mahāmatīti vikhyātā saptamī kathyate sutā

Sanskrit only: no published translation is held for this verse.

यां तु दृष्ट्वा भगवतीं जनः कुहुकुहायते एकानंशेति याम् आहुः कुहूम् अङ्गिरसः सुताम्

yāṃ tu dṛṣṭvā bhagavatīṃ janaḥ kuhukuhāyate ekānaṃśeti yām āhuḥ kuhūm aṅgirasaḥ sutām

Sanskrit only: no published translation is held for this verse.