Library·Mahābhārata (critical edition)·3·3.237
दुर्योधन उवाच अजानतस् ते राधेय नाभ्यसूयाम्य् अहं वचः जानासि त्वं जिताञ् शत्रून् गन्धर्वांस् तेजसा मया
duryodhana uvāca ajānatas te rādheya nābhyasūyāmy ahaṃ vacaḥ jānāsi tvaṃ jitāñ śatrūn gandharvāṃs tejasā mayā
Sanskrit only: no published translation is held for this verse.
आयोधितास् तु गन्धर्वाः सुचिरं सोदरैर् मम मया सह महाबाहो कृतश् चोभयतः क्षयः
āyodhitās tu gandharvāḥ suciraṃ sodarair mama mayā saha mahābāho kṛtaś cobhayataḥ kṣayaḥ
Sanskrit only: no published translation is held for this verse.
मायाधिकास् त्व् अयुध्यन्त यदा शूरा वियद्गताः तदा नो नसमं युद्धम् अभवत् सह खेचरैः
māyādhikās tv ayudhyanta yadā śūrā viyadgatāḥ tadā no nasamaṃ yuddham abhavat saha khecaraiḥ
Sanskrit only: no published translation is held for this verse.
पराजयं च प्राप्ताः स्म रणे बन्धनम् एव च सभृत्यामात्यपुत्राश् च सदारधनवाहनाः उच्चैर् आकाशमार्गेण ह्रियामस् तैः सुदुःखिताः
parājayaṃ ca prāptāḥ sma raṇe bandhanam eva ca sabhṛtyāmātyaputrāś ca sadāradhanavāhanāḥ uccair ākāśamārgeṇa hriyāmas taiḥ suduḥkhitāḥ
Sanskrit only: no published translation is held for this verse.
अथ नः सैनिकाः के चिद् अमात्याश् च महारथान् उपगम्याब्रुवन् दीनाः पाण्डवाञ् शरणप्रदान्
atha naḥ sainikāḥ ke cid amātyāś ca mahārathān upagamyābruvan dīnāḥ pāṇḍavāñ śaraṇapradān
Sanskrit only: no published translation is held for this verse.
एष दुर्योधनो राजा धार्तराष्ट्रः सहानुजः सामात्यदारो ह्रियते गन्धर्वैर् दिवम् आस्थितैः
eṣa duryodhano rājā dhārtarāṣṭraḥ sahānujaḥ sāmātyadāro hriyate gandharvair divam āsthitaiḥ
Sanskrit only: no published translation is held for this verse.
तं मोक्षयत भद्रं वः सहदारं नराधिपम् परामर्शो मा भविष्यत् कुरुदारेषु सर्वशः
taṃ mokṣayata bhadraṃ vaḥ sahadāraṃ narādhipam parāmarśo mā bhaviṣyat kurudāreṣu sarvaśaḥ
Sanskrit only: no published translation is held for this verse.
एवम् उक्ते तु धर्मात्मा ज्येष्ठः पाण्डुसुतस् तदा प्रसाद्य सोदरान् सर्वान् आज्ञापयत मोक्षणे
evam ukte tu dharmātmā jyeṣṭhaḥ pāṇḍusutas tadā prasādya sodarān sarvān ājñāpayata mokṣaṇe
Sanskrit only: no published translation is held for this verse.
अथागम्य तम् उद्देशं पाण्डवाः पुरुषर्षभाः सान्त्वपूर्वम् अयाचन्त शक्ताः सन्तो महारथाः
athāgamya tam uddeśaṃ pāṇḍavāḥ puruṣarṣabhāḥ sāntvapūrvam ayācanta śaktāḥ santo mahārathāḥ
Sanskrit only: no published translation is held for this verse.
यदा चास्मान् न मुमुचुर् गन्धर्वाः सान्त्विता अपि ततो ऽर्जुनश् च भीमश् च यमजौ च बलोत्कटौ मुमुचुः शरवर्षाणि गन्धर्वान् प्रत्यनेकशः
yadā cāsmān na mumucur gandharvāḥ sāntvitā api tato 'rjunaś ca bhīmaś ca yamajau ca balotkaṭau mumucuḥ śaravarṣāṇi gandharvān pratyanekaśaḥ
Sanskrit only: no published translation is held for this verse.
अथ सर्वे रणं मुक्त्वा प्रयाताः खचरा दिवम् अस्मान् एवाभिकर्षन्तो दीनान् मुदितमानसाः
atha sarve raṇaṃ muktvā prayātāḥ khacarā divam asmān evābhikarṣanto dīnān muditamānasāḥ
Sanskrit only: no published translation is held for this verse.
ततः समन्तात् पश्यामि शरजालेन वेष्टितम् अमानुषाणि चास्त्राणि प्रयुञ्जानं धनंजयम्
tataḥ samantāt paśyāmi śarajālena veṣṭitam amānuṣāṇi cāstrāṇi prayuñjānaṃ dhanaṃjayam
Sanskrit only: no published translation is held for this verse.
समावृता दिशो दृष्ट्वा पाण्डवेन शितैः शरैः धनंजयसखात्मानं दर्शयाम् आस वै तदा
samāvṛtā diśo dṛṣṭvā pāṇḍavena śitaiḥ śaraiḥ dhanaṃjayasakhātmānaṃ darśayām āsa vai tadā
Sanskrit only: no published translation is held for this verse.
चित्रसेनः पाण्डवेन समाश्लिष्य परंतपः कुशलं परिपप्रच्छ तैः पृष्टश् चाप्य् अनामयम्
citrasenaḥ pāṇḍavena samāśliṣya paraṃtapaḥ kuśalaṃ paripapraccha taiḥ pṛṣṭaś cāpy anāmayam
Sanskrit only: no published translation is held for this verse.
ते समेत्य तथान्योन्यं संनाहान् विप्रमुच्य च एकीभूतास् ततो वीरा गन्धर्वाः सह पाण्डवैः अपूजयेताम् अन्योन्यं चित्रसेनधनंजयौ
te sametya tathānyonyaṃ saṃnāhān vipramucya ca ekībhūtās tato vīrā gandharvāḥ saha pāṇḍavaiḥ apūjayetām anyonyaṃ citrasenadhanaṃjayau
Sanskrit only: no published translation is held for this verse.