Library·Mahābhārata (critical edition)·3·3.257
जनमेजय उवाच एवं हृतायां कृष्णायां प्राप्य क्लेशम् अनुत्तमम् अत ऊर्ध्वं नरव्याघ्राः किम् अकुर्वत पाण्डवाः
janamejaya uvāca evaṃ hṛtāyāṃ kṛṣṇāyāṃ prāpya kleśam anuttamam ata ūrdhvaṃ naravyāghrāḥ kim akurvata pāṇḍavāḥ
Sanskrit only: no published translation is held for this verse.
वैशंपायन उवाच एवं कृष्णां मोक्षयित्वा विनिर्जित्य जयद्रथम् आसां चक्रे मुनिगणैर् धर्मराजो युधिष्ठिरः
vaiśaṃpāyana uvāca evaṃ kṛṣṇāṃ mokṣayitvā vinirjitya jayadratham āsāṃ cakre munigaṇair dharmarājo yudhiṣṭhiraḥ
Sanskrit only: no published translation is held for this verse.
तेषां मध्ये महर्षीणां शृण्वताम् अनुशोचताम् मार्कण्डेयम् इदं वाक्यम् अब्रवीत् पाण्डुनन्दनः
teṣāṃ madhye maharṣīṇāṃ śṛṇvatām anuśocatām mārkaṇḍeyam idaṃ vākyam abravīt pāṇḍunandanaḥ
Sanskrit only: no published translation is held for this verse.
मन्ये कालश् च बलवान् दैवं च विधिनिर्मितम् भवितव्यं च भूतानां यस्य नास्ति व्यतिक्रमः
manye kālaś ca balavān daivaṃ ca vidhinirmitam bhavitavyaṃ ca bhūtānāṃ yasya nāsti vyatikramaḥ
Sanskrit only: no published translation is held for this verse.
कथं हि पत्नीम् अस्माकं धर्मज्ञां धर्मचारिणीम् संस्पृशेद् ईदृशो भावः शुचिं स्तैन्यम् इवानृतम्
kathaṃ hi patnīm asmākaṃ dharmajñāṃ dharmacāriṇīm saṃspṛśed īdṛśo bhāvaḥ śuciṃ stainyam ivānṛtam
Sanskrit only: no published translation is held for this verse.
न हि पापं कृतं किं चित् कर्म वा निन्दितं क्व चित् द्रौपद्या ब्राह्मणेष्व् एव धर्मः सुचरितो महान्
na hi pāpaṃ kṛtaṃ kiṃ cit karma vā ninditaṃ kva cit draupadyā brāhmaṇeṣv eva dharmaḥ sucarito mahān
Sanskrit only: no published translation is held for this verse.
तां जहार बलाद् राजा मूढबुद्धिर् जयद्रथः तस्याः संहरणात् प्राप्तः शिरसः केशवापनम् पराजयं च संग्रामे ससहायः समाप्तवान्
tāṃ jahāra balād rājā mūḍhabuddhir jayadrathaḥ tasyāḥ saṃharaṇāt prāptaḥ śirasaḥ keśavāpanam parājayaṃ ca saṃgrāme sasahāyaḥ samāptavān
Sanskrit only: no published translation is held for this verse.
प्रत्याहृता तथास्माभिर् हत्वा तत् सैन्धवं बलम् तद् दारहरणं प्राप्तम् अस्माभिर् अवितर्कितम्
pratyāhṛtā tathāsmābhir hatvā tat saindhavaṃ balam tad dāraharaṇaṃ prāptam asmābhir avitarkitam
Sanskrit only: no published translation is held for this verse.
दुःखश् चायं वने वासो मृगयायां च जीविका हिंसा च मृगजातीनां वनौकोभिर् वनौकसाम् ज्ञातिभिर् विप्रवासश् च मिथ्या व्यवसितैर् अयम्
duḥkhaś cāyaṃ vane vāso mṛgayāyāṃ ca jīvikā hiṃsā ca mṛgajātīnāṃ vanaukobhir vanaukasām jñātibhir vipravāsaś ca mithyā vyavasitair ayam
Sanskrit only: no published translation is held for this verse.
अस्ति नूनं मया कश् चिद् अल्पभाग्यतरो नरः भवता दृष्टपूर्वो वा श्रुतपूर्वो ऽपि वा भवेत्
asti nūnaṃ mayā kaś cid alpabhāgyataro naraḥ bhavatā dṛṣṭapūrvo vā śrutapūrvo 'pi vā bhavet
Sanskrit only: no published translation is held for this verse.