Library·Mahābhārata (critical edition)·3·3.260
मार्कण्डेय उवाच ततो ब्रह्मर्षयः सिद्धा देवराजर्षयस् तथा हव्यवाहं पुरस्कृत्य ब्रह्माणं शरणं गताः
mārkaṇḍeya uvāca tato brahmarṣayaḥ siddhā devarājarṣayas tathā havyavāhaṃ puraskṛtya brahmāṇaṃ śaraṇaṃ gatāḥ
Sanskrit only: no published translation is held for this verse.
अग्निर् उवाच यः स विश्रवसः पुत्रो दशग्रीवो महाबलः अवध्यो वरदानेन कृतो भगवता पुरा
agnir uvāca yaḥ sa viśravasaḥ putro daśagrīvo mahābalaḥ avadhyo varadānena kṛto bhagavatā purā
Sanskrit only: no published translation is held for this verse.
स बाधते प्रजाः सर्वा विप्रकारैर् महाबलः ततो नस् त्रातु भगवन् नान्यस् त्राता हि विद्यते
sa bādhate prajāḥ sarvā viprakārair mahābalaḥ tato nas trātu bhagavan nānyas trātā hi vidyate
Sanskrit only: no published translation is held for this verse.
ब्रह्मोवाच न स देवासुरैः शक्यो युद्धे जेतुं विभावसो विहितं तत्र यत् कार्यम् अभितस् तस्य निग्रहे
brahmovāca na sa devāsuraiḥ śakyo yuddhe jetuṃ vibhāvaso vihitaṃ tatra yat kāryam abhitas tasya nigrahe
Sanskrit only: no published translation is held for this verse.
तदर्थम् अवतीर्णो ऽसौ मन्नियोगाच् चतुर्भुजः विष्णुः प्रहरतां श्रेष्ठः स कर्मैतत् करिष्यति
tadartham avatīrṇo 'sau manniyogāc caturbhujaḥ viṣṇuḥ praharatāṃ śreṣṭhaḥ sa karmaitat kariṣyati
Sanskrit only: no published translation is held for this verse.
मार्कण्डेय उवाच पितामहस् ततस् तेषां संनिधौ वाक्यम् अब्रवीत् सर्वैर् देवगणैः सार्धं संभवध्वं महीतले
mārkaṇḍeya uvāca pitāmahas tatas teṣāṃ saṃnidhau vākyam abravīt sarvair devagaṇaiḥ sārdhaṃ saṃbhavadhvaṃ mahītale
Sanskrit only: no published translation is held for this verse.
विष्णोः सहायान् ऋक्षीषु वानरीषु च सर्वशः जनयध्वं सुतान् वीरान् कामरूपबलान्वितान्
viṣṇoḥ sahāyān ṛkṣīṣu vānarīṣu ca sarvaśaḥ janayadhvaṃ sutān vīrān kāmarūpabalānvitān
Sanskrit only: no published translation is held for this verse.
ततो भागानुभागेन देवगन्धर्वदानवाः अवतर्तुं महीं सर्वे रञ्जयाम् आसुर् अञ्जसा
tato bhāgānubhāgena devagandharvadānavāḥ avatartuṃ mahīṃ sarve rañjayām āsur añjasā
Sanskrit only: no published translation is held for this verse.
तेषां समक्षं गन्धर्वीं दुन्दुभीं नाम नामतः शशास वरदो देवो देवकार्यार्थसिद्धये
teṣāṃ samakṣaṃ gandharvīṃ dundubhīṃ nāma nāmataḥ śaśāsa varado devo devakāryārthasiddhaye
Sanskrit only: no published translation is held for this verse.
पितामहवचः श्रुत्वा गन्धर्वी दुन्दुभी ततः मन्थरा मानुषे लोके कुब्जा समभवत् तदा
pitāmahavacaḥ śrutvā gandharvī dundubhī tataḥ mantharā mānuṣe loke kubjā samabhavat tadā
Sanskrit only: no published translation is held for this verse.
शक्रप्रभृतयश् चैव सर्वे ते सुरसत्तमाः वानरर्क्षवरस्त्रीषु जनयाम् आसुर् आत्मजान् ते ऽन्ववर्तन् पितॄन् सर्वे यशसा च बलेन च
śakraprabhṛtayaś caiva sarve te surasattamāḥ vānararkṣavarastrīṣu janayām āsur ātmajān te 'nvavartan pitṝn sarve yaśasā ca balena ca
Sanskrit only: no published translation is held for this verse.
भेत्तारो गिरिशृङ्गाणां शालतालशिलायुधाः वज्रसंहननाः सर्वे सर्वे चौघबलास् तथा
bhettāro giriśṛṅgāṇāṃ śālatālaśilāyudhāḥ vajrasaṃhananāḥ sarve sarve caughabalās tathā
Sanskrit only: no published translation is held for this verse.
कामवीर्यधराश् चैव सर्वे युद्धविशारदाः नागायुतसमप्राणा वायुवेगसमा जवे यत्रेच्छकनिवासाश् च के चिद् अत्र वनौकसः
kāmavīryadharāś caiva sarve yuddhaviśāradāḥ nāgāyutasamaprāṇā vāyuvegasamā jave yatrecchakanivāsāś ca ke cid atra vanaukasaḥ
Sanskrit only: no published translation is held for this verse.
एवं विधाय तत् सर्वं भगवांल् लोकभावनः मन्थरां बोधयाम् आस यद् यत् कार्यं यथा यथा
evaṃ vidhāya tat sarvaṃ bhagavāṃl lokabhāvanaḥ mantharāṃ bodhayām āsa yad yat kāryaṃ yathā yathā
Sanskrit only: no published translation is held for this verse.
सा तद्वचनम् आज्ञाय तथा चक्रे मनोजवा इतश् चेतश् च गच्छन्ती वैरसंधुक्षणे रता
sā tadvacanam ājñāya tathā cakre manojavā itaś cetaś ca gacchantī vairasaṃdhukṣaṇe ratā
Sanskrit only: no published translation is held for this verse.