Mahābhārata (critical edition) 3.286

कर्ण उवाच भगवन्तम् अहं भक्तो यथा मां वेत्थ गोपते तथा परमतिग्मांशो नान्यं देवं कथं चन

karṇa uvāca bhagavantam ahaṃ bhakto yathā māṃ vettha gopate tathā paramatigmāṃśo nānyaṃ devaṃ kathaṃ cana

Sanskrit only: no published translation is held for this verse.

न मे दारा न मे पुत्रा न चात्मा सुहृदो न च तथेष्टा वै सदा भक्त्या यथा त्वं गोपते मम

na me dārā na me putrā na cātmā suhṛdo na ca tatheṣṭā vai sadā bhaktyā yathā tvaṃ gopate mama

Sanskrit only: no published translation is held for this verse.

इष्टानां च महात्मानो भक्तानां च न संशयः कुर्वन्ति भक्तिम् इष्टां च जानीषे त्वं च भास्कर

iṣṭānāṃ ca mahātmāno bhaktānāṃ ca na saṃśayaḥ kurvanti bhaktim iṣṭāṃ ca jānīṣe tvaṃ ca bhāskara

Sanskrit only: no published translation is held for this verse.

इष्टो भक्तश् च मे कर्णो न चान्यद् दैवतं दिवि जानीत इति वै कृत्वा भगवान् आह मद्धितम्

iṣṭo bhaktaś ca me karṇo na cānyad daivataṃ divi jānīta iti vai kṛtvā bhagavān āha maddhitam

Sanskrit only: no published translation is held for this verse.

भूयश् च शिरसा याचे प्रसाद्य च पुनः पुनः इति ब्रवीमि तिग्मांशो त्वं तु मे क्षन्तुम् अर्हसि

bhūyaś ca śirasā yāce prasādya ca punaḥ punaḥ iti bravīmi tigmāṃśo tvaṃ tu me kṣantum arhasi

Sanskrit only: no published translation is held for this verse.

बिभेमि न तथा मृत्योर् यथा बिभ्ये ऽनृताद् अहम् विशेषेण द्विजातीनां सर्वेषां सर्वदा सताम् प्रदाने जीवितस्यापि न मे ऽत्रास्ति विचारणा

bibhemi na tathā mṛtyor yathā bibhye 'nṛtād aham viśeṣeṇa dvijātīnāṃ sarveṣāṃ sarvadā satām pradāne jīvitasyāpi na me 'trāsti vicāraṇā

Sanskrit only: no published translation is held for this verse.

यच् च माम् आत्थ देव त्वं पाण्डवं फल्गुनं प्रति व्येतु संतापजं दुःखं तव भास्कर मानसम् अर्जुनं प्रति मां चैव विजेष्यामि रणे ऽर्जुनम्

yac ca mām āttha deva tvaṃ pāṇḍavaṃ phalgunaṃ prati vyetu saṃtāpajaṃ duḥkhaṃ tava bhāskara mānasam arjunaṃ prati māṃ caiva vijeṣyāmi raṇe 'rjunam

Sanskrit only: no published translation is held for this verse.

तवापि विदितं देव ममाप्य् अस्त्रबलं महत् जामदग्न्याद् उपात्तं यत् तथा द्रोणान् महात्मनः

tavāpi viditaṃ deva mamāpy astrabalaṃ mahat jāmadagnyād upāttaṃ yat tathā droṇān mahātmanaḥ

Sanskrit only: no published translation is held for this verse.

इदं त्वम् अनुजानीहि सुरश्रेष्ठ व्रतं मम भिक्षते वज्रिणे दद्याम् अपि जीवितम् आत्मनः

idaṃ tvam anujānīhi suraśreṣṭha vrataṃ mama bhikṣate vajriṇe dadyām api jīvitam ātmanaḥ

Sanskrit only: no published translation is held for this verse.

सूर्य उवाच यदि तात ददास्य् एते वज्रिणे कुण्डले शुभे त्वम् अप्य् एनम् अथो ब्रूया विजयार्थं महाबल

sūrya uvāca yadi tāta dadāsy ete vajriṇe kuṇḍale śubhe tvam apy enam atho brūyā vijayārthaṃ mahābala

Sanskrit only: no published translation is held for this verse.

नियमेन प्रदद्यास् त्वं कुण्डले वै शतक्रतोः अवध्यो ह्य् असि भूतानां कुण्डलाभ्यां समन्वितः

niyamena pradadyās tvaṃ kuṇḍale vai śatakratoḥ avadhyo hy asi bhūtānāṃ kuṇḍalābhyāṃ samanvitaḥ

Sanskrit only: no published translation is held for this verse.

अर्जुनेन विनाशं हि तव दानवसूदनः प्रार्थयानो रणे वत्स कुण्डले ते जिहीर्षति

arjunena vināśaṃ hi tava dānavasūdanaḥ prārthayāno raṇe vatsa kuṇḍale te jihīrṣati

Sanskrit only: no published translation is held for this verse.

स त्वम् अप्य् एनम् आराध्य सूनृताभिः पुनः पुनः अभ्यर्थयेथा देवेशम् अमोघार्थं पुरंदरम्

sa tvam apy enam ārādhya sūnṛtābhiḥ punaḥ punaḥ abhyarthayethā deveśam amoghārthaṃ puraṃdaram

Sanskrit only: no published translation is held for this verse.

अमोघां देहि मे शक्तिम् अमित्रविनिबर्हिणीम् दास्यामि ते सहस्राक्ष कुण्डले वर्म चोत्तमम्

amoghāṃ dehi me śaktim amitravinibarhiṇīm dāsyāmi te sahasrākṣa kuṇḍale varma cottamam

Sanskrit only: no published translation is held for this verse.

इत्य् एवं नियमेन त्वं दद्याः शक्राय कुण्डले तया त्वं कर्ण संग्रामे हनिष्यसि रणे रिपून्

ity evaṃ niyamena tvaṃ dadyāḥ śakrāya kuṇḍale tayā tvaṃ karṇa saṃgrāme haniṣyasi raṇe ripūn

Sanskrit only: no published translation is held for this verse.

नाहत्वा हि महाबाहो शत्रून् एति करं पुनः सा शक्तिर् देवराजस्य शतशो ऽथ सहस्रशः

nāhatvā hi mahābāho śatrūn eti karaṃ punaḥ sā śaktir devarājasya śataśo 'tha sahasraśaḥ

Sanskrit only: no published translation is held for this verse.

वैशंपायन उवाच एवम् उक्त्वा सहस्रांशुः सहसान्तरधीयत ततः सूर्याय जप्यान्ते कर्णः स्वप्नं न्यवेदयत्

vaiśaṃpāyana uvāca evam uktvā sahasrāṃśuḥ sahasāntaradhīyata tataḥ sūryāya japyānte karṇaḥ svapnaṃ nyavedayat

Sanskrit only: no published translation is held for this verse.

यथादृष्टं यथातत्त्वं यथोक्तम् उभयोर् निशि तत् सर्वम् आनुपूर्व्येण शशंसास्मै वृषस् तदा

yathādṛṣṭaṃ yathātattvaṃ yathoktam ubhayor niśi tat sarvam ānupūrvyeṇa śaśaṃsāsmai vṛṣas tadā

Sanskrit only: no published translation is held for this verse.

तच् छ्रुत्वा भगवान् देवो भानुः स्वर्भानुसूदनः उवाच तं तथेत्य् एव कर्णं सूर्यः स्मयन्न् इव

tac chrutvā bhagavān devo bhānuḥ svarbhānusūdanaḥ uvāca taṃ tathety eva karṇaṃ sūryaḥ smayann iva

Sanskrit only: no published translation is held for this verse.

ततस् तत्त्वम् इति ज्ञात्वा राधेयः परवीरहा शक्तिम् एवाभिकाङ्क्षन् वै वासवं प्रत्यपालयत्

tatas tattvam iti jñātvā rādheyaḥ paravīrahā śaktim evābhikāṅkṣan vai vāsavaṃ pratyapālayat

Sanskrit only: no published translation is held for this verse.