Library·Mahābhārata (critical edition)·3·3.295
जनमेजय उवाच एवं हृतायां कृष्णायां प्राप्य क्लेशम् अनुत्तमम् प्रतिलभ्य ततः कृष्णां किम् अकुर्वत पाण्डवाः
janamejaya uvāca evaṃ hṛtāyāṃ kṛṣṇāyāṃ prāpya kleśam anuttamam pratilabhya tataḥ kṛṣṇāṃ kim akurvata pāṇḍavāḥ
Sanskrit only: no published translation is held for this verse.
वैशंपायन उवाच एवं हृतायां कृष्णायां प्राप्य क्लेशम् अनुत्तमम् विहाय काम्यकं राजा सह भ्रातृभिर् अच्युतः
vaiśaṃpāyana uvāca evaṃ hṛtāyāṃ kṛṣṇāyāṃ prāpya kleśam anuttamam vihāya kāmyakaṃ rājā saha bhrātṛbhir acyutaḥ
Sanskrit only: no published translation is held for this verse.
पुनर् द्वैतवनं रम्यम् आजगाम युधिष्ठिरः स्वादुमूलफलं रम्यं मार्कण्डेयाश्रमं प्रति
punar dvaitavanaṃ ramyam ājagāma yudhiṣṭhiraḥ svādumūlaphalaṃ ramyaṃ mārkaṇḍeyāśramaṃ prati
Sanskrit only: no published translation is held for this verse.
अनुगुप्तफलाहाराः सर्व एव मिताशनाः न्यवसन् पाण्डवास् तत्र कृष्णया सह भारत
anuguptaphalāhārāḥ sarva eva mitāśanāḥ nyavasan pāṇḍavās tatra kṛṣṇayā saha bhārata
Sanskrit only: no published translation is held for this verse.
वसन् द्वैतवने राजा कुन्तीपुत्रो युधिष्ठिरः भीमसेनो ऽर्जुनश् चैव माद्रीपुत्रौ च पाण्डवौ
vasan dvaitavane rājā kuntīputro yudhiṣṭhiraḥ bhīmaseno 'rjunaś caiva mādrīputrau ca pāṇḍavau
Sanskrit only: no published translation is held for this verse.
ब्राह्मणार्थे पराक्रान्ता धर्मात्मानो यतव्रताः क्लेशम् आर्छन्त विपुलं सुखोदर्कं परंतपाः
brāhmaṇārthe parākrāntā dharmātmāno yatavratāḥ kleśam ārchanta vipulaṃ sukhodarkaṃ paraṃtapāḥ
Sanskrit only: no published translation is held for this verse.
अजातशत्रुम् आसीनं भ्रातृभिः सहितं वने आगम्य ब्राह्मणस् तूर्णं संतप्त इदम् अब्रवीत्
ajātaśatrum āsīnaṃ bhrātṛbhiḥ sahitaṃ vane āgamya brāhmaṇas tūrṇaṃ saṃtapta idam abravīt
Sanskrit only: no published translation is held for this verse.
अरणीसहितं मह्यं समासक्तं वनस्पतौ मृगस्य घर्षमाणस्य विषाणे समसज्जत
araṇīsahitaṃ mahyaṃ samāsaktaṃ vanaspatau mṛgasya gharṣamāṇasya viṣāṇe samasajjata
Sanskrit only: no published translation is held for this verse.
तद् आदाय गतो राजंस् त्वरमाणो महामृगः आश्रमात् त्वरितः शीघ्रं प्लवमानो महाजवः
tad ādāya gato rājaṃs tvaramāṇo mahāmṛgaḥ āśramāt tvaritaḥ śīghraṃ plavamāno mahājavaḥ
Sanskrit only: no published translation is held for this verse.
तस्य गत्वा पदं शीघ्रम् आसाद्य च महामृगम् अग्निहोत्रं न लुप्येत तदानयत पाण्डवाः
tasya gatvā padaṃ śīghram āsādya ca mahāmṛgam agnihotraṃ na lupyeta tadānayata pāṇḍavāḥ
Sanskrit only: no published translation is held for this verse.
ब्राह्मणस्य वचः श्रुत्वा संतप्तो ऽथ युधिष्ठिरः धनुर् आदाय कौन्तेयः प्राद्रवद् भ्रातृभिः सह
brāhmaṇasya vacaḥ śrutvā saṃtapto 'tha yudhiṣṭhiraḥ dhanur ādāya kaunteyaḥ prādravad bhrātṛbhiḥ saha
Sanskrit only: no published translation is held for this verse.
सन्नद्धा धन्विनः सर्वे प्राद्रवन् नरपुंगवाः ब्राह्मणार्थे यतन्तस् ते शीघ्रम् अन्वगमन् मृगम्
sannaddhā dhanvinaḥ sarve prādravan narapuṃgavāḥ brāhmaṇārthe yatantas te śīghram anvagaman mṛgam
Sanskrit only: no published translation is held for this verse.
कर्णिनालीकनाराचान् उत्सृजन्तो महारथाः नाविध्यन् पाण्डवास् तत्र पश्यन्तो मृगम् अन्तिकात्
karṇinālīkanārācān utsṛjanto mahārathāḥ nāvidhyan pāṇḍavās tatra paśyanto mṛgam antikāt
Sanskrit only: no published translation is held for this verse.
तेषां प्रयतमानानां नादृश्यत महामृगः अपश्यन्तो मृगं श्रान्ता दुःखं प्राप्ता मनस्विनः
teṣāṃ prayatamānānāṃ nādṛśyata mahāmṛgaḥ apaśyanto mṛgaṃ śrāntā duḥkhaṃ prāptā manasvinaḥ
Sanskrit only: no published translation is held for this verse.
शीतलच्छायम् आसाद्य न्यग्रोधं गहने वने क्षुत्पिपासापरीताङ्गाः पाण्डवाः समुपाविशन्
śītalacchāyam āsādya nyagrodhaṃ gahane vane kṣutpipāsāparītāṅgāḥ pāṇḍavāḥ samupāviśan
Sanskrit only: no published translation is held for this verse.
तेषां समुपविष्टानां नकुलो दुःखितस् तदा अब्रवीद् भ्रातरं ज्येष्ठम् अमर्षात् कुरुसत्तम
teṣāṃ samupaviṣṭānāṃ nakulo duḥkhitas tadā abravīd bhrātaraṃ jyeṣṭham amarṣāt kurusattama
Sanskrit only: no published translation is held for this verse.
नास्मिन् कुले जातु ममज्ज धर्मो; न चालस्याद् अर्थलोपो बभूव अनुत्तराः सर्वभूतेषु भूयः; संप्राप्ताः स्मः संशयं केन राजन्
nāsmin kule jātu mamajja dharmo; na cālasyād arthalopo babhūva anuttarāḥ sarvabhūteṣu bhūyaḥ; saṃprāptāḥ smaḥ saṃśayaṃ kena rājan
Sanskrit only: no published translation is held for this verse.