Mahābhārata (critical edition) 3.4

वैशंपायन उवाच ततो दिवाकरः प्रीतो दर्शयाम् आस पाण्डवम् दीप्यमानः स्ववपुषा ज्वलन्न् इव हुताशनः

vaiśaṃpāyana uvāca tato divākaraḥ prīto darśayām āsa pāṇḍavam dīpyamānaḥ svavapuṣā jvalann iva hutāśanaḥ

Sanskrit only: no published translation is held for this verse.

यत् ते ऽभिलषितं राजन् सर्वम् एतद् अवाप्स्यसि अहम् अन्नं प्रदास्यामि सप्त पञ्च च ते समाः

yat te 'bhilaṣitaṃ rājan sarvam etad avāpsyasi aham annaṃ pradāsyāmi sapta pañca ca te samāḥ

Sanskrit only: no published translation is held for this verse.

फलमूलामिषं शाकं संस्कृतं यन् महानसे चतुर्विधं तदन्नाद्यम् अक्षय्यं ते भविष्यति धनं च विविधं तुभ्यम् इत्य् उक्त्वान्तरधीयत

phalamūlāmiṣaṃ śākaṃ saṃskṛtaṃ yan mahānase caturvidhaṃ tadannādyam akṣayyaṃ te bhaviṣyati dhanaṃ ca vividhaṃ tubhyam ity uktvāntaradhīyata

Sanskrit only: no published translation is held for this verse.

लब्ध्वा वरं तु कौन्तेयो जलाद् उत्तीर्य धर्मवित् जग्राह पादौ धौम्यस्य भ्रातॄंश् चास्वजताच्युतः

labdhvā varaṃ tu kaunteyo jalād uttīrya dharmavit jagrāha pādau dhaumyasya bhrātṝṃś cāsvajatācyutaḥ

Sanskrit only: no published translation is held for this verse.

द्रौपद्या सह संगम्य पश्यमानो ऽभ्ययात् प्रभुः महानसे तदान्नं तु साधयाम् आस पाण्डवः

draupadyā saha saṃgamya paśyamāno 'bhyayāt prabhuḥ mahānase tadānnaṃ tu sādhayām āsa pāṇḍavaḥ

Sanskrit only: no published translation is held for this verse.

संस्कृतं प्रसवं याति वन्यम् अन्नं चतुर्विधम् अक्षय्यं वर्धते चान्नं तेन भोजयते द्विजान्

saṃskṛtaṃ prasavaṃ yāti vanyam annaṃ caturvidham akṣayyaṃ vardhate cānnaṃ tena bhojayate dvijān

Sanskrit only: no published translation is held for this verse.

भुक्तवत्सु च विप्रेषु भोजयित्वानुजान् अपि शेषं विघससंज्ञं तु पश्चाद् भुङ्क्ते युधिष्ठिरः युधिष्ठिरं भोजयित्वा शेषम् अश्नाति पार्षती

bhuktavatsu ca vipreṣu bhojayitvānujān api śeṣaṃ vighasasaṃjñaṃ tu paścād bhuṅkte yudhiṣṭhiraḥ yudhiṣṭhiraṃ bhojayitvā śeṣam aśnāti pārṣatī

Sanskrit only: no published translation is held for this verse.

एवं दिवाकरात् प्राप्य दिवाकरसमद्युतिः कामान् मनो ऽभिलषितान् ब्राह्मणेभ्यो ददौ प्रभुः

evaṃ divākarāt prāpya divākarasamadyutiḥ kāmān mano 'bhilaṣitān brāhmaṇebhyo dadau prabhuḥ

Sanskrit only: no published translation is held for this verse.

पुरोहितपुरोगाश् च तिथिनक्षत्रपर्वसु यज्ञियार्थाः प्रवर्तन्ते विधिमन्त्रप्रमाणतः

purohitapurogāś ca tithinakṣatraparvasu yajñiyārthāḥ pravartante vidhimantrapramāṇataḥ

Sanskrit only: no published translation is held for this verse.

ततः कृतस्वस्त्ययना धौम्येन सह पाण्डवाः द्विजसंघैः परिवृताः प्रययुः काम्यकं वनम्

tataḥ kṛtasvastyayanā dhaumyena saha pāṇḍavāḥ dvijasaṃghaiḥ parivṛtāḥ prayayuḥ kāmyakaṃ vanam

Sanskrit only: no published translation is held for this verse.