Library·Mahābhārata (critical edition)·3·3.53
बृहदश्व उवाच सा नमस्कृत्य देवेभ्यः प्रहस्य नलम् अब्रवीत् प्रणयस्व यथाश्रद्धं राजन् किं करवाणि ते
bṛhadaśva uvāca sā namaskṛtya devebhyaḥ prahasya nalam abravīt praṇayasva yathāśraddhaṃ rājan kiṃ karavāṇi te
Sanskrit only: no published translation is held for this verse.
अहं चैव हि यच् चान्यन् ममास्ति वसु किं चन सर्वं तत् तव विश्रब्धं कुरु प्रणयम् ईश्वर
ahaṃ caiva hi yac cānyan mamāsti vasu kiṃ cana sarvaṃ tat tava viśrabdhaṃ kuru praṇayam īśvara
Sanskrit only: no published translation is held for this verse.
हंसानां वचनं यत् तत् तन् मां दहति पार्थिव त्वत्कृते हि मया वीर राजानः संनिपातिताः
haṃsānāṃ vacanaṃ yat tat tan māṃ dahati pārthiva tvatkṛte hi mayā vīra rājānaḥ saṃnipātitāḥ
Sanskrit only: no published translation is held for this verse.
यदि चेद् भजमानां मां प्रत्याख्यास्यसि मानद विषम् अग्निं जलं रज्जुम् आस्थास्ये तव कारणात्
yadi ced bhajamānāṃ māṃ pratyākhyāsyasi mānada viṣam agniṃ jalaṃ rajjum āsthāsye tava kāraṇāt
Sanskrit only: no published translation is held for this verse.
एवम् उक्तस् तु वैदर्भ्या नलस् तां प्रत्युवाच ह तिष्ठत्सु लोकपालेषु कथं मानुषम् इच्छसि
evam uktas tu vaidarbhyā nalas tāṃ pratyuvāca ha tiṣṭhatsu lokapāleṣu kathaṃ mānuṣam icchasi
Sanskrit only: no published translation is held for this verse.
येषाम् अहं लोककृताम् ईश्वराणां महात्मनाम् न पादरजसा तुल्यो मनस् ते तेषु वर्तताम्
yeṣām ahaṃ lokakṛtām īśvarāṇāṃ mahātmanām na pādarajasā tulyo manas te teṣu vartatām
Sanskrit only: no published translation is held for this verse.
विप्रियं ह्य् आचरन् मर्त्यो देवानां मृत्युम् ऋच्छति त्राहि माम् अनवद्याङ्गि वरयस्व सुरोत्तमान्
vipriyaṃ hy ācaran martyo devānāṃ mṛtyum ṛcchati trāhi mām anavadyāṅgi varayasva surottamān
Sanskrit only: no published translation is held for this verse.
ततो बाष्पकलां वाचं दमयन्ती शुचिस्मिता प्रव्याहरन्ती शनकैर् नलं राजानम् अब्रवीत्
tato bāṣpakalāṃ vācaṃ damayantī śucismitā pravyāharantī śanakair nalaṃ rājānam abravīt
Sanskrit only: no published translation is held for this verse.
अस्त्य् उपायो मया दृष्टो निरपायो नरेश्वर येन दोषो न भविता तव राजन् कथं चन
asty upāyo mayā dṛṣṭo nirapāyo nareśvara yena doṣo na bhavitā tava rājan kathaṃ cana
Sanskrit only: no published translation is held for this verse.
त्वं चैव हि नरश्रेष्ठ देवाश् चाग्निपुरोगमाः आयान्तु सहिताः सर्वे मम यत्र स्वयंवरः
tvaṃ caiva hi naraśreṣṭha devāś cāgnipurogamāḥ āyāntu sahitāḥ sarve mama yatra svayaṃvaraḥ
Sanskrit only: no published translation is held for this verse.
ततो ऽहं लोकपालानां संनिधौ त्वां नरेश्वर वरयिष्ये नरव्याघ्र नैवं दोषो भविष्यति
tato 'haṃ lokapālānāṃ saṃnidhau tvāṃ nareśvara varayiṣye naravyāghra naivaṃ doṣo bhaviṣyati
Sanskrit only: no published translation is held for this verse.
एवम् उक्तस् तु वैदर्भ्या नलो राजा विशां पते आजगाम पुनस् तत्र यत्र देवाः समागताः
evam uktas tu vaidarbhyā nalo rājā viśāṃ pate ājagāma punas tatra yatra devāḥ samāgatāḥ
Sanskrit only: no published translation is held for this verse.
तम् अपश्यंस् तथायान्तं लोकपालाः सहेश्वराः दृष्ट्वा चैनं ततो ऽपृच्छन् वृत्तान्तं सर्वम् एव तत्
tam apaśyaṃs tathāyāntaṃ lokapālāḥ saheśvarāḥ dṛṣṭvā cainaṃ tato 'pṛcchan vṛttāntaṃ sarvam eva tat
Sanskrit only: no published translation is held for this verse.
देवा ऊचुः कच्चिद् दृष्टा त्वया राजन् दमयन्ती शुचिस्मिता किम् अब्रवीच् च नः सर्वान् वद भूमिपते ऽनघ
devā ūcuḥ kaccid dṛṣṭā tvayā rājan damayantī śucismitā kim abravīc ca naḥ sarvān vada bhūmipate 'nagha
Sanskrit only: no published translation is held for this verse.
नल उवाच भवद्भिर् अहम् आदिष्टो दमयन्त्या निवेशनम् प्रविष्टः सुमहाकक्ष्यं दण्डिभिः स्थविरैर् वृतम्
nala uvāca bhavadbhir aham ādiṣṭo damayantyā niveśanam praviṣṭaḥ sumahākakṣyaṃ daṇḍibhiḥ sthavirair vṛtam
Sanskrit only: no published translation is held for this verse.
प्रविशन्तं च मां तत्र न कश् चिद् दृष्टवान् नरः ऋते तां पार्थिवसुतां भवताम् एव तेजसा
praviśantaṃ ca māṃ tatra na kaś cid dṛṣṭavān naraḥ ṛte tāṃ pārthivasutāṃ bhavatām eva tejasā
Sanskrit only: no published translation is held for this verse.
सख्यश् चास्या मया दृष्टास् ताभिश् चाप्य् उपलक्षितः विस्मिताश् चाभवन् दृष्ट्वा सर्वा मां विबुधेश्वराः
sakhyaś cāsyā mayā dṛṣṭās tābhiś cāpy upalakṣitaḥ vismitāś cābhavan dṛṣṭvā sarvā māṃ vibudheśvarāḥ
Sanskrit only: no published translation is held for this verse.
वर्ण्यमानेषु च मया भवत्सु रुचिरानना माम् एव गतसंकल्पा वृणीते सुरसत्तमाः
varṇyamāneṣu ca mayā bhavatsu rucirānanā mām eva gatasaṃkalpā vṛṇīte surasattamāḥ
Sanskrit only: no published translation is held for this verse.
अब्रवीच् चैव मां बाला आयान्तु सहिताः सुराः त्वया सह नरश्रेष्ठ मम यत्र स्वयंवरः
abravīc caiva māṃ bālā āyāntu sahitāḥ surāḥ tvayā saha naraśreṣṭha mama yatra svayaṃvaraḥ
Sanskrit only: no published translation is held for this verse.
तेषाम् अहं संनिधौ त्वां वरयिष्ये नरोत्तम एवं तव महाबाहो दोषो न भवितेति ह
teṣām ahaṃ saṃnidhau tvāṃ varayiṣye narottama evaṃ tava mahābāho doṣo na bhaviteti ha
Sanskrit only: no published translation is held for this verse.
एतावद् एव विबुधा यथावृत्तम् उदाहृतम् मयाशेषं प्रमाणं तु भवन्तस् त्रिदशेश्वराः
etāvad eva vibudhā yathāvṛttam udāhṛtam mayāśeṣaṃ pramāṇaṃ tu bhavantas tridaśeśvarāḥ
Sanskrit only: no published translation is held for this verse.