Mahābhārata (critical edition) 3.55

बृहदश्व उवाच वृते तु नैषधे भैम्या लोकपाला महौजसः यान्तो ददृशुर् आयान्तं द्वापरं कलिना सह

bṛhadaśva uvāca vṛte tu naiṣadhe bhaimyā lokapālā mahaujasaḥ yānto dadṛśur āyāntaṃ dvāparaṃ kalinā saha

Sanskrit only: no published translation is held for this verse.

अथाब्रवीत् कलिं शक्रः संप्रेक्ष्य बलवृत्रहा द्वापरेण सहायेन कले ब्रूहि क्व यास्यसि

athābravīt kaliṃ śakraḥ saṃprekṣya balavṛtrahā dvāpareṇa sahāyena kale brūhi kva yāsyasi

Sanskrit only: no published translation is held for this verse.

ततो ऽब्रवीत् कलिः शक्रं दमयन्त्याः स्वयंवरम् गत्वाहं वरयिष्ये तां मनो हि मम तद्गतम्

tato 'bravīt kaliḥ śakraṃ damayantyāḥ svayaṃvaram gatvāhaṃ varayiṣye tāṃ mano hi mama tadgatam

Sanskrit only: no published translation is held for this verse.

तम् अब्रवीत् प्रहस्येन्द्रो निर्वृत्तः स स्वयंवरः वृतस् तया नलो राजा पतिर् अस्मत्समीपतः

tam abravīt prahasyendro nirvṛttaḥ sa svayaṃvaraḥ vṛtas tayā nalo rājā patir asmatsamīpataḥ

Sanskrit only: no published translation is held for this verse.

एवम् उक्तस् तु शक्रेण कलिः कोपसमन्वितः देवान् आमन्त्र्य तान् सर्वान् उवाचेदं वचस् तदा

evam uktas tu śakreṇa kaliḥ kopasamanvitaḥ devān āmantrya tān sarvān uvācedaṃ vacas tadā

Sanskrit only: no published translation is held for this verse.

देवानां मानुषं मध्ये यत् सा पतिम् अविन्दत ननु तस्या भवेन् न्याय्यं विपुलं दण्डधारणम्

devānāṃ mānuṣaṃ madhye yat sā patim avindata nanu tasyā bhaven nyāyyaṃ vipulaṃ daṇḍadhāraṇam

Sanskrit only: no published translation is held for this verse.

एवम् उक्ते तु कलिना प्रत्यूचुस् ते दिवौकसः अस्माभिः समनुज्ञातो दमयन्त्या नलो वृतः

evam ukte tu kalinā pratyūcus te divaukasaḥ asmābhiḥ samanujñāto damayantyā nalo vṛtaḥ

Sanskrit only: no published translation is held for this verse.

कश् च सर्वगुणोपेतं नाश्रयेत नलं नृपम् यो वेद धर्मान् अखिलान् यथावच् चरितव्रतः

kaś ca sarvaguṇopetaṃ nāśrayeta nalaṃ nṛpam yo veda dharmān akhilān yathāvac caritavrataḥ

Sanskrit only: no published translation is held for this verse.

यस्मिन् सत्यं धृतिर् दानं तपः शौचं दमः शमः ध्रुवाणि पुरुषव्याघ्रे लोकपालसमे नृपे

yasmin satyaṃ dhṛtir dānaṃ tapaḥ śaucaṃ damaḥ śamaḥ dhruvāṇi puruṣavyāghre lokapālasame nṛpe

Sanskrit only: no published translation is held for this verse.

आत्मानं स शपेन् मूढो हन्याच् चात्मानम् आत्मना एवंगुणं नलं यो वै कामयेच् छपितुं कले

ātmānaṃ sa śapen mūḍho hanyāc cātmānam ātmanā evaṃguṇaṃ nalaṃ yo vai kāmayec chapituṃ kale

Sanskrit only: no published translation is held for this verse.

कृच्छ्रे स नरके मज्जेद् अगाधे विपुले ऽप्लवे एवम् उक्त्वा कलिं देवा द्वापरं च दिवं ययुः

kṛcchre sa narake majjed agādhe vipule 'plave evam uktvā kaliṃ devā dvāparaṃ ca divaṃ yayuḥ

Sanskrit only: no published translation is held for this verse.

ततो गतेषु देवेषु कलिर् द्वापरम् अब्रवीत् संहर्तुं नोत्सहे कोपं नले वत्स्यामि द्वापर

tato gateṣu deveṣu kalir dvāparam abravīt saṃhartuṃ notsahe kopaṃ nale vatsyāmi dvāpara

Sanskrit only: no published translation is held for this verse.

भ्रंशयिष्यामि तं राज्यान् न भैम्या सह रंस्यते त्वम् अप्य् अक्षान् समाविश्य कर्तुं साहाय्यम् अर्हसि

bhraṃśayiṣyāmi taṃ rājyān na bhaimyā saha raṃsyate tvam apy akṣān samāviśya kartuṃ sāhāyyam arhasi

Sanskrit only: no published translation is held for this verse.