ताम् उवाचानवद्याङ्गीं सार्थस्य महतः प्रभुः सार्थवाहः शुचिर् नाम शृणु कल्याणि मद्वचः
tām uvācānavadyāṅgīṃ sārthasya mahataḥ prabhuḥ sārthavāhaḥ śucir nāma śṛṇu kalyāṇi madvacaḥ
Sanskrit only: no published translation is held for this verse.
Library·Mahābhārata (critical edition)·3·3.61
Mahābhārata (critical edition) 3.61
अहं सार्थस्य नेता वै सार्थवाहः शुचिस्मिते मनुष्यं नलनामानं न पश्यामि यशस्विनि
ahaṃ sārthasya netā vai sārthavāhaḥ śucismite manuṣyaṃ nalanāmānaṃ na paśyāmi yaśasvini
Sanskrit only: no published translation is held for this verse.
कुञ्जरद्वीपिमहिषशार्दूलर्क्षमृगान् अपि पश्याम्य् अस्मिन् वने कष्टे अमनुष्यनिषेविते तथा नो यक्षराड् अद्य मणिभद्रः प्रसीदतु
kuñjaradvīpimahiṣaśārdūlarkṣamṛgān api paśyāmy asmin vane kaṣṭe amanuṣyaniṣevite tathā no yakṣarāḍ adya maṇibhadraḥ prasīdatu
Sanskrit only: no published translation is held for this verse.
साब्रवीद् वणिजः सर्वान् सार्थवाहं च तं ततः क्व नु यास्यसि सार्थो ऽयम् एतद् आख्यातुम् अर्हथ
sābravīd vaṇijaḥ sarvān sārthavāhaṃ ca taṃ tataḥ kva nu yāsyasi sārtho 'yam etad ākhyātum arhatha
Sanskrit only: no published translation is held for this verse.
सार्थवाह उवाच सार्थो ऽयं चेदिराजस्य सुबाहोः सत्यवादिनः क्षिप्रं जनपदं गन्ता लाभाय मनुजात्मजे
sārthavāha uvāca sārtho 'yaṃ cedirājasya subāhoḥ satyavādinaḥ kṣipraṃ janapadaṃ gantā lābhāya manujātmaje
Sanskrit only: no published translation is held for this verse.