Mahābhārata (critical edition) 3.80

सरस्वत्यां महाराज अनु संवत्सरं हि ते स्नायन्ते भरतश्रेष्ठ वृत्तां वै कार्त्तिकीं सदा

sarasvatyāṃ mahārāja anu saṃvatsaraṃ hi te snāyante bharataśreṣṭha vṛttāṃ vai kārttikīṃ sadā

Sanskrit only: no published translation is held for this verse.

तत्र स्नात्वा नरव्याघ्र द्योतते शशिवत् सदा गोसहस्रफलं चैव प्राप्नुयाद् भरतर्षभ

tatra snātvā naravyāghra dyotate śaśivat sadā gosahasraphalaṃ caiva prāpnuyād bharatarṣabha

Sanskrit only: no published translation is held for this verse.

कुमारकोटिम् आसाद्य नियतः कुरुनन्दन तत्राभिषेकं कुर्वीत पितृदेवार्चने रतः गवामयम् अवाप्नोति कुलं चैव समुद्धरेत्

kumārakoṭim āsādya niyataḥ kurunandana tatrābhiṣekaṃ kurvīta pitṛdevārcane rataḥ gavāmayam avāpnoti kulaṃ caiva samuddharet

Sanskrit only: no published translation is held for this verse.

ततो गच्छेत धर्मज्ञ रुद्रकोटिं समाहितः पुरा यत्र महाराज ऋषिकोटिः समाहिता प्रहर्षेण च संविष्टा देवदर्शनकाङ्क्षया

tato gaccheta dharmajña rudrakoṭiṃ samāhitaḥ purā yatra mahārāja ṛṣikoṭiḥ samāhitā praharṣeṇa ca saṃviṣṭā devadarśanakāṅkṣayā

Sanskrit only: no published translation is held for this verse.

अहं पूर्वम् अहं पूर्वं द्रक्ष्यामि वृषभध्वजम् एवं संप्रस्थिता राजन्न् ऋषयः किल भारत

ahaṃ pūrvam ahaṃ pūrvaṃ drakṣyāmi vṛṣabhadhvajam evaṃ saṃprasthitā rājann ṛṣayaḥ kila bhārata

Sanskrit only: no published translation is held for this verse.

ततो योगेष्वरेणापि योगम् आस्थाय भूपते तेषां मन्युप्रणाशार्थम् ऋषीणां भावितात्मनाम्

tato yogeṣvareṇāpi yogam āsthāya bhūpate teṣāṃ manyupraṇāśārtham ṛṣīṇāṃ bhāvitātmanām

Sanskrit only: no published translation is held for this verse.

सृष्टा कोटिस् तु रुद्राणाम् ऋषीणाम् अग्रतः स्थिता मया पूर्वतरं दृष्ट इति ते मेनिरे पृथक्

sṛṣṭā koṭis tu rudrāṇām ṛṣīṇām agrataḥ sthitā mayā pūrvataraṃ dṛṣṭa iti te menire pṛthak

Sanskrit only: no published translation is held for this verse.

तेषां तुष्टो महादेव ऋषीणाम् उग्रतेजसाम् भक्त्या परमया राजन् वरं तेषां प्रदिष्टवान् अद्य प्रभृति युष्माकं धर्मवृद्धिर् भविष्यति

teṣāṃ tuṣṭo mahādeva ṛṣīṇām ugratejasām bhaktyā paramayā rājan varaṃ teṣāṃ pradiṣṭavān adya prabhṛti yuṣmākaṃ dharmavṛddhir bhaviṣyati

Sanskrit only: no published translation is held for this verse.

तत्र स्नात्वा नरव्याघ्र रुद्रकोट्यां नरः शुचिः अश्वमेधम् अवाप्नोति कुलं चैव समुद्धरेत्

tatra snātvā naravyāghra rudrakoṭyāṃ naraḥ śuciḥ aśvamedham avāpnoti kulaṃ caiva samuddharet

Sanskrit only: no published translation is held for this verse.

ततो गच्छेत राजेन्द्र संगमं लोकविश्रुतम् सरस्वत्या महापुण्यम् उपासन्ते जनार्दनम्

tato gaccheta rājendra saṃgamaṃ lokaviśrutam sarasvatyā mahāpuṇyam upāsante janārdanam

Sanskrit only: no published translation is held for this verse.

यत्र ब्रह्मादयो देवा ऋषयः सिद्धचारणाः अभिगच्छन्ति राजेन्द्र चैत्रशुक्लचतुर्दशीम्

yatra brahmādayo devā ṛṣayaḥ siddhacāraṇāḥ abhigacchanti rājendra caitraśuklacaturdaśīm

Sanskrit only: no published translation is held for this verse.

तत्र स्नात्वा नरव्याघ्र विन्देद् बहु सुवर्णकम् सर्वपापविशुद्धात्मा ब्रह्मलोकं च गच्छति

tatra snātvā naravyāghra vinded bahu suvarṇakam sarvapāpaviśuddhātmā brahmalokaṃ ca gacchati

Sanskrit only: no published translation is held for this verse.

ऋषीणां यत्र सत्राणि समाप्तानि नराधिप सत्रावसानम् आसाद्य गोसहस्रफलं लभेत्

ṛṣīṇāṃ yatra satrāṇi samāptāni narādhipa satrāvasānam āsādya gosahasraphalaṃ labhet

Sanskrit only: no published translation is held for this verse.