Mahābhārata (critical edition) 3.82

तत्राश्रमो वसिष्ठस्य त्रिषु लोकेषु विश्रुतः तत्राभिषेकं कुर्वाणो वाजपेयम् अवाप्नुयात्

tatrāśramo vasiṣṭhasya triṣu lokeṣu viśrutaḥ tatrābhiṣekaṃ kurvāṇo vājapeyam avāpnuyāt

Sanskrit only: no published translation is held for this verse.

देवकूटं समासाद्य ब्रह्मर्षिगणसेवितम् अश्वमेधम् अवाप्नोति कुलं चैव समुद्धरेत्

devakūṭaṃ samāsādya brahmarṣigaṇasevitam aśvamedham avāpnoti kulaṃ caiva samuddharet

Sanskrit only: no published translation is held for this verse.

ततो गच्छेत राजेन्द्र कौशिकस्य मुनेर् ह्रदम् यत्र सिद्धिं परां प्राप्तो विश्वामित्रो ऽथ कौशिकः

tato gaccheta rājendra kauśikasya muner hradam yatra siddhiṃ parāṃ prāpto viśvāmitro 'tha kauśikaḥ

Sanskrit only: no published translation is held for this verse.

तत्र मासं वसेद् वीर कौशिक्यां भरतर्षभ अश्वमेधस्य यत् पुण्यं तन् मासेनाधिगच्छति

tatra māsaṃ vased vīra kauśikyāṃ bharatarṣabha aśvamedhasya yat puṇyaṃ tan māsenādhigacchati

Sanskrit only: no published translation is held for this verse.

सर्वतीर्थवरे चैव यो वसेत महाह्रदे न दुर्गतिम् अवाप्नोति विन्देद् बहु सुवर्णकम्

sarvatīrthavare caiva yo vaseta mahāhrade na durgatim avāpnoti vinded bahu suvarṇakam

Sanskrit only: no published translation is held for this verse.

कुमारम् अभिगत्वा च वीराश्रमनिवासिनम् अश्वमेधम् अवाप्नोति नरो नास्त्य् अत्र संशयः

kumāram abhigatvā ca vīrāśramanivāsinam aśvamedham avāpnoti naro nāsty atra saṃśayaḥ

Sanskrit only: no published translation is held for this verse.

अग्निधारां समासाद्य त्रिषु लोकेषु विश्रुताम् अग्निष्टोमम् अवाप्नोति न च स्वर्गान् निवर्तते

agnidhārāṃ samāsādya triṣu lokeṣu viśrutām agniṣṭomam avāpnoti na ca svargān nivartate

Sanskrit only: no published translation is held for this verse.

पितामहसरो गत्वा शैलराजप्रतिष्ठितम् तत्राभिषेकं कुर्वाणो अग्निष्टोमफलं लभेत्

pitāmahasaro gatvā śailarājapratiṣṭhitam tatrābhiṣekaṃ kurvāṇo agniṣṭomaphalaṃ labhet

Sanskrit only: no published translation is held for this verse.

पितामहस्य सरसः प्रस्रुता लोकपावनी कुमारधारा तत्रैव त्रिषु लोकेषु विश्रुता

pitāmahasya sarasaḥ prasrutā lokapāvanī kumāradhārā tatraiva triṣu lokeṣu viśrutā

Sanskrit only: no published translation is held for this verse.

यत्र स्नात्वा कृतार्थो ऽस्मीत्य् आत्मानम् अवगच्छति षष्ठकालोपवासेन मुच्यते ब्रह्महत्यया

yatra snātvā kṛtārtho 'smīty ātmānam avagacchati ṣaṣṭhakālopavāsena mucyate brahmahatyayā

Sanskrit only: no published translation is held for this verse.

शिखरं वै महादेव्या गौर्यास् त्रैलोक्यविश्रुतम् समारुह्य नरः श्राद्धः स्तनकुण्डेषु संविशेत्

śikharaṃ vai mahādevyā gauryās trailokyaviśrutam samāruhya naraḥ śrāddhaḥ stanakuṇḍeṣu saṃviśet

Sanskrit only: no published translation is held for this verse.

तत्राभिषेकं कुर्वाणः पितृदेवार्चने रतः हयमेधम् अवाप्नोति शक्रलोकं च गच्छति

tatrābhiṣekaṃ kurvāṇaḥ pitṛdevārcane rataḥ hayamedham avāpnoti śakralokaṃ ca gacchati

Sanskrit only: no published translation is held for this verse.

ताम्रारुणं समासाद्य ब्रह्मचारी समाहितः अश्वमेधम् अवाप्नोति शक्रलोकं च गच्छति

tāmrāruṇaṃ samāsādya brahmacārī samāhitaḥ aśvamedham avāpnoti śakralokaṃ ca gacchati

Sanskrit only: no published translation is held for this verse.

नन्दिन्यां च समासाद्य कूपं त्रिदशसेवितम् नरमेधस्य यत् पुण्यं तत् प्राप्नोति कुरूद्वह

nandinyāṃ ca samāsādya kūpaṃ tridaśasevitam naramedhasya yat puṇyaṃ tat prāpnoti kurūdvaha

Sanskrit only: no published translation is held for this verse.

कालिकासंगमे स्नात्वा कौशिक्यारुणयोर् यतः त्रिरात्रोपोषितो विद्वान् सर्वपापैः प्रमुच्यते

kālikāsaṃgame snātvā kauśikyāruṇayor yataḥ trirātropoṣito vidvān sarvapāpaiḥ pramucyate

Sanskrit only: no published translation is held for this verse.

उर्वशीतीर्थम् आसाद्य ततः सोमाश्रमं बुधः कुम्भकर्णाश्रमे स्नात्वा पूज्यते भुवि मानवः

urvaśītīrtham āsādya tataḥ somāśramaṃ budhaḥ kumbhakarṇāśrame snātvā pūjyate bhuvi mānavaḥ

Sanskrit only: no published translation is held for this verse.

स्नात्वा कोकामुखे पुण्ये ब्रह्मचारी यतव्रतः जातिस्मरत्वं प्राप्नोति दृष्टम् एतत् पुरातने

snātvā kokāmukhe puṇye brahmacārī yatavrataḥ jātismaratvaṃ prāpnoti dṛṣṭam etat purātane

Sanskrit only: no published translation is held for this verse.

सकृन् नन्दां समासाद्य कृतात्मा भवति द्विजः सर्वपापविशुद्धात्मा शक्रलोकं च गच्छति

sakṛn nandāṃ samāsādya kṛtātmā bhavati dvijaḥ sarvapāpaviśuddhātmā śakralokaṃ ca gacchati

Sanskrit only: no published translation is held for this verse.

ऋषभद्वीपम् आसाद्य सेव्यं क्रौञ्चनिषूदनम् सरस्वत्याम् उपस्पृश्य विमानस्थो विराजते

ṛṣabhadvīpam āsādya sevyaṃ krauñcaniṣūdanam sarasvatyām upaspṛśya vimānastho virājate

Sanskrit only: no published translation is held for this verse.

औद्दालकं महाराज तीर्थं मुनिनिषेवितम् तत्राभिषेकं कुर्वीत सर्वपापैः प्रमुच्यते

auddālakaṃ mahārāja tīrthaṃ muniniṣevitam tatrābhiṣekaṃ kurvīta sarvapāpaiḥ pramucyate

Sanskrit only: no published translation is held for this verse.

धर्मतीर्थं समासाद्य पुण्यं ब्रह्मर्षिसेवितम् वाजपेयम् अवाप्नोति नरो नास्त्य् अत्र संशयः

dharmatīrthaṃ samāsādya puṇyaṃ brahmarṣisevitam vājapeyam avāpnoti naro nāsty atra saṃśayaḥ

Sanskrit only: no published translation is held for this verse.

तथा चम्पां समासाद्य भागीरथ्यां कृतोदकः दण्डार्कम् अभिगम्यैव गोसहस्रफलं लभेत्

tathā campāṃ samāsādya bhāgīrathyāṃ kṛtodakaḥ daṇḍārkam abhigamyaiva gosahasraphalaṃ labhet

Sanskrit only: no published translation is held for this verse.

लवेडिकां ततो गच्छेत् पुण्यां पुण्योपसेविताम् वाजपेयम् अवाप्नोति विमानस्थश् च पूज्यते

laveḍikāṃ tato gacchet puṇyāṃ puṇyopasevitām vājapeyam avāpnoti vimānasthaś ca pūjyate

Sanskrit only: no published translation is held for this verse.