Mahābhārata (critical edition) 3.9

व्यास उवाच धृतराष्ट्र महाप्राज्ञ निबोध वचनं मम वक्ष्यामि त्वा कौरवाणां सर्वेषां हितम् उत्तमम्

vyāsa uvāca dhṛtarāṣṭra mahāprājña nibodha vacanaṃ mama vakṣyāmi tvā kauravāṇāṃ sarveṣāṃ hitam uttamam

Sanskrit only: no published translation is held for this verse.

न मे प्रियं महाबाहो यद् गताः पाण्डवा वनम् निकृत्या निर्जिताश् चैव दुर्योधनवशानुगैः

na me priyaṃ mahābāho yad gatāḥ pāṇḍavā vanam nikṛtyā nirjitāś caiva duryodhanavaśānugaiḥ

Sanskrit only: no published translation is held for this verse.

ते स्मरन्तः परिक्लेशान् वर्षे पूर्णे त्रयोदशे विमोक्ष्यन्ति विषं क्रुद्धाः करवेयेषु भारत

te smarantaḥ parikleśān varṣe pūrṇe trayodaśe vimokṣyanti viṣaṃ kruddhāḥ karaveyeṣu bhārata

Sanskrit only: no published translation is held for this verse.

तद् अयं किं नु पापात्मा तव पुत्रः सुमन्दधीः पाण्डवान् नित्यसंक्रुद्धो राज्यहेतोर् जिघांसति

tad ayaṃ kiṃ nu pāpātmā tava putraḥ sumandadhīḥ pāṇḍavān nityasaṃkruddho rājyahetor jighāṃsati

Sanskrit only: no published translation is held for this verse.

वार्यतां साध्व् अयं मूढः शमं गच्छतु ते सुतः वनस्थांस् तान् अयं हन्तुम् इच्छन् प्राणैर् विमोक्ष्यते

vāryatāṃ sādhv ayaṃ mūḍhaḥ śamaṃ gacchatu te sutaḥ vanasthāṃs tān ayaṃ hantum icchan prāṇair vimokṣyate

Sanskrit only: no published translation is held for this verse.

यथाह विदुरः प्राज्ञो यथा भीष्मो यथा वयम् यथा कृपश् च द्रोणश् च तथा साधु विधीयताम्

yathāha viduraḥ prājño yathā bhīṣmo yathā vayam yathā kṛpaś ca droṇaś ca tathā sādhu vidhīyatām

Sanskrit only: no published translation is held for this verse.

विग्रहो हि महाप्राज्ञ स्वजनेन विगर्हितः अधर्म्यम् अयशस्यं च मा राजन् प्रतिपद्यथाः

vigraho hi mahāprājña svajanena vigarhitaḥ adharmyam ayaśasyaṃ ca mā rājan pratipadyathāḥ

Sanskrit only: no published translation is held for this verse.

समीक्षा यादृशी ह्य् अस्य पाण्डवान् प्रति भारत उपेक्ष्यमाणा सा राजन् महान्तम् अनयं स्पृशेत्

samīkṣā yādṛśī hy asya pāṇḍavān prati bhārata upekṣyamāṇā sā rājan mahāntam anayaṃ spṛśet

Sanskrit only: no published translation is held for this verse.

अथ वायं सुमन्दात्मा वनं गच्छतु ते सुतः पाण्डवैः सहितो राजन्न् एक एवासहायवान्

atha vāyaṃ sumandātmā vanaṃ gacchatu te sutaḥ pāṇḍavaiḥ sahito rājann eka evāsahāyavān

Sanskrit only: no published translation is held for this verse.

ततः संसर्गजः स्नेहः पुत्रस्य तव पाण्डवैः यदि स्यात् कृतकार्यो ऽद्य भवेस् त्वं मनुजेश्वर

tataḥ saṃsargajaḥ snehaḥ putrasya tava pāṇḍavaiḥ yadi syāt kṛtakāryo 'dya bhaves tvaṃ manujeśvara

Sanskrit only: no published translation is held for this verse.

अथ वा जायमानस्य यच् छीलम् अनुजायते श्रूयते तन् महाराज नामृतस्यापसर्पति

atha vā jāyamānasya yac chīlam anujāyate śrūyate tan mahārāja nāmṛtasyāpasarpati

Sanskrit only: no published translation is held for this verse.

कथं वा मन्यते भीष्मो द्रोणो वा विदुरो ऽपि वा भवान् वात्र क्षमं कार्यं पुरा चार्थो ऽतिवर्तते

kathaṃ vā manyate bhīṣmo droṇo vā viduro 'pi vā bhavān vātra kṣamaṃ kāryaṃ purā cārtho 'tivartate

Sanskrit only: no published translation is held for this verse.