Library·Mahābhārata (critical edition)·4·4.26
वैशंपायन उवाच अथाब्रवीन् महावीर्यो द्रोणस् तत्त्वार्थदर्शिवान् न तादृशा विनश्यन्ति नापि यान्ति पराभवम्
vaiśaṃpāyana uvāca athābravīn mahāvīryo droṇas tattvārthadarśivān na tādṛśā vinaśyanti nāpi yānti parābhavam
Sanskrit only: no published translation is held for this verse.
शूराश् च कृतविद्याश् च बुद्धिमन्तो जितेन्द्रियाः धर्मज्ञाश् च कृतज्ञाश् च धर्मराजम् अनुव्रताः
śūrāś ca kṛtavidyāś ca buddhimanto jitendriyāḥ dharmajñāś ca kṛtajñāś ca dharmarājam anuvratāḥ
Sanskrit only: no published translation is held for this verse.
नीतिधर्मार्थतत्त्वज्ञं पितृवच् च समाहितम् धर्मे स्थितं सत्यधृतिं ज्येष्ठं ज्येष्ठापचायिनम्
nītidharmārthatattvajñaṃ pitṛvac ca samāhitam dharme sthitaṃ satyadhṛtiṃ jyeṣṭhaṃ jyeṣṭhāpacāyinam
Sanskrit only: no published translation is held for this verse.
अनुव्रता महात्मानं भ्रातरं भ्रातरो नृप अजातशत्रुं ह्रीमन्तं तं च भ्रातॄन् अनुव्रतम्
anuvratā mahātmānaṃ bhrātaraṃ bhrātaro nṛpa ajātaśatruṃ hrīmantaṃ taṃ ca bhrātṝn anuvratam
Sanskrit only: no published translation is held for this verse.
तेषां तथा विधेयानां निभृतानां महात्मनाम् किमर्थं नीतिमान् पार्थः श्रेयो नैषां करिष्यति
teṣāṃ tathā vidheyānāṃ nibhṛtānāṃ mahātmanām kimarthaṃ nītimān pārthaḥ śreyo naiṣāṃ kariṣyati
Sanskrit only: no published translation is held for this verse.
तस्माद् यत्नात् प्रतीक्षन्ते कालस्योदयम् आगतम् न हि ते नाशम् ऋच्छेयुर् इति पश्याम्य् अहं धिया
tasmād yatnāt pratīkṣante kālasyodayam āgatam na hi te nāśam ṛccheyur iti paśyāmy ahaṃ dhiyā
Sanskrit only: no published translation is held for this verse.
सांप्रतं चैव यत् कार्यं तच् च क्षिप्रम् अकालिकम् क्रियतां साधु संचिन्त्य वासश् चैषां प्रचिन्त्यताम्
sāṃprataṃ caiva yat kāryaṃ tac ca kṣipram akālikam kriyatāṃ sādhu saṃcintya vāsaś caiṣāṃ pracintyatām
Sanskrit only: no published translation is held for this verse.
यथावत् पाण्डुपुत्राणां सर्वार्थेषु धृतात्मनाम् दुर्ज्ञेयाः खलु शूरास् ते अपापास् तपसा वृताः
yathāvat pāṇḍuputrāṇāṃ sarvārtheṣu dhṛtātmanām durjñeyāḥ khalu śūrās te apāpās tapasā vṛtāḥ
Sanskrit only: no published translation is held for this verse.
शुद्धात्मा गुणवान् पार्थः सत्यवान् नीतिमाञ् शुचिः तेजोराशिर् असंख्येयो गृह्णीयाद् अपि चक्षुषी
śuddhātmā guṇavān pārthaḥ satyavān nītimāñ śuciḥ tejorāśir asaṃkhyeyo gṛhṇīyād api cakṣuṣī
Sanskrit only: no published translation is held for this verse.
विज्ञाय क्रियतां तस्माद् भूयश् च मृगयामहे ब्राह्मणैश् चारकैः सिद्धैर् ये चान्ये तद्विदो जनाः
vijñāya kriyatāṃ tasmād bhūyaś ca mṛgayāmahe brāhmaṇaiś cārakaiḥ siddhair ye cānye tadvido janāḥ
Sanskrit only: no published translation is held for this verse.