Library·Mahābhārata (critical edition)·4·4.37
वैशंपायन उवाच तं दृष्ट्वा क्लीबवेषेण रथस्थं नरपुंगवम् शमीम् अभिमुखं यान्तं रथम् आरोप्य चोत्तरम्
vaiśaṃpāyana uvāca taṃ dṛṣṭvā klībaveṣeṇa rathasthaṃ narapuṃgavam śamīm abhimukhaṃ yāntaṃ ratham āropya cottaram
Sanskrit only: no published translation is held for this verse.
भीष्मद्रोणमुखास् तत्र कुरूणां रथसत्तमाः वित्रस्तमनसः सर्वे धनंजयकृताद् भयात्
bhīṣmadroṇamukhās tatra kurūṇāṃ rathasattamāḥ vitrastamanasaḥ sarve dhanaṃjayakṛtād bhayāt
Sanskrit only: no published translation is held for this verse.
तान् अवेक्ष्य हतोत्साहान् उत्पातान् अपि चाद्भुतान् गुरुः शस्त्रभृतां श्रेष्ठो भारद्वाजो ऽभ्यभाषत
tān avekṣya hatotsāhān utpātān api cādbhutān guruḥ śastrabhṛtāṃ śreṣṭho bhāradvājo 'bhyabhāṣata
Sanskrit only: no published translation is held for this verse.
चलाश् च वाताः संवान्ति रूक्षाः परुषनिःस्वनाः भस्मवर्णप्रकाशेन तमसा संवृतं नभः
calāś ca vātāḥ saṃvānti rūkṣāḥ paruṣaniḥsvanāḥ bhasmavarṇaprakāśena tamasā saṃvṛtaṃ nabhaḥ
Sanskrit only: no published translation is held for this verse.
रूक्षवर्णाश् च जलदा दृश्यन्ते ऽद्भुतदर्शनाः निःसरन्ति च कोशेभ्यः शस्त्राणि विविधानि च
rūkṣavarṇāś ca jaladā dṛśyante 'dbhutadarśanāḥ niḥsaranti ca kośebhyaḥ śastrāṇi vividhāni ca
Sanskrit only: no published translation is held for this verse.
शिवाश् च विनदन्त्य् एता दीप्तायां दिशि दारुणाः हयाश् चाश्रूणि मुञ्चन्ति ध्वजाः कम्पन्त्य् अकम्पिताः
śivāś ca vinadanty etā dīptāyāṃ diśi dāruṇāḥ hayāś cāśrūṇi muñcanti dhvajāḥ kampanty akampitāḥ
Sanskrit only: no published translation is held for this verse.
यादृशान्य् अत्र रूपाणि संदृश्यन्ते बहून्य् अपि यत्ता भवन्तस् तिष्ठन्तु स्याद् युद्धं समुपस्थितम्
yādṛśāny atra rūpāṇi saṃdṛśyante bahūny api yattā bhavantas tiṣṭhantu syād yuddhaṃ samupasthitam
Sanskrit only: no published translation is held for this verse.
रक्षध्वम् अपि चात्मानं व्यूहध्वं वाहिनीम् अपि वैशसं च प्रतीक्षध्वं रक्षध्वं चापि गोधनम्
rakṣadhvam api cātmānaṃ vyūhadhvaṃ vāhinīm api vaiśasaṃ ca pratīkṣadhvaṃ rakṣadhvaṃ cāpi godhanam
Sanskrit only: no published translation is held for this verse.
एष वीरो महेष्वासः सर्वशस्त्रभृतां वरः आगतः क्लीबवेषेण पार्थो नास्त्य् अत्र संशयः
eṣa vīro maheṣvāsaḥ sarvaśastrabhṛtāṃ varaḥ āgataḥ klībaveṣeṇa pārtho nāsty atra saṃśayaḥ
Sanskrit only: no published translation is held for this verse.
स एष पार्थो विक्रान्तः सव्यसाची परंतपः नायुद्धेन निवर्तेत सर्वैर् अपि मरुद्गणैः
sa eṣa pārtho vikrāntaḥ savyasācī paraṃtapaḥ nāyuddhena nivarteta sarvair api marudgaṇaiḥ
Sanskrit only: no published translation is held for this verse.
क्लेशितश् च वने शूरो वासवेन च शिक्षितः अमर्षवशम् आपन्नो योत्स्यते नात्र संशयः
kleśitaś ca vane śūro vāsavena ca śikṣitaḥ amarṣavaśam āpanno yotsyate nātra saṃśayaḥ
Sanskrit only: no published translation is held for this verse.
नेहास्य प्रतियोद्धारम् अहं पश्यामि कौरवाः महादेवो ऽपि पार्थेन श्रूयते युधि तोषितः
nehāsya pratiyoddhāram ahaṃ paśyāmi kauravāḥ mahādevo 'pi pārthena śrūyate yudhi toṣitaḥ
Sanskrit only: no published translation is held for this verse.
कर्ण उवाच सदा भवान् फल्गुनस्य गुणैर् अस्मान् विकत्थसे न चार्जुनः कला पूर्णा मम दुर्योधनस्य वा
karṇa uvāca sadā bhavān phalgunasya guṇair asmān vikatthase na cārjunaḥ kalā pūrṇā mama duryodhanasya vā
Sanskrit only: no published translation is held for this verse.
दुर्योधन उवाच यद्य् एष पार्थो राधेय कृतं कार्यं भवेन् मम ज्ञाताः पुनश् चरिष्यन्ति द्वादशान्यान् हि वत्सरान्
duryodhana uvāca yady eṣa pārtho rādheya kṛtaṃ kāryaṃ bhaven mama jñātāḥ punaś cariṣyanti dvādaśānyān hi vatsarān
Sanskrit only: no published translation is held for this verse.
अथैष कश् चिद् एवान्यः क्लीबवेषेण मानवः शरैर् एनं सुनिशितैः पातयिष्यामि भूतले
athaiṣa kaś cid evānyaḥ klībaveṣeṇa mānavaḥ śarair enaṃ suniśitaiḥ pātayiṣyāmi bhūtale
Sanskrit only: no published translation is held for this verse.
वैशंपायन उवाच तस्मिन् ब्रुवति तद् वाक्यं धार्तराष्ट्रे परंतपे भीष्मो द्रोणः कृपो द्रौणिः पौरुषं तद् अपूजयन्
vaiśaṃpāyana uvāca tasmin bruvati tad vākyaṃ dhārtarāṣṭre paraṃtape bhīṣmo droṇaḥ kṛpo drauṇiḥ pauruṣaṃ tad apūjayan
Sanskrit only: no published translation is held for this verse.