Mahābhārata (critical edition) 4.54

वैशंपायन उवाच तं पार्थः प्रतिजग्राह वायुवेगम् इवोद्धतम् शरजालेन महता वर्षमाणम् इवाम्बुदम्

vaiśaṃpāyana uvāca taṃ pārthaḥ pratijagrāha vāyuvegam ivoddhatam śarajālena mahatā varṣamāṇam ivāmbudam

Sanskrit only: no published translation is held for this verse.

तयोर् देवासुरसमः संनिपातो महान् अभूत् किरतोः शरजालानि वृत्रवासवयोर् इव

tayor devāsurasamaḥ saṃnipāto mahān abhūt kiratoḥ śarajālāni vṛtravāsavayor iva

Sanskrit only: no published translation is held for this verse.

न स्म सूर्यस् तदा भाति न च वाति समीरणः शरगाढे कृते व्योम्नि छायाभूते समन्ततः

na sma sūryas tadā bhāti na ca vāti samīraṇaḥ śaragāḍhe kṛte vyomni chāyābhūte samantataḥ

Sanskrit only: no published translation is held for this verse.

महांश् चटचटाशब्दो योधयोर् हन्यमानयोः दह्यताम् इव वेणूनाम् आसीत् परपुरंजय

mahāṃś caṭacaṭāśabdo yodhayor hanyamānayoḥ dahyatām iva veṇūnām āsīt parapuraṃjaya

Sanskrit only: no published translation is held for this verse.

हयान् अस्यार्जुनः सर्वान् कृतवान् अल्पजीवितान् स राजन् न प्रजानाति दिशं कां चन मोहितः

hayān asyārjunaḥ sarvān kṛtavān alpajīvitān sa rājan na prajānāti diśaṃ kāṃ cana mohitaḥ

Sanskrit only: no published translation is held for this verse.

ततो द्रौणिर् महावीर्यः पार्थस्य विचरिष्यतः विवरं सूक्ष्मम् आलोक्य ज्यां चिच्छेद क्षुरेण ह तद् अस्यापूजयन् देवाः कर्म दृष्ट्वातिमानुषम्

tato drauṇir mahāvīryaḥ pārthasya vicariṣyataḥ vivaraṃ sūkṣmam ālokya jyāṃ ciccheda kṣureṇa ha tad asyāpūjayan devāḥ karma dṛṣṭvātimānuṣam

Sanskrit only: no published translation is held for this verse.

ततो द्रौणिर् धनूंष्य् अष्टौ व्यपक्रम्य नरर्षभम् पुनर् अभ्याहनत् पार्थं हृदये कङ्कपत्रिभिः

tato drauṇir dhanūṃṣy aṣṭau vyapakramya nararṣabham punar abhyāhanat pārthaṃ hṛdaye kaṅkapatribhiḥ

Sanskrit only: no published translation is held for this verse.

ततः पार्थो महाबाहुः प्रहस्य स्वनवत् तदा योजयाम् आस नवया मौर्व्या गाण्डीवम् ओजसा

tataḥ pārtho mahābāhuḥ prahasya svanavat tadā yojayām āsa navayā maurvyā gāṇḍīvam ojasā

Sanskrit only: no published translation is held for this verse.

ततो ऽर्धचन्द्रम् आवृत्य तेन पार्थः समागमत् वारणेनेव मत्तेन मत्तो वारणयूथपः

tato 'rdhacandram āvṛtya tena pārthaḥ samāgamat vāraṇeneva mattena matto vāraṇayūthapaḥ

Sanskrit only: no published translation is held for this verse.

ततः प्रववृते युद्धं पृथिव्याम् एकवीरयोः रणमध्ये द्वयोर् एव सुमहल् लोमहर्षणम्

tataḥ pravavṛte yuddhaṃ pṛthivyām ekavīrayoḥ raṇamadhye dvayor eva sumahal lomaharṣaṇam

Sanskrit only: no published translation is held for this verse.

तौ वीरौ कुरवः सर्वे ददृशुर् विस्मयान्विताः युध्यमानौ महात्मानौ यूथपाव् इव संगतौ

tau vīrau kuravaḥ sarve dadṛśur vismayānvitāḥ yudhyamānau mahātmānau yūthapāv iva saṃgatau

Sanskrit only: no published translation is held for this verse.

तौ समाजघ्नतुर् वीराव् अन्योन्यं पुरुषर्षभौ शरैर् आशीविषाकारैर् ज्वलद्भिर् इव पन्नगैः

tau samājaghnatur vīrāv anyonyaṃ puruṣarṣabhau śarair āśīviṣākārair jvaladbhir iva pannagaiḥ

Sanskrit only: no published translation is held for this verse.

अक्षय्याव् इषुधी दिव्यौ पाण्डवस्य महात्मनः तेन पार्थो रणे शूरस् तस्थौ गिरिर् इवाचलः

akṣayyāv iṣudhī divyau pāṇḍavasya mahātmanaḥ tena pārtho raṇe śūras tasthau girir ivācalaḥ

Sanskrit only: no published translation is held for this verse.

अश्वत्थाम्नः पुनर् बाणाः क्षिप्रम् अभ्यस्यतो रणे जग्मुः परिक्षयं शीघ्रम् अभूत् तेनाधिको ऽर्जुनः

aśvatthāmnaḥ punar bāṇāḥ kṣipram abhyasyato raṇe jagmuḥ parikṣayaṃ śīghram abhūt tenādhiko 'rjunaḥ

Sanskrit only: no published translation is held for this verse.

ततः कर्णो महच् चापं विकृष्याभ्यधिकं रुषा अवाक्षिपत् ततः शब्दो हाहाकारो महान् अभूत्

tataḥ karṇo mahac cāpaṃ vikṛṣyābhyadhikaṃ ruṣā avākṣipat tataḥ śabdo hāhākāro mahān abhūt

Sanskrit only: no published translation is held for this verse.

तत्र चक्षुर् दधे पार्थो यत्र विस्फार्यते धनुः ददर्श तत्र राधेयं तस्य कोपो ऽत्यवीवृधत्

tatra cakṣur dadhe pārtho yatra visphāryate dhanuḥ dadarśa tatra rādheyaṃ tasya kopo 'tyavīvṛdhat

Sanskrit only: no published translation is held for this verse.

स रोषवशम् आपन्नः कर्णम् एव जिघांसया अवैक्षत विवृत्ताभ्यां नेत्राभ्यां कुरुपुंगवः

sa roṣavaśam āpannaḥ karṇam eva jighāṃsayā avaikṣata vivṛttābhyāṃ netrābhyāṃ kurupuṃgavaḥ

Sanskrit only: no published translation is held for this verse.

तथा तु विमुखे पार्थे द्रोणपुत्रस्य सायकान् त्वरिताः पुरुषा राजन्न् उपाजह्रुः सहस्रशः

tathā tu vimukhe pārthe droṇaputrasya sāyakān tvaritāḥ puruṣā rājann upājahruḥ sahasraśaḥ

Sanskrit only: no published translation is held for this verse.

उत्सृज्य च महाबाहुर् द्रोणपुत्रं धनंजयः अभिदुद्राव सहसा कर्णम् एव सपत्नजित्

utsṛjya ca mahābāhur droṇaputraṃ dhanaṃjayaḥ abhidudrāva sahasā karṇam eva sapatnajit

Sanskrit only: no published translation is held for this verse.

तम् अभिद्रुत्य कौन्तेयः क्रोधसंरक्तलोचनः कामयन् द्वैरथे युद्धम् इदं वचनम् अब्रवीत्

tam abhidrutya kaunteyaḥ krodhasaṃraktalocanaḥ kāmayan dvairathe yuddham idaṃ vacanam abravīt

Sanskrit only: no published translation is held for this verse.