Library·Mahābhārata (critical edition)·4·4.55
अर्जुन उवाच कर्ण यत् ते सभामध्ये बहु वाचा विकत्थितम् न मे युधि समो ऽस्तीति तद् इदं प्रत्युपस्थितम्
arjuna uvāca karṇa yat te sabhāmadhye bahu vācā vikatthitam na me yudhi samo 'stīti tad idaṃ pratyupasthitam
Sanskrit only: no published translation is held for this verse.
अवोचः परुषा वाचो धर्मम् उत्सृज्य केवलम् इदं तु दुष्करं मन्ये यद् इदं ते चिकीर्षितम्
avocaḥ paruṣā vāco dharmam utsṛjya kevalam idaṃ tu duṣkaraṃ manye yad idaṃ te cikīrṣitam
Sanskrit only: no published translation is held for this verse.
यत् त्वया कथितं पूर्वं माम् अनासाद्य किं चन तद् अद्य कुरु राधेय कुरुमध्ये मया सह
yat tvayā kathitaṃ pūrvaṃ mām anāsādya kiṃ cana tad adya kuru rādheya kurumadhye mayā saha
Sanskrit only: no published translation is held for this verse.
यत् सभायां स्म पाञ्चालीं क्लिश्यमानां दुरात्मभिः दृष्टवान् असि तस्याद्य फलम् आप्नुहि केवलम्
yat sabhāyāṃ sma pāñcālīṃ kliśyamānāṃ durātmabhiḥ dṛṣṭavān asi tasyādya phalam āpnuhi kevalam
Sanskrit only: no published translation is held for this verse.
धर्मपाशनिबद्धेन यन् मया मर्षितं पुरा तस्य राधेय कोपस्य विजयं पश्य मे मृधे
dharmapāśanibaddhena yan mayā marṣitaṃ purā tasya rādheya kopasya vijayaṃ paśya me mṛdhe
Sanskrit only: no published translation is held for this verse.
एहि कर्ण मया सार्धं प्रतिपद्यस्व संगरम् प्रेक्षकाः कुरवः सर्वे भवन्तु सहसैनिकाः
ehi karṇa mayā sārdhaṃ pratipadyasva saṃgaram prekṣakāḥ kuravaḥ sarve bhavantu sahasainikāḥ
Sanskrit only: no published translation is held for this verse.
कर्ण उवाच ब्रवीषि वाचा यत् पार्थ कर्मणा तत् समाचर अतिशेते हि वै वाचं कर्मेति प्रथितं भुवि
karṇa uvāca bravīṣi vācā yat pārtha karmaṇā tat samācara atiśete hi vai vācaṃ karmeti prathitaṃ bhuvi
Sanskrit only: no published translation is held for this verse.
यत् त्वया मर्षितं पूर्वं तद् अशक्तेन मर्षितम् इति गृह्णामि तत् पार्थ तव दृष्ट्वापराक्रमम्
yat tvayā marṣitaṃ pūrvaṃ tad aśaktena marṣitam iti gṛhṇāmi tat pārtha tava dṛṣṭvāparākramam
Sanskrit only: no published translation is held for this verse.
धर्मपाशनिबद्धेन यदि ते मर्षितं पुरा तथैव बद्धम् आत्मानम् अबद्धम् इव मन्यसे
dharmapāśanibaddhena yadi te marṣitaṃ purā tathaiva baddham ātmānam abaddham iva manyase
Sanskrit only: no published translation is held for this verse.
यदि तावद् वने वासो यथोक्तश् चरितस् त्वया तत् त्वं धर्मार्थवित् क्लिष्टः समयं भेत्तुम् इच्छसि
yadi tāvad vane vāso yathoktaś caritas tvayā tat tvaṃ dharmārthavit kliṣṭaḥ samayaṃ bhettum icchasi
Sanskrit only: no published translation is held for this verse.
यदि शक्रः स्वयं पार्थ युध्यते तव कारणात् तथापि न व्यथा का चिन् मम स्याद् विक्रमिष्यतः
yadi śakraḥ svayaṃ pārtha yudhyate tava kāraṇāt tathāpi na vyathā kā cin mama syād vikramiṣyataḥ
Sanskrit only: no published translation is held for this verse.
अयं कौन्तेय कामस् ते नचिरात् समुपस्थितः योत्स्यसे त्वं मया सार्धम् अद्य द्रक्ष्यसि मे बलम्
ayaṃ kaunteya kāmas te nacirāt samupasthitaḥ yotsyase tvaṃ mayā sārdham adya drakṣyasi me balam
Sanskrit only: no published translation is held for this verse.
अर्जुन उवाच इदानीम् एव तावत् त्वम् अपयातो रणान् मम तेन जीवसि राधेय निहतस् त्व् अनुजस् तव
arjuna uvāca idānīm eva tāvat tvam apayāto raṇān mama tena jīvasi rādheya nihatas tv anujas tava
Sanskrit only: no published translation is held for this verse.
भ्रातरं घातयित्वा च त्यक्त्वा रणशिरश् च कः त्वद् अन्यः पुरुषः सत्सु ब्रूयाद् एवं व्यवस्थितः
bhrātaraṃ ghātayitvā ca tyaktvā raṇaśiraś ca kaḥ tvad anyaḥ puruṣaḥ satsu brūyād evaṃ vyavasthitaḥ
Sanskrit only: no published translation is held for this verse.
वैशंपायन उवाच इति कर्णं ब्रुवन्न् एव बीभत्सुर् अपराजितः अभ्ययाद् विसृजन् बाणान् कायावरणभेदिनः
vaiśaṃpāyana uvāca iti karṇaṃ bruvann eva bībhatsur aparājitaḥ abhyayād visṛjan bāṇān kāyāvaraṇabhedinaḥ
Sanskrit only: no published translation is held for this verse.
प्रतिजग्राह तान् कर्णः शरान् अग्निशिखोपमान् शरवर्षेण महता वर्षमाण इवाम्बुदः
pratijagrāha tān karṇaḥ śarān agniśikhopamān śaravarṣeṇa mahatā varṣamāṇa ivāmbudaḥ
Sanskrit only: no published translation is held for this verse.
उत्पेतुः शरजालानि घोररूपाणि सर्वशः अविध्यद् अश्वान् बाह्वोश् च हस्तावापं पृथक् पृथक्
utpetuḥ śarajālāni ghorarūpāṇi sarvaśaḥ avidhyad aśvān bāhvoś ca hastāvāpaṃ pṛthak pṛthak
Sanskrit only: no published translation is held for this verse.
सो ऽमृष्यमाणः कर्णस्य निषङ्गस्यावलम्बनम् चिच्छेद निशिताग्रेण शरेण नतपर्वणा
so 'mṛṣyamāṇaḥ karṇasya niṣaṅgasyāvalambanam ciccheda niśitāgreṇa śareṇa nataparvaṇā
Sanskrit only: no published translation is held for this verse.
उपासङ्गाद् उपादाय कर्णो बाणान् अथापरान् विव्याध पाण्डवं हस्ते तस्य मुष्टिर् अशीर्यत
upāsaṅgād upādāya karṇo bāṇān athāparān vivyādha pāṇḍavaṃ haste tasya muṣṭir aśīryata
Sanskrit only: no published translation is held for this verse.
ततः पार्थो महाबाहुः कर्णस्य धनुर् अच्छिनत् स शक्तिं प्राहिणोत् तस्मै तां पार्थो व्यधमच् छरैः
tataḥ pārtho mahābāhuḥ karṇasya dhanur acchinat sa śaktiṃ prāhiṇot tasmai tāṃ pārtho vyadhamac charaiḥ
Sanskrit only: no published translation is held for this verse.
ततो ऽभिपेतुर् बहवो राधेयस्य पदानुगाः तांश् च गाण्डीवनिर्मुक्तैः प्राहिणोद् यमसादनम्
tato 'bhipetur bahavo rādheyasya padānugāḥ tāṃś ca gāṇḍīvanirmuktaiḥ prāhiṇod yamasādanam
Sanskrit only: no published translation is held for this verse.
ततो ऽस्याश्वाञ् शरैस् तीक्ष्णैर् बीभत्सुर् भारसाधनैः आकर्णमुक्तैर् अभ्यघ्नंस् ते हताः प्रापतन् भुवि
tato 'syāśvāñ śarais tīkṣṇair bībhatsur bhārasādhanaiḥ ākarṇamuktair abhyaghnaṃs te hatāḥ prāpatan bhuvi
Sanskrit only: no published translation is held for this verse.
अथापरेण बाणेन ज्वलितेन महाभुजः विव्याध कर्णं कौन्तेयस् तीक्ष्णेनोरसि वीर्यवान्
athāpareṇa bāṇena jvalitena mahābhujaḥ vivyādha karṇaṃ kaunteyas tīkṣṇenorasi vīryavān
Sanskrit only: no published translation is held for this verse.
तस्य भित्त्वा तनुत्राणं कायम् अभ्यपतच् छरः ततः स तमसाविष्टो न स्म किं चित् प्रजज्ञिवान्
tasya bhittvā tanutrāṇaṃ kāyam abhyapatac charaḥ tataḥ sa tamasāviṣṭo na sma kiṃ cit prajajñivān
Sanskrit only: no published translation is held for this verse.
स गाढवेदनो हित्वा रणं प्रायाद् उदङ्मुखः ततो ऽर्जुन उपाक्रोशद् उत्तरश् च महारथः
sa gāḍhavedano hitvā raṇaṃ prāyād udaṅmukhaḥ tato 'rjuna upākrośad uttaraś ca mahārathaḥ
Sanskrit only: no published translation is held for this verse.