Mahābhārata (critical edition) 4.58

वैशंपायन उवाच अथ दुर्योधनः कर्णो दुःशासनविविंशती द्रोणश् च सह पुत्रेण कृपश् चातिरथो रणे

vaiśaṃpāyana uvāca atha duryodhanaḥ karṇo duḥśāsanaviviṃśatī droṇaś ca saha putreṇa kṛpaś cātiratho raṇe

Sanskrit only: no published translation is held for this verse.

पुनर् ईयुः सुसंरब्धा धनंजयजिघांसया विस्फारयन्तश् चापानि बलवन्ति दृढानि च

punar īyuḥ susaṃrabdhā dhanaṃjayajighāṃsayā visphārayantaś cāpāni balavanti dṛḍhāni ca

Sanskrit only: no published translation is held for this verse.

तान् प्रकीर्णपताकेन रथेनादित्यवर्चसा प्रत्युद्ययौ महाराज समस्तान् वानरध्वजः

tān prakīrṇapatākena rathenādityavarcasā pratyudyayau mahārāja samastān vānaradhvajaḥ

Sanskrit only: no published translation is held for this verse.

ततः कृपश् च कर्णश् च द्रोणश् च रथिनां वरः तं महास्त्रैर् महावीर्यं परिवार्य धनंजयम्

tataḥ kṛpaś ca karṇaś ca droṇaś ca rathināṃ varaḥ taṃ mahāstrair mahāvīryaṃ parivārya dhanaṃjayam

Sanskrit only: no published translation is held for this verse.

शरौघान् सम्यग् अस्यन्तो जीमूता इव वार्षिकाः ववर्षुः शरवर्षाणि प्रपतन्तं किरीटिनम्

śaraughān samyag asyanto jīmūtā iva vārṣikāḥ vavarṣuḥ śaravarṣāṇi prapatantaṃ kirīṭinam

Sanskrit only: no published translation is held for this verse.

इषुभिर् बहुभिस् तूर्णं समरे लोमवाहिभिः अदूरात् पर्यवस्थाय पूरयाम् आसुर् आदृताः

iṣubhir bahubhis tūrṇaṃ samare lomavāhibhiḥ adūrāt paryavasthāya pūrayām āsur ādṛtāḥ

Sanskrit only: no published translation is held for this verse.

तथावकीर्णस्य हि तैर् दिव्यैर् अस्त्रैः समन्ततः न तस्य द्व्यङ्गुलम् अपि विवृतं समदृश्यत

tathāvakīrṇasya hi tair divyair astraiḥ samantataḥ na tasya dvyaṅgulam api vivṛtaṃ samadṛśyata

Sanskrit only: no published translation is held for this verse.

ततः प्रहस्य बीभत्सुर् दिव्यम् ऐन्द्रं महारथः अस्त्रम् आदित्यसंकाशं गाण्डीवे समयोजयत्

tataḥ prahasya bībhatsur divyam aindraṃ mahārathaḥ astram ādityasaṃkāśaṃ gāṇḍīve samayojayat

Sanskrit only: no published translation is held for this verse.

स रश्मिभिर् इवादित्यः प्रतपन् समरे बली किरीटमाली कौन्तेयः सर्वान् प्राच्छादयत् कुरून्

sa raśmibhir ivādityaḥ pratapan samare balī kirīṭamālī kaunteyaḥ sarvān prācchādayat kurūn

Sanskrit only: no published translation is held for this verse.

यथा बलाहके विद्युत् पावको वा शिलोच्चये तथा गाण्डीवम् अभवद् इन्द्रायुधम् इवाततम्

yathā balāhake vidyut pāvako vā śiloccaye tathā gāṇḍīvam abhavad indrāyudham ivātatam

Sanskrit only: no published translation is held for this verse.

यथा वर्षति पर्जन्ये विद्युद् विभ्राजते दिवि तथा दश दिशः सर्वाः पतद् गाण्डीवम् आवृणोत्

yathā varṣati parjanye vidyud vibhrājate divi tathā daśa diśaḥ sarvāḥ patad gāṇḍīvam āvṛṇot

Sanskrit only: no published translation is held for this verse.

त्रस्ताश् च रथिनः सर्वे बभूवुस् तत्र सर्वशः सर्वे शान्तिपरा भूत्वा स्वचित्तानि न लेभिरे संग्रामविमुखाः सर्वे योधास् ते हतचेतसः

trastāś ca rathinaḥ sarve babhūvus tatra sarvaśaḥ sarve śāntiparā bhūtvā svacittāni na lebhire saṃgrāmavimukhāḥ sarve yodhās te hatacetasaḥ

Sanskrit only: no published translation is held for this verse.

एवं सर्वाणि सैन्यानि भग्नानि भरतर्षभ प्राद्रवन्त दिशः सर्वा निराशानि स्वजीविते

evaṃ sarvāṇi sainyāni bhagnāni bharatarṣabha prādravanta diśaḥ sarvā nirāśāni svajīvite

Sanskrit only: no published translation is held for this verse.