Mahābhārata (critical edition) 4.7

वैशंपायन उवाच अथापरो भीमबलः श्रिया ज्वलन्न्; उपाययौ सिंहविलासविक्रमः खजं च दर्वीं च करेण धारयन्न्; असिं च कालाङ्गम् अकोशम् अव्रणम्

vaiśaṃpāyana uvāca athāparo bhīmabalaḥ śriyā jvalann; upāyayau siṃhavilāsavikramaḥ khajaṃ ca darvīṃ ca kareṇa dhārayann; asiṃ ca kālāṅgam akośam avraṇam

Sanskrit only: no published translation is held for this verse.

स सूदरूपः परमेण वर्चसा; रविर् यथा लोकम् इमं प्रभासयन् सुकृष्णवासा गिरिराजसारवान्; स मत्स्यराजं समुपेत्य तस्थिवान्

sa sūdarūpaḥ parameṇa varcasā; ravir yathā lokam imaṃ prabhāsayan sukṛṣṇavāsā girirājasāravān; sa matsyarājaṃ samupetya tasthivān

Sanskrit only: no published translation is held for this verse.

तं प्रेक्ष्य राजा वरयन्न् उपागतं; ततो ऽब्रवीज् जानपदान् समागतान् सिंहोन्नतांसो ऽयम् अतीव रूपवान्; प्रदृश्यते को नु नरर्षभो युवा

taṃ prekṣya rājā varayann upāgataṃ; tato 'bravīj jānapadān samāgatān siṃhonnatāṃso 'yam atīva rūpavān; pradṛśyate ko nu nararṣabho yuvā

Sanskrit only: no published translation is held for this verse.

अदृष्टपूर्वः पुरुषो रविर् यथा; वितर्कयन् नास्य लभामि संपदम् तथास्य चित्तं ह्य् अपि संवितर्कयन्; नरर्षभस्याद्य न यामि तत्त्वतः

adṛṣṭapūrvaḥ puruṣo ravir yathā; vitarkayan nāsya labhāmi saṃpadam tathāsya cittaṃ hy api saṃvitarkayan; nararṣabhasyādya na yāmi tattvataḥ

Sanskrit only: no published translation is held for this verse.

ततो विराटं समुपेत्य पाण्डवः; सुदीनरूपो वचनं महामनाः उवाच सूदो ऽस्मि नरेन्द्र बल्लवो; भजस्व मां व्यञ्जनकारम् उत्तमम्

tato virāṭaṃ samupetya pāṇḍavaḥ; sudīnarūpo vacanaṃ mahāmanāḥ uvāca sūdo 'smi narendra ballavo; bhajasva māṃ vyañjanakāram uttamam

Sanskrit only: no published translation is held for this verse.

विराट उवाच न सूदतां मानद श्रद्दधामि ते; सहस्रनेत्रप्रतिमो हि दृश्यसे श्रिया च रूपेण च विक्रमेण च; प्रभासि तातानवरो नरेष्व् इह

virāṭa uvāca na sūdatāṃ mānada śraddadhāmi te; sahasranetrapratimo hi dṛśyase śriyā ca rūpeṇa ca vikrameṇa ca; prabhāsi tātānavaro nareṣv iha

Sanskrit only: no published translation is held for this verse.

भीम उवाच नरेन्द्र सूदः परिचारको ऽस्मि ते; जानामि सूपान् प्रथमेन केवलान् आस्वादिता ये नृपते पुराभवन्; युधिष्ठिरेणापि नृपेण सर्वशः

bhīma uvāca narendra sūdaḥ paricārako 'smi te; jānāmi sūpān prathamena kevalān āsvāditā ye nṛpate purābhavan; yudhiṣṭhireṇāpi nṛpeṇa sarvaśaḥ

Sanskrit only: no published translation is held for this verse.

बलेन तुल्यश् च न विद्यते मया; नियुद्धशीलश् च सदैव पार्थिव गजैश् च सिंहैश् च समेयिवान् अहं; सदा करिष्यामि तवानघ प्रियम्

balena tulyaś ca na vidyate mayā; niyuddhaśīlaś ca sadaiva pārthiva gajaiś ca siṃhaiś ca sameyivān ahaṃ; sadā kariṣyāmi tavānagha priyam

Sanskrit only: no published translation is held for this verse.

विराट उवाच ददामि ते हन्त वरं महानसे; तथा च कुर्याः कुशलं हि भाषसे न चैव मन्ये तव कर्म तत् समं; समुद्रनेमिं पृथिवीं त्वम् अर्हसि

virāṭa uvāca dadāmi te hanta varaṃ mahānase; tathā ca kuryāḥ kuśalaṃ hi bhāṣase na caiva manye tava karma tat samaṃ; samudranemiṃ pṛthivīṃ tvam arhasi

Sanskrit only: no published translation is held for this verse.

यथा हि कामस् तव तत् तथा कृतं; महानसे त्वं भव मे पुरस्कृतः नराश् च ये तत्र ममोचिताः पुरा; भवस्व तेषाम् अधिपो मया कृतः

yathā hi kāmas tava tat tathā kṛtaṃ; mahānase tvaṃ bhava me puraskṛtaḥ narāś ca ye tatra mamocitāḥ purā; bhavasva teṣām adhipo mayā kṛtaḥ

Sanskrit only: no published translation is held for this verse.

वैशंपायन उवाच तथा स भीमो विहितो महानसे; विराटराज्ञो दयितो ऽभवद् दृढम् उवास राजन् न च तं पृथग्जनो; बुबोध तत्रानुचरश् च कश् चन

vaiśaṃpāyana uvāca tathā sa bhīmo vihito mahānase; virāṭarājño dayito 'bhavad dṛḍham uvāsa rājan na ca taṃ pṛthagjano; bubodha tatrānucaraś ca kaś cana

Sanskrit only: no published translation is held for this verse.