Mahābhārata (critical edition) 5.108

सुपर्ण उवाच इयं दिग् दयिता राज्ञो वरुणस्य तु गोपतेः सदा सलिलराजस्य प्रतिष्ठा चादिर् एव च

suparṇa uvāca iyaṃ dig dayitā rājño varuṇasya tu gopateḥ sadā salilarājasya pratiṣṭhā cādir eva ca

Sanskrit only: no published translation is held for this verse.

अत्र पश्चाद् अहः सूर्यो विसर्जयति भाः स्वयम् पश्चिमेत्य् अभिविख्याता दिग् इयं द्विजसत्तम

atra paścād ahaḥ sūryo visarjayati bhāḥ svayam paścimety abhivikhyātā dig iyaṃ dvijasattama

Sanskrit only: no published translation is held for this verse.

यादसाम् अत्र राज्येन सलिलस्य च गुप्तये कश्यपो भगवान् देवो वरुणं स्माभ्यषेचयत्

yādasām atra rājyena salilasya ca guptaye kaśyapo bhagavān devo varuṇaṃ smābhyaṣecayat

Sanskrit only: no published translation is held for this verse.

अत्र पीत्वा समस्तान् वै वरुणस्य रसांस् तु षट् जायते तरुणः सोमः शुक्लस्यादौ तमिस्रहा

atra pītvā samastān vai varuṇasya rasāṃs tu ṣaṭ jāyate taruṇaḥ somaḥ śuklasyādau tamisrahā

Sanskrit only: no published translation is held for this verse.

अत्र पश्चात् कृता दैत्या वायुना संयतास् तदा निःश्वसन्तो महानागैर् अर्दिताः सुषुपुर् द्विज

atra paścāt kṛtā daityā vāyunā saṃyatās tadā niḥśvasanto mahānāgair arditāḥ suṣupur dvija

Sanskrit only: no published translation is held for this verse.

अत्र सूर्यं प्रणयिनं प्रतिगृह्णाति पर्वतः अस्तो नाम यतः संध्या पश्चिमा प्रतिसर्पति

atra sūryaṃ praṇayinaṃ pratigṛhṇāti parvataḥ asto nāma yataḥ saṃdhyā paścimā pratisarpati

Sanskrit only: no published translation is held for this verse.

अतो रात्रिश् च निद्रा च निर्गता दिवसक्षये जायते जीवलोकस्य हर्तुम् अर्धम् इवायुषः

ato rātriś ca nidrā ca nirgatā divasakṣaye jāyate jīvalokasya hartum ardham ivāyuṣaḥ

Sanskrit only: no published translation is held for this verse.

अत्र देवीं दितिं सुप्ताम् आत्मप्रसवधारिणीम् विगर्भाम् अकरोच् छक्रो यत्र जातो मरुद्गणः

atra devīṃ ditiṃ suptām ātmaprasavadhāriṇīm vigarbhām akaroc chakro yatra jāto marudgaṇaḥ

Sanskrit only: no published translation is held for this verse.

अत्र मूलं हिमवतो मन्दरं याति शाश्वतम् अपि वर्षसहस्रेण न चास्यान्तो ऽधिगम्यते

atra mūlaṃ himavato mandaraṃ yāti śāśvatam api varṣasahasreṇa na cāsyānto 'dhigamyate

Sanskrit only: no published translation is held for this verse.

अत्र काञ्चनशैलस्य काञ्चनाम्बुवहस्य च उदधेस् तीरम् आसाद्य सुरभिः क्षरते पयः

atra kāñcanaśailasya kāñcanāmbuvahasya ca udadhes tīram āsādya surabhiḥ kṣarate payaḥ

Sanskrit only: no published translation is held for this verse.

अत्र मध्ये समुद्रस्य कबन्धः प्रतिदृश्यते स्वर्भानोः सूर्यकल्पस्य सोमसूर्यौ जिघांसतः

atra madhye samudrasya kabandhaḥ pratidṛśyate svarbhānoḥ sūryakalpasya somasūryau jighāṃsataḥ

Sanskrit only: no published translation is held for this verse.

सुवर्णशिरसो ऽप्य् अत्र हरिरोम्णः प्रगायतः अदृश्यस्याप्रमेयस्य श्रूयते विपुलो ध्वनिः

suvarṇaśiraso 'py atra hariromṇaḥ pragāyataḥ adṛśyasyāprameyasya śrūyate vipulo dhvaniḥ

Sanskrit only: no published translation is held for this verse.

अत्र ध्वजवती नाम कुमारी हरिमेधसः आकाशे तिष्ठ तिष्ठेति तस्थौ सूर्यस्य शासनात्

atra dhvajavatī nāma kumārī harimedhasaḥ ākāśe tiṣṭha tiṣṭheti tasthau sūryasya śāsanāt

Sanskrit only: no published translation is held for this verse.

अत्र वायुस् तथा वह्निर् आपः खं चैव गालव आह्निकं चैव नैशं च दुःखस्पर्शं विमुञ्चति अतः प्रभृति सूर्यस्य तिर्यग् आवर्तते गतिः

atra vāyus tathā vahnir āpaḥ khaṃ caiva gālava āhnikaṃ caiva naiśaṃ ca duḥkhasparśaṃ vimuñcati ataḥ prabhṛti sūryasya tiryag āvartate gatiḥ

Sanskrit only: no published translation is held for this verse.

अत्र ज्योतींषि सर्वाणि विशन्त्य् आदित्यमण्डलम् अष्टाविंशतिरात्रं च चङ्क्रम्य सह भानुना निष्पतन्ति पुनः सूर्यात् सोमसंयोगयोगतः

atra jyotīṃṣi sarvāṇi viśanty ādityamaṇḍalam aṣṭāviṃśatirātraṃ ca caṅkramya saha bhānunā niṣpatanti punaḥ sūryāt somasaṃyogayogataḥ

Sanskrit only: no published translation is held for this verse.

अत्र नित्यं स्रवन्तीनां प्रभवः सागरोदयः अत्र लोकत्रयस्यापस् तिष्ठन्ति वरुणाश्रयाः

atra nityaṃ sravantīnāṃ prabhavaḥ sāgarodayaḥ atra lokatrayasyāpas tiṣṭhanti varuṇāśrayāḥ

Sanskrit only: no published translation is held for this verse.

अत्र पन्नगराजस्याप्य् अनन्तस्य निवेशनम् अनादिनिधनस्यात्र विष्णोः स्थानम् अनुत्तमम्

atra pannagarājasyāpy anantasya niveśanam anādinidhanasyātra viṣṇoḥ sthānam anuttamam

Sanskrit only: no published translation is held for this verse.

अत्रानलसखस्यापि पवनस्य निवेशनम् महर्षेः कश्यपस्यात्र मारीचस्य निवेशनम्

atrānalasakhasyāpi pavanasya niveśanam maharṣeḥ kaśyapasyātra mārīcasya niveśanam

Sanskrit only: no published translation is held for this verse.

एष ते पश्चिमो मार्गो दिग्द्वारेण प्रकीर्तितः ब्रूहि गालव गच्छावो बुद्धिः का द्विजसत्तम

eṣa te paścimo mārgo digdvāreṇa prakīrtitaḥ brūhi gālava gacchāvo buddhiḥ kā dvijasattama

Sanskrit only: no published translation is held for this verse.