Library·Mahābhārata (critical edition)·5·5.111
नारद उवाच ऋषभस्य ततः शृङ्गे निपत्य द्विजपक्षिणौ शाण्डिलीं ब्राह्मणीं तत्र ददृशाते तपोन्विताम्
nārada uvāca ṛṣabhasya tataḥ śṛṅge nipatya dvijapakṣiṇau śāṇḍilīṃ brāhmaṇīṃ tatra dadṛśāte taponvitām
Sanskrit only: no published translation is held for this verse.
अभिवाद्य सुपर्णस् तु गालवश् चाभिपूज्य ताम् तया च स्वागतेनोक्तौ विष्टरे संनिषीदतुः
abhivādya suparṇas tu gālavaś cābhipūjya tām tayā ca svāgatenoktau viṣṭare saṃniṣīdatuḥ
Sanskrit only: no published translation is held for this verse.
सिद्धम् अन्नं तया क्षिप्रं बलिमन्त्रोपबृंहितम् भुक्त्वा तृप्ताव् उभौ भूमौ सुप्तौ ताव् अन्नमोहितौ
siddham annaṃ tayā kṣipraṃ balimantropabṛṃhitam bhuktvā tṛptāv ubhau bhūmau suptau tāv annamohitau
Sanskrit only: no published translation is held for this verse.
मुहूर्तात् प्रतिबुद्धस् तु सुपर्णो गमनेप्सया अथ भ्रष्टतनूजाङ्गम् आत्मानं ददृशे खगः
muhūrtāt pratibuddhas tu suparṇo gamanepsayā atha bhraṣṭatanūjāṅgam ātmānaṃ dadṛśe khagaḥ
Sanskrit only: no published translation is held for this verse.
मांसपिण्डोपमो ऽभूत् स मुखपादान्वितः खगः गालवस् तं तथा दृष्ट्वा विषण्णः पर्यपृच्छत
māṃsapiṇḍopamo 'bhūt sa mukhapādānvitaḥ khagaḥ gālavas taṃ tathā dṛṣṭvā viṣaṇṇaḥ paryapṛcchata
Sanskrit only: no published translation is held for this verse.
किम् इदं भवता प्राप्तम् इहागमनजं फलम् वासो ऽयम् इह कालं तु कियन्तं नौ भविष्यति
kim idaṃ bhavatā prāptam ihāgamanajaṃ phalam vāso 'yam iha kālaṃ tu kiyantaṃ nau bhaviṣyati
Sanskrit only: no published translation is held for this verse.
किं नु ते मनसा ध्यातम् अशुभं धर्मदूषणम् न ह्य् अयं भवतः स्वल्पो व्यभिचारो भविष्यति
kiṃ nu te manasā dhyātam aśubhaṃ dharmadūṣaṇam na hy ayaṃ bhavataḥ svalpo vyabhicāro bhaviṣyati
Sanskrit only: no published translation is held for this verse.
सुपर्णो ऽथाब्रवीद् विप्रं प्रध्यातं वै मया द्विज इमां सिद्धाम् इतो नेतुं तत्र यत्र प्रजापतिः
suparṇo 'thābravīd vipraṃ pradhyātaṃ vai mayā dvija imāṃ siddhām ito netuṃ tatra yatra prajāpatiḥ
Sanskrit only: no published translation is held for this verse.
यत्र देवो महादेवो यत्र विष्णुः सनातनः यत्र धर्मश् च यज्ञश् च तत्रेयं निवसेद् इति
yatra devo mahādevo yatra viṣṇuḥ sanātanaḥ yatra dharmaś ca yajñaś ca tatreyaṃ nivased iti
Sanskrit only: no published translation is held for this verse.
सो ऽहं भगवतीं याचे प्रणतः प्रियकाम्यया मयैतन् नाम प्रध्यातं मनसा शोचता किल
so 'haṃ bhagavatīṃ yāce praṇataḥ priyakāmyayā mayaitan nāma pradhyātaṃ manasā śocatā kila
Sanskrit only: no published translation is held for this verse.
तद् एवं बहुमानात् ते मयेहानीप्सितं कृतम् सुकृतं दुष्कृतं वा त्वं माहात्म्यात् क्षन्तुम् अर्हसि
tad evaṃ bahumānāt te mayehānīpsitaṃ kṛtam sukṛtaṃ duṣkṛtaṃ vā tvaṃ māhātmyāt kṣantum arhasi
Sanskrit only: no published translation is held for this verse.
सा तौ तदाब्रवीत् तुष्टा पतगेन्द्रद्विजर्षभौ न भेतव्यं सुपर्णो ऽसि सुपर्ण त्यज संभ्रमम्
sā tau tadābravīt tuṣṭā patagendradvijarṣabhau na bhetavyaṃ suparṇo 'si suparṇa tyaja saṃbhramam
Sanskrit only: no published translation is held for this verse.
निन्दितास्मि त्वया वत्स न च निन्दां क्षमाम्य् अहम् लोकेभ्यः स परिभ्रश्येद् यो मां निन्देत पापकृत्
ninditāsmi tvayā vatsa na ca nindāṃ kṣamāmy aham lokebhyaḥ sa paribhraśyed yo māṃ nindeta pāpakṛt
Sanskrit only: no published translation is held for this verse.
हीनयालक्षणैः सर्वैस् तथानिन्दितया मया आचारं प्रतिगृह्णन्त्या सिद्धिः प्राप्तेयम् उत्तमा
hīnayālakṣaṇaiḥ sarvais tathāninditayā mayā ācāraṃ pratigṛhṇantyā siddhiḥ prāpteyam uttamā
Sanskrit only: no published translation is held for this verse.
आचाराल् लभते धर्मम् आचाराल् लभते धनम् आचाराच् छ्रियम् आप्नोति आचारो हन्त्य् अलक्षणम्
ācārāl labhate dharmam ācārāl labhate dhanam ācārāc chriyam āpnoti ācāro hanty alakṣaṇam
Sanskrit only: no published translation is held for this verse.
तदायुष्मन् खगपते यथेष्टं गम्यताम् इतः न च ते गर्हणीयापि गर्हितव्याः स्त्रियः क्व चित्
tadāyuṣman khagapate yatheṣṭaṃ gamyatām itaḥ na ca te garhaṇīyāpi garhitavyāḥ striyaḥ kva cit
Sanskrit only: no published translation is held for this verse.
भवितासि यथापूर्वं बलवीर्यसमन्वितः बभूवतुस् ततस् तस्य पक्षौ द्रविणवत्तरौ
bhavitāsi yathāpūrvaṃ balavīryasamanvitaḥ babhūvatus tatas tasya pakṣau draviṇavattarau
Sanskrit only: no published translation is held for this verse.
अनुज्ञातश् च शाण्डिल्या यथागतम् उपागमत् नैव चासादयाम् आस तथारूपांस् तुरंगमान्
anujñātaś ca śāṇḍilyā yathāgatam upāgamat naiva cāsādayām āsa tathārūpāṃs turaṃgamān
Sanskrit only: no published translation is held for this verse.
विश्वामित्रो ऽथ तं दृष्ट्वा गालवं चाध्वनि स्थितम् उवाच वदतां श्रेष्ठो वैनतेयस्य संनिधौ
viśvāmitro 'tha taṃ dṛṣṭvā gālavaṃ cādhvani sthitam uvāca vadatāṃ śreṣṭho vainateyasya saṃnidhau
Sanskrit only: no published translation is held for this verse.
यस् त्वया स्वयम् एवार्थः प्रतिज्ञातो मम द्विज तस्य कालो ऽपवर्गस्य यथा वा मन्यते भवान्
yas tvayā svayam evārthaḥ pratijñāto mama dvija tasya kālo 'pavargasya yathā vā manyate bhavān
Sanskrit only: no published translation is held for this verse.
प्रतीक्षिष्याम्य् अहं कालम् एतावन्तं तथा परम् यथा संसिध्यते विप्र स मार्गस् तु निशम्यताम्
pratīkṣiṣyāmy ahaṃ kālam etāvantaṃ tathā param yathā saṃsidhyate vipra sa mārgas tu niśamyatām
Sanskrit only: no published translation is held for this verse.
सुपर्णो ऽथाब्रवीद् दीनं गालवं भृशदुःखितम् प्रत्यक्षं खल्व् इदानीं मे विश्वामित्रो यद् उक्तवान्
suparṇo 'thābravīd dīnaṃ gālavaṃ bhṛśaduḥkhitam pratyakṣaṃ khalv idānīṃ me viśvāmitro yad uktavān
Sanskrit only: no published translation is held for this verse.
तद् आगच्छ द्विजश्रेष्ठ मन्त्रयिष्याव गालव नादत्त्वा गुरवे शक्यं कृत्स्नम् अर्थं त्वयासितुम्
tad āgaccha dvijaśreṣṭha mantrayiṣyāva gālava nādattvā gurave śakyaṃ kṛtsnam arthaṃ tvayāsitum
Sanskrit only: no published translation is held for this verse.