Mahābhārata (critical edition) 5.143

कर्ण उवाच राधेयो ऽहम् आधिरथिः कर्णस् त्वाम् अभिवादये प्राप्ता किमर्थं भवती ब्रूहि किं करवाणि ते

karṇa uvāca rādheyo 'ham ādhirathiḥ karṇas tvām abhivādaye prāptā kimarthaṃ bhavatī brūhi kiṃ karavāṇi te

Sanskrit only: no published translation is held for this verse.

कुन्त्य् उवाच कौन्तेयस् त्वं न राधेयो न तवाधिरथः पिता नासि सूतकुले जातः कर्ण तद् विद्धि मे वचः

kunty uvāca kaunteyas tvaṃ na rādheyo na tavādhirathaḥ pitā nāsi sūtakule jātaḥ karṇa tad viddhi me vacaḥ

Sanskrit only: no published translation is held for this verse.

कानीनस् त्वं मया जातः पूर्वजः कुक्षिणा धृतः कुन्तिभोजस्य भवने पार्थस् त्वम् असि पुत्रक

kānīnas tvaṃ mayā jātaḥ pūrvajaḥ kukṣiṇā dhṛtaḥ kuntibhojasya bhavane pārthas tvam asi putraka

Sanskrit only: no published translation is held for this verse.

प्रकाशकर्मा तपनो यो ऽयं देवो विरोचनः अजीजनत् त्वां मय्य् एष कर्ण शस्त्रभृतां वरम्

prakāśakarmā tapano yo 'yaṃ devo virocanaḥ ajījanat tvāṃ mayy eṣa karṇa śastrabhṛtāṃ varam

Sanskrit only: no published translation is held for this verse.

कुण्डली बद्धकवचो देवगर्भः श्रिया वृतः जातस् त्वम् असि दुर्धर्ष मया पुत्र पितुर् गृहे

kuṇḍalī baddhakavaco devagarbhaḥ śriyā vṛtaḥ jātas tvam asi durdharṣa mayā putra pitur gṛhe

Sanskrit only: no published translation is held for this verse.

स त्वं भ्रातॄन् असंबुद्ध्वा मोहाद् यद् उपसेवसे धार्तराष्ट्रान् न तद् युक्तं त्वयि पुत्र विशेषतः

sa tvaṃ bhrātṝn asaṃbuddhvā mohād yad upasevase dhārtarāṣṭrān na tad yuktaṃ tvayi putra viśeṣataḥ

Sanskrit only: no published translation is held for this verse.

एतद् धर्मफलं पुत्र नराणां धर्मनिश्चये यत् तुष्यन्त्य् अस्य पितरो माता चाप्य् एकदर्शिनी

etad dharmaphalaṃ putra narāṇāṃ dharmaniścaye yat tuṣyanty asya pitaro mātā cāpy ekadarśinī

Sanskrit only: no published translation is held for this verse.

अर्जुनेनार्जितां पूर्वं हृतां लोभाद् असाधुभिः आच्छिद्य धार्तराष्ट्रेभ्यो भुङ्क्ष्व यौधिष्ठिरीं श्रियम्

arjunenārjitāṃ pūrvaṃ hṛtāṃ lobhād asādhubhiḥ ācchidya dhārtarāṣṭrebhyo bhuṅkṣva yaudhiṣṭhirīṃ śriyam

Sanskrit only: no published translation is held for this verse.

अद्य पश्यन्तु कुरवः कर्णार्जुनसमागमम् सौभ्रात्रेण तद् आलक्ष्य संनमन्ताम् असाधवः

adya paśyantu kuravaḥ karṇārjunasamāgamam saubhrātreṇa tad ālakṣya saṃnamantām asādhavaḥ

Sanskrit only: no published translation is held for this verse.

कर्णार्जुनौ वै भवतां यथा रामजनार्दनौ असाध्यं किं नु लोके स्याद् युवयोः सहितात्मनोः

karṇārjunau vai bhavatāṃ yathā rāmajanārdanau asādhyaṃ kiṃ nu loke syād yuvayoḥ sahitātmanoḥ

Sanskrit only: no published translation is held for this verse.

कर्ण शोभिष्यसे नूनं पञ्चभिर् भ्रातृभिर् वृतः वेदैः परिवृतो ब्रह्मा यथा वेदाङ्गपञ्चमैः

karṇa śobhiṣyase nūnaṃ pañcabhir bhrātṛbhir vṛtaḥ vedaiḥ parivṛto brahmā yathā vedāṅgapañcamaiḥ

Sanskrit only: no published translation is held for this verse.

उपपन्नो गुणैः श्रेष्ठो ज्येष्ठः श्रेष्ठेषु बन्धुषु सूतपुत्रेति मा शब्दः पार्थस् त्वम् असि वीर्यवान्

upapanno guṇaiḥ śreṣṭho jyeṣṭhaḥ śreṣṭheṣu bandhuṣu sūtaputreti mā śabdaḥ pārthas tvam asi vīryavān

Sanskrit only: no published translation is held for this verse.