Mahābhārata (critical edition) 5.157

संजय उवाच हिरण्वत्यां निविष्टेषु पाण्डवेषु महात्मसु दुर्योधनो महाराज कर्णेन सह भारत

saṃjaya uvāca hiraṇvatyāṃ niviṣṭeṣu pāṇḍaveṣu mahātmasu duryodhano mahārāja karṇena saha bhārata

Sanskrit only: no published translation is held for this verse.

सौबलेन च राजेन्द्र तथा दुःशासनेन च आहूयोपह्वरे राजन्न् उलूकम् इदम् अब्रवीत्

saubalena ca rājendra tathā duḥśāsanena ca āhūyopahvare rājann ulūkam idam abravīt

Sanskrit only: no published translation is held for this verse.

उलूक गच्छ कैतव्य पाण्डवान् सहसोमकान् गत्वा मम वचो ब्रूहि वासुदेवस्य शृण्वतः

ulūka gaccha kaitavya pāṇḍavān sahasomakān gatvā mama vaco brūhi vāsudevasya śṛṇvataḥ

Sanskrit only: no published translation is held for this verse.

इदं तत् समनुप्राप्तं वर्षपूगाभिचिन्तितम् पाण्डवानां कुरूणां च युद्धं लोकभयंकरम्

idaṃ tat samanuprāptaṃ varṣapūgābhicintitam pāṇḍavānāṃ kurūṇāṃ ca yuddhaṃ lokabhayaṃkaram

Sanskrit only: no published translation is held for this verse.

यद् एतत् कत्थनावाक्यं संजयो महद् अब्रवीत् मध्ये कुरूणां कौन्तेय तस्य कालो ऽयम् आगतः यथा वः संप्रतिज्ञातं तत् सर्वं क्रियताम् इति

yad etat katthanāvākyaṃ saṃjayo mahad abravīt madhye kurūṇāṃ kaunteya tasya kālo 'yam āgataḥ yathā vaḥ saṃpratijñātaṃ tat sarvaṃ kriyatām iti

Sanskrit only: no published translation is held for this verse.

अमर्षं राज्यहरणं वनवासं च पाण्डव द्रौपद्याश् च परिक्लेशं संस्मरन् पुरुषो भव

amarṣaṃ rājyaharaṇaṃ vanavāsaṃ ca pāṇḍava draupadyāś ca parikleśaṃ saṃsmaran puruṣo bhava

Sanskrit only: no published translation is held for this verse.

यदर्थं क्षत्रिया सूते गर्भं तद् इदम् आगतम् बलं वीर्यं च शौर्यं च परं चाप्य् अस्त्रलाघवम् पौरुषं दर्शयन् युद्धे कोपस्य कुरु निष्कृतिम्

yadarthaṃ kṣatriyā sūte garbhaṃ tad idam āgatam balaṃ vīryaṃ ca śauryaṃ ca paraṃ cāpy astralāghavam pauruṣaṃ darśayan yuddhe kopasya kuru niṣkṛtim

Sanskrit only: no published translation is held for this verse.

परिक्लिष्टस्य दीनस्य दीर्घकालोषितस्य च न स्फुटेद् धृदयं कस्य ऐश्वर्याद् भ्रंशितस्य च

parikliṣṭasya dīnasya dīrghakāloṣitasya ca na sphuṭed dhṛdayaṃ kasya aiśvaryād bhraṃśitasya ca

Sanskrit only: no published translation is held for this verse.

कुले जातस्य शूरस्य परवित्तेषु गृध्यतः आच्छिन्नं राज्यम् आक्रम्य कोपं कस्य न दीपयेत्

kule jātasya śūrasya paravitteṣu gṛdhyataḥ ācchinnaṃ rājyam ākramya kopaṃ kasya na dīpayet

Sanskrit only: no published translation is held for this verse.

यत् तद् उक्तं महद् वाक्यं कर्मणा तद् विभाव्यताम् अकर्मणा कत्थितेन सन्तः कुपुरुषं विदुः

yat tad uktaṃ mahad vākyaṃ karmaṇā tad vibhāvyatām akarmaṇā katthitena santaḥ kupuruṣaṃ viduḥ

Sanskrit only: no published translation is held for this verse.

अमित्राणां वशे स्थानं राज्यस्य च पुनर्भवः द्वाव् अर्थौ युध्यमानस्य तस्मात् कुरुत पौरुषम्

amitrāṇāṃ vaśe sthānaṃ rājyasya ca punarbhavaḥ dvāv arthau yudhyamānasya tasmāt kuruta pauruṣam

Sanskrit only: no published translation is held for this verse.

अस्मान् वा त्वं पराजित्य प्रशाधि पृथिवीम् इमाम् अथ वा निहतो ऽस्माभिर् वीरलोकं गमिष्यसि

asmān vā tvaṃ parājitya praśādhi pṛthivīm imām atha vā nihato 'smābhir vīralokaṃ gamiṣyasi

Sanskrit only: no published translation is held for this verse.

राष्ट्रात् प्रव्राजनं क्लेशं वनवासं च पाण्डव कृष्णायाश् च परिक्लेशं संस्मरन् पुरुषो भव

rāṣṭrāt pravrājanaṃ kleśaṃ vanavāsaṃ ca pāṇḍava kṛṣṇāyāś ca parikleśaṃ saṃsmaran puruṣo bhava

Sanskrit only: no published translation is held for this verse.

अप्रियाणां च वचने प्रव्रजत्सु पुनः पुनः अमर्षं दर्शयाद्य त्वम् अमर्षो ह्य् एव पौरुषम्

apriyāṇāṃ ca vacane pravrajatsu punaḥ punaḥ amarṣaṃ darśayādya tvam amarṣo hy eva pauruṣam

Sanskrit only: no published translation is held for this verse.

क्रोधो बलं तथा वीर्यं ज्ञानयोगो ऽस्त्रलाघवम् इह ते पार्थ दृश्यन्तां संग्रामे पुरुषो भव

krodho balaṃ tathā vīryaṃ jñānayogo 'stralāghavam iha te pārtha dṛśyantāṃ saṃgrāme puruṣo bhava

Sanskrit only: no published translation is held for this verse.

तं च तूबरकं मूढं बह्वाशिनम् अविद्यकम् उलूक मद्वचो ब्रूया असकृद् भीमसेनकम्

taṃ ca tūbarakaṃ mūḍhaṃ bahvāśinam avidyakam ulūka madvaco brūyā asakṛd bhīmasenakam

Sanskrit only: no published translation is held for this verse.

अशक्तेनैव यच् छप्तं सभामध्ये वृकोदर दुःशासनस्य रुधिरं पीयतां यदि शक्यते

aśaktenaiva yac chaptaṃ sabhāmadhye vṛkodara duḥśāsanasya rudhiraṃ pīyatāṃ yadi śakyate

Sanskrit only: no published translation is held for this verse.

लोहाभिहारो निर्वृत्तः कुरुक्षेत्रम् अकर्दमम् पुष्टास् ते ऽश्वा भृता योधाः श्वो युध्यस्व सकेशवः

lohābhihāro nirvṛttaḥ kurukṣetram akardamam puṣṭās te 'śvā bhṛtā yodhāḥ śvo yudhyasva sakeśavaḥ

Sanskrit only: no published translation is held for this verse.