Library·Mahābhārata (critical edition)·5·5.159
संजय उवाच उलूकस् त्व् अर्जुनं भूयो यथोक्तं वाक्यम् अब्रवीत् आशीविषम् इव क्रुद्धं तुदन् वाक्यशलाकया
saṃjaya uvāca ulūkas tv arjunaṃ bhūyo yathoktaṃ vākyam abravīt āśīviṣam iva kruddhaṃ tudan vākyaśalākayā
Sanskrit only: no published translation is held for this verse.
तस्य तद् वचनं श्रुत्वा रुषिताः पाण्डवा भृशम् प्राग् एव भृशसंक्रुद्धाः कैतव्येन प्रधर्षिताः
tasya tad vacanaṃ śrutvā ruṣitāḥ pāṇḍavā bhṛśam prāg eva bhṛśasaṃkruddhāḥ kaitavyena pradharṣitāḥ
Sanskrit only: no published translation is held for this verse.
नासनेष्व् अवतिष्ठन्त बाहूंश् चैव विचिक्षिपुः आशीविषा इव क्रुद्धा वीक्षां चक्रुः परस्परम्
nāsaneṣv avatiṣṭhanta bāhūṃś caiva vicikṣipuḥ āśīviṣā iva kruddhā vīkṣāṃ cakruḥ parasparam
Sanskrit only: no published translation is held for this verse.
अवाक्शिरा भीमसेनः समुदैक्षत केशवम् नेत्राभ्यां लोहितान्ताभ्याम् आशीविष इव श्वसन्
avākśirā bhīmasenaḥ samudaikṣata keśavam netrābhyāṃ lohitāntābhyām āśīviṣa iva śvasan
Sanskrit only: no published translation is held for this verse.
आर्तं वातात्मजं दृष्ट्वा क्रोधेनाभिहतं भृशम् उत्स्मयन्न् इव दाशार्हः कैतव्यं प्रत्यभाषत
ārtaṃ vātātmajaṃ dṛṣṭvā krodhenābhihataṃ bhṛśam utsmayann iva dāśārhaḥ kaitavyaṃ pratyabhāṣata
Sanskrit only: no published translation is held for this verse.
प्रयाहि शीघ्रं कैतव्य ब्रूयाश् चैव सुयोधनम् श्रुतं वाक्यं गृहीतो ऽर्थो मतं यत् ते तथास्तु तत्
prayāhi śīghraṃ kaitavya brūyāś caiva suyodhanam śrutaṃ vākyaṃ gṛhīto 'rtho mataṃ yat te tathāstu tat
Sanskrit only: no published translation is held for this verse.
मद्वचश् चापि भूयस् ते वक्तव्यः स सुयोधनः श्व इदानीं प्रदृश्येथाः पुरुषो भव दुर्मते
madvacaś cāpi bhūyas te vaktavyaḥ sa suyodhanaḥ śva idānīṃ pradṛśyethāḥ puruṣo bhava durmate
Sanskrit only: no published translation is held for this verse.
मन्यसे यच् च मूढ त्वं न योत्स्यति जनार्दनः सारथ्येन वृतः पार्थैर् इति त्वं न बिभेषि च
manyase yac ca mūḍha tvaṃ na yotsyati janārdanaḥ sārathyena vṛtaḥ pārthair iti tvaṃ na bibheṣi ca
Sanskrit only: no published translation is held for this verse.
जघन्यकालम् अप्य् एतद् भवेद् यत् सर्वपार्थिवान् निर्दहेयम् अहं क्रोधात् तृणानीव हुताशनः
jaghanyakālam apy etad bhaved yat sarvapārthivān nirdaheyam ahaṃ krodhāt tṛṇānīva hutāśanaḥ
Sanskrit only: no published translation is held for this verse.
युधिष्ठिरनियोगात् तु फल्गुनस्य महात्मनः करिष्ये युध्यमानस्य सारथ्यं विदितात्मनः
yudhiṣṭhiraniyogāt tu phalgunasya mahātmanaḥ kariṣye yudhyamānasya sārathyaṃ viditātmanaḥ
Sanskrit only: no published translation is held for this verse.
यद्य् उत्पतसि लोकांस् त्रीन् यद्य् आविशसि भूतलम् तत्र तत्रार्जुनरथं प्रभाते द्रक्ष्यसे ऽग्रतः
yady utpatasi lokāṃs trīn yady āviśasi bhūtalam tatra tatrārjunarathaṃ prabhāte drakṣyase 'grataḥ
Sanskrit only: no published translation is held for this verse.
यच् चापि भीमसेनस्य मन्यसे मोघगर्जितम् दुःशासनस्य रुधिरं पीतम् इत्य् अवधार्यताम्
yac cāpi bhīmasenasya manyase moghagarjitam duḥśāsanasya rudhiraṃ pītam ity avadhāryatām
Sanskrit only: no published translation is held for this verse.
न त्वां समीक्षते पार्थो नापि राजा युधिष्ठिरः न भीमसेनो न यमौ प्रतिकूलप्रभाषिणम्
na tvāṃ samīkṣate pārtho nāpi rājā yudhiṣṭhiraḥ na bhīmaseno na yamau pratikūlaprabhāṣiṇam
Sanskrit only: no published translation is held for this verse.