Mahābhārata (critical edition) 5.161

संजय उवाच उलूकस्य वचः श्रुत्वा कुन्तीपुत्रो युधिष्ठिरः सेनां निर्यापयाम् आस धृष्टद्युम्नपुरोगमाम्

saṃjaya uvāca ulūkasya vacaḥ śrutvā kuntīputro yudhiṣṭhiraḥ senāṃ niryāpayām āsa dhṛṣṭadyumnapurogamām

Sanskrit only: no published translation is held for this verse.

पदातिनीं नागवतीं रथिनीम् अश्ववृन्दिनीम् चतुर्विधबलां भीमाम् अकम्प्यां पृथिवीम् इव

padātinīṃ nāgavatīṃ rathinīm aśvavṛndinīm caturvidhabalāṃ bhīmām akampyāṃ pṛthivīm iva

Sanskrit only: no published translation is held for this verse.

भीमसेनादिभिर् गुप्तां सार्जुनैश् च महारथैः धृष्टद्युम्नवशां दुर्गां सागरस्तिमितोपमाम्

bhīmasenādibhir guptāṃ sārjunaiś ca mahārathaiḥ dhṛṣṭadyumnavaśāṃ durgāṃ sāgarastimitopamām

Sanskrit only: no published translation is held for this verse.

तस्यास् त्व् अग्रे महेष्वासः पाञ्चाल्यो युद्धदुर्मदः द्रोणप्रेप्सुर् अनीकानि धृष्टद्युम्नः प्रकर्षति

tasyās tv agre maheṣvāsaḥ pāñcālyo yuddhadurmadaḥ droṇaprepsur anīkāni dhṛṣṭadyumnaḥ prakarṣati

Sanskrit only: no published translation is held for this verse.

यथाबलं यथोत्साहं रथिनः समुपादिशत् अर्जुनं सूतपुत्राय भीमं दुर्योधनाय च

yathābalaṃ yathotsāhaṃ rathinaḥ samupādiśat arjunaṃ sūtaputrāya bhīmaṃ duryodhanāya ca

Sanskrit only: no published translation is held for this verse.

अश्वत्थाम्ने च नकुलं शैब्यं च कृतवर्मणे सैन्धवाय च वार्ष्णेयं युयुधानम् उपादिशत्

aśvatthāmne ca nakulaṃ śaibyaṃ ca kṛtavarmaṇe saindhavāya ca vārṣṇeyaṃ yuyudhānam upādiśat

Sanskrit only: no published translation is held for this verse.

शिखण्डिनं च भीष्माय प्रमुखे समकल्पयत् सहदेवं शकुनये चेकितानं शलाय च

śikhaṇḍinaṃ ca bhīṣmāya pramukhe samakalpayat sahadevaṃ śakunaye cekitānaṃ śalāya ca

Sanskrit only: no published translation is held for this verse.

धृष्टकेतुं च शल्याय गौतमायोत्तमौजसम् द्रौपदेयांश् च पञ्चभ्यस् त्रिगर्तेभ्यः समादिशत्

dhṛṣṭaketuṃ ca śalyāya gautamāyottamaujasam draupadeyāṃś ca pañcabhyas trigartebhyaḥ samādiśat

Sanskrit only: no published translation is held for this verse.

वृषसेनाय सौभद्रं शेषाणां च महीक्षिताम् समर्थं तं हि मेने वै पार्थाद् अभ्यधिकं रणे

vṛṣasenāya saubhadraṃ śeṣāṇāṃ ca mahīkṣitām samarthaṃ taṃ hi mene vai pārthād abhyadhikaṃ raṇe

Sanskrit only: no published translation is held for this verse.

एवं विभज्य योधांस् तान् पृथक् च सह चैव ह ज्वालावर्णो महेष्वासो द्रोणम् अंशम् अकल्पयत्

evaṃ vibhajya yodhāṃs tān pṛthak ca saha caiva ha jvālāvarṇo maheṣvāso droṇam aṃśam akalpayat

Sanskrit only: no published translation is held for this verse.

धृष्टद्युम्नो महेष्वासः सेनापतिपतिस् ततः विधिवद् व्यूह्य मेधावी युद्धाय धृतमानसः

dhṛṣṭadyumno maheṣvāsaḥ senāpatipatis tataḥ vidhivad vyūhya medhāvī yuddhāya dhṛtamānasaḥ

Sanskrit only: no published translation is held for this verse.

यथादिष्टान्य् अनीकानि पाण्डवानाम् अयोजयत् जयाय पाण्डुपुत्राणां यत्तस् तस्थौ रणाजिरे

yathādiṣṭāny anīkāni pāṇḍavānām ayojayat jayāya pāṇḍuputrāṇāṃ yattas tasthau raṇājire

Sanskrit only: no published translation is held for this verse.