Mahābhārata (critical edition) 5.167

भीष्म उवाच द्रौपदेया महाराज सर्वे पञ्च महारथाः वैराटिर् उत्तरश् चैव रथो मम महान् मतः

bhīṣma uvāca draupadeyā mahārāja sarve pañca mahārathāḥ vairāṭir uttaraś caiva ratho mama mahān mataḥ

Sanskrit only: no published translation is held for this verse.

अभिमन्युर् महाराज रथयूथपयूथपः समः पार्थेन समरे वासुदेवेन वा भवेत्

abhimanyur mahārāja rathayūthapayūthapaḥ samaḥ pārthena samare vāsudevena vā bhavet

Sanskrit only: no published translation is held for this verse.

लघ्व् अस्त्रश् चित्रयोधी च मनस्वी दृढविक्रमः संस्मरन् वै परिक्लेशं स्वपितुर् विक्रमिष्यति

laghv astraś citrayodhī ca manasvī dṛḍhavikramaḥ saṃsmaran vai parikleśaṃ svapitur vikramiṣyati

Sanskrit only: no published translation is held for this verse.

सात्यकिर् माधवः शूरो रथयूथपयूथपः एष वृष्णिप्रवीराणाम् अमर्षी जितसाध्वसः

sātyakir mādhavaḥ śūro rathayūthapayūthapaḥ eṣa vṛṣṇipravīrāṇām amarṣī jitasādhvasaḥ

Sanskrit only: no published translation is held for this verse.

उत्तमौजास् तथा राजन् रथो मम महान् मतः युधामन्युश् च विक्रान्तो रथोदारो नरर्षभः

uttamaujās tathā rājan ratho mama mahān mataḥ yudhāmanyuś ca vikrānto rathodāro nararṣabhaḥ

Sanskrit only: no published translation is held for this verse.

एतेषां बहुसाहस्रा रथा नागा हयास् तथा योत्स्यन्ते ते तनुं त्यक्त्वा कुन्तीपुत्रप्रियेप्सया

eteṣāṃ bahusāhasrā rathā nāgā hayās tathā yotsyante te tanuṃ tyaktvā kuntīputrapriyepsayā

Sanskrit only: no published translation is held for this verse.

पाण्डवैः सह राजेन्द्र तव सेनासु भारत अग्निमारुतवद् राजन्न् आह्वयन्तः परस्परम्

pāṇḍavaiḥ saha rājendra tava senāsu bhārata agnimārutavad rājann āhvayantaḥ parasparam

Sanskrit only: no published translation is held for this verse.

अजेयौ समरे वृद्धौ विराटद्रुपदाव् उभौ महारथौ महावीर्यौ मतौ मे पुरुषर्षभौ

ajeyau samare vṛddhau virāṭadrupadāv ubhau mahārathau mahāvīryau matau me puruṣarṣabhau

Sanskrit only: no published translation is held for this verse.

वयोवृद्धाव् अपि तु तौ क्षत्रधर्मपरायणौ यतिष्येते परं शक्त्या स्थितौ वीरगते पथि

vayovṛddhāv api tu tau kṣatradharmaparāyaṇau yatiṣyete paraṃ śaktyā sthitau vīragate pathi

Sanskrit only: no published translation is held for this verse.

संबन्धकेन राजेन्द्र तौ तु वीर्यबलान्वयात् आर्यवृत्तौ महेष्वासौ स्नेहपाशसिताव् उभौ

saṃbandhakena rājendra tau tu vīryabalānvayāt āryavṛttau maheṣvāsau snehapāśasitāv ubhau

Sanskrit only: no published translation is held for this verse.

कारणं प्राप्य तु नराः सर्व एव महाभुजाः शूरा वा कातरा वापि भवन्ति नरपुंगव

kāraṇaṃ prāpya tu narāḥ sarva eva mahābhujāḥ śūrā vā kātarā vāpi bhavanti narapuṃgava

Sanskrit only: no published translation is held for this verse.

एकायनगताव् एतौ पार्थेन दृढभक्तिकौ त्यक्त्वा प्राणान् परं शक्त्या घटितारौ नराधिप

ekāyanagatāv etau pārthena dṛḍhabhaktikau tyaktvā prāṇān paraṃ śaktyā ghaṭitārau narādhipa

Sanskrit only: no published translation is held for this verse.

पृथग् अक्षौहिणीभ्यां ताव् उभौ संयति दारुणौ संबन्धिभावं रक्षन्तौ महत् कर्म करिष्यतः

pṛthag akṣauhiṇībhyāṃ tāv ubhau saṃyati dāruṇau saṃbandhibhāvaṃ rakṣantau mahat karma kariṣyataḥ

Sanskrit only: no published translation is held for this verse.

लोकवीरौ महेष्वासौ त्यक्तात्मानौ च भारत प्रत्ययं परिरक्षन्तौ महत् कर्म करिष्यतः

lokavīrau maheṣvāsau tyaktātmānau ca bhārata pratyayaṃ parirakṣantau mahat karma kariṣyataḥ

Sanskrit only: no published translation is held for this verse.