भीष्म उवाच ततो ऽहं भरतश्रेष्ठ मातरं वीरमातरम् अभिगम्योपसंगृह्य दाशेयीम् इदम् अब्रुवम्
bhīṣma uvāca tato 'haṃ bharataśreṣṭha mātaraṃ vīramātaram abhigamyopasaṃgṛhya dāśeyīm idam abruvam
Sanskrit only: no published translation is held for this verse.
Library·Mahābhārata (critical edition)·5·5.171
Mahābhārata (critical edition) 5.171
इमाः काशिपतेः कन्या मया निर्जित्य पार्थिवान् विचित्रवीर्यस्य कृते वीर्यशुल्का उपार्जिताः
imāḥ kāśipateḥ kanyā mayā nirjitya pārthivān vicitravīryasya kṛte vīryaśulkā upārjitāḥ
Sanskrit only: no published translation is held for this verse.
ततो मूर्धन्य् उपाघ्राय पर्यश्रुनयना नृप आह सत्यवती हृष्टा दिष्ट्या पुत्र जितं त्वया
tato mūrdhany upāghrāya paryaśrunayanā nṛpa āha satyavatī hṛṣṭā diṣṭyā putra jitaṃ tvayā
Sanskrit only: no published translation is held for this verse.
सत्यवत्यास् त्व् अनुमते विवाहे समुपस्थिते उवाच वाक्यं सव्रीडा ज्येष्ठा काशिपतेः सुता
satyavatyās tv anumate vivāhe samupasthite uvāca vākyaṃ savrīḍā jyeṣṭhā kāśipateḥ sutā
Sanskrit only: no published translation is held for this verse.
भीष्म त्वम् असि धर्मज्ञः सर्वशास्त्रविशारदः श्रुत्वा च धर्म्यं वचनं मह्यं कर्तुम् इहार्हसि
bhīṣma tvam asi dharmajñaḥ sarvaśāstraviśāradaḥ śrutvā ca dharmyaṃ vacanaṃ mahyaṃ kartum ihārhasi
Sanskrit only: no published translation is held for this verse.
मया शाल्वपतिः पूर्वं मनसाभिवृतो वरः तेन चास्मि वृता पूर्वं रहस्य् अविदिते पितुः
mayā śālvapatiḥ pūrvaṃ manasābhivṛto varaḥ tena cāsmi vṛtā pūrvaṃ rahasy avidite pituḥ
Sanskrit only: no published translation is held for this verse.
कथं माम् अन्यकामां त्वं राजञ् शास्त्रम् अधीत्य वै वासयेथा गृहे भीष्म कौरवः सन् विशेषतः
kathaṃ mām anyakāmāṃ tvaṃ rājañ śāstram adhītya vai vāsayethā gṛhe bhīṣma kauravaḥ san viśeṣataḥ
Sanskrit only: no published translation is held for this verse.
एतद् बुद्ध्या विनिश्चित्य मनसा भरतर्षभ यत् क्षमं ते महाबाहो तद् इहारब्धुम् अर्हसि
etad buddhyā viniścitya manasā bharatarṣabha yat kṣamaṃ te mahābāho tad ihārabdhum arhasi
Sanskrit only: no published translation is held for this verse.
स मां प्रतीक्षते व्यक्तं शाल्वराजो विशां पते कृपां कुरु महाबाहो मयि धर्मभृतां वर त्वं हि सत्यव्रतो वीर पृथिव्याम् इति नः श्रुतम्
sa māṃ pratīkṣate vyaktaṃ śālvarājo viśāṃ pate kṛpāṃ kuru mahābāho mayi dharmabhṛtāṃ vara tvaṃ hi satyavrato vīra pṛthivyām iti naḥ śrutam
Sanskrit only: no published translation is held for this verse.