Library·Mahābhārata (critical edition)·5·5.63
धृतराष्ट्र उवाच दुर्योधन विजानीहि यत् त्वां वक्ष्यामि पुत्रक उत्पथं मन्यसे मार्गम् अनभिज्ञ इवाध्वगः
dhṛtarāṣṭra uvāca duryodhana vijānīhi yat tvāṃ vakṣyāmi putraka utpathaṃ manyase mārgam anabhijña ivādhvagaḥ
Sanskrit only: no published translation is held for this verse.
पञ्चानां पाण्डुपुत्राणां यत् तेजः प्रमिमीषसि पञ्चानाम् इव भूतानां महतां सुमहात्मनाम्
pañcānāṃ pāṇḍuputrāṇāṃ yat tejaḥ pramimīṣasi pañcānām iva bhūtānāṃ mahatāṃ sumahātmanām
Sanskrit only: no published translation is held for this verse.
युधिष्ठिरं हि कौन्तेयं परं धर्मम् इहास्थितम् परां गतिम् असंप्रेक्ष्य न त्वं वेत्तुम् इहार्हसि
yudhiṣṭhiraṃ hi kaunteyaṃ paraṃ dharmam ihāsthitam parāṃ gatim asaṃprekṣya na tvaṃ vettum ihārhasi
Sanskrit only: no published translation is held for this verse.
भीमसेनं च कौन्तेयं यस्य नास्ति समो बले रणान्तकं तर्कयसे महावातम् इव द्रुमः
bhīmasenaṃ ca kaunteyaṃ yasya nāsti samo bale raṇāntakaṃ tarkayase mahāvātam iva drumaḥ
Sanskrit only: no published translation is held for this verse.
सर्वशस्त्रभृतां श्रेष्ठं मेरुं शिखरिणाम् इव युधि गाण्डीवधन्वानं को नु युध्येत बुद्धिमान्
sarvaśastrabhṛtāṃ śreṣṭhaṃ meruṃ śikhariṇām iva yudhi gāṇḍīvadhanvānaṃ ko nu yudhyeta buddhimān
Sanskrit only: no published translation is held for this verse.
धृष्टद्युम्नश् च पाञ्चाल्यः कम् इवाद्य न शातयेत् शत्रुमध्ये शरान् मुञ्चन् देवराड् अशनीम् इव
dhṛṣṭadyumnaś ca pāñcālyaḥ kam ivādya na śātayet śatrumadhye śarān muñcan devarāḍ aśanīm iva
Sanskrit only: no published translation is held for this verse.
सात्यकिश् चापि दुर्धर्षः संमतो ऽन्धकवृष्णिषु ध्वंसयिष्यति ते सेनां पाण्डवेयहिते रतः
sātyakiś cāpi durdharṣaḥ saṃmato 'ndhakavṛṣṇiṣu dhvaṃsayiṣyati te senāṃ pāṇḍaveyahite rataḥ
Sanskrit only: no published translation is held for this verse.
यः पुनः प्रतिमानेन त्रींल् लोकान् अतिरिच्यते तं कृष्णं पुण्डरीकाक्षं को नु युध्येत बुद्धिमान्
yaḥ punaḥ pratimānena trīṃl lokān atiricyate taṃ kṛṣṇaṃ puṇḍarīkākṣaṃ ko nu yudhyeta buddhimān
Sanskrit only: no published translation is held for this verse.
एकतो ह्य् अस्य दाराश् च ज्ञातयश् च सबान्धवाः आत्मा च पृथिवी चेयम् एकतश् च धनंजयः
ekato hy asya dārāś ca jñātayaś ca sabāndhavāḥ ātmā ca pṛthivī ceyam ekataś ca dhanaṃjayaḥ
Sanskrit only: no published translation is held for this verse.
वासुदेवो ऽपि दुर्धर्षो यतात्मा यत्र पाण्डवः अविषह्यं पृथिव्यापि तद् बलं यत्र केशवः
vāsudevo 'pi durdharṣo yatātmā yatra pāṇḍavaḥ aviṣahyaṃ pṛthivyāpi tad balaṃ yatra keśavaḥ
Sanskrit only: no published translation is held for this verse.
तिष्ठ तात सतां वाक्ये सुहृदाम् अर्थवादिनाम् वृद्धं शांतनवं भीष्मं तितिक्षस्व पितामहम्
tiṣṭha tāta satāṃ vākye suhṛdām arthavādinām vṛddhaṃ śāṃtanavaṃ bhīṣmaṃ titikṣasva pitāmaham
Sanskrit only: no published translation is held for this verse.
मां च ब्रुवाणं शुश्रूष कुरूणाम् अर्थवादिनम् द्रोणं कृपं विकर्णं च महाराजं च बाह्लिकम्
māṃ ca bruvāṇaṃ śuśrūṣa kurūṇām arthavādinam droṇaṃ kṛpaṃ vikarṇaṃ ca mahārājaṃ ca bāhlikam
Sanskrit only: no published translation is held for this verse.
एते ह्य् अपि यथैवाहं मन्तुम् अर्हसि तांस् तथा सर्वे धर्मविदो ह्य् एते तुल्यस्नेहाश् च भारत
ete hy api yathaivāhaṃ mantum arhasi tāṃs tathā sarve dharmavido hy ete tulyasnehāś ca bhārata
Sanskrit only: no published translation is held for this verse.
यत् तद् विराटनगरे सह भ्रातृभिर् अग्रतः उत्सृज्य गाः सुसंत्रस्तं बलं ते समशीर्यत
yat tad virāṭanagare saha bhrātṛbhir agrataḥ utsṛjya gāḥ susaṃtrastaṃ balaṃ te samaśīryata
Sanskrit only: no published translation is held for this verse.
यच् चैव तस्मिन् नगरे श्रूयते महद् अद्भुतम् एकस्य च बहूनां च पर्याप्तं तन् निदर्शनम्
yac caiva tasmin nagare śrūyate mahad adbhutam ekasya ca bahūnāṃ ca paryāptaṃ tan nidarśanam
Sanskrit only: no published translation is held for this verse.
अर्जुनस् तत् तथाकार्षीत् किं पुनः सर्व एव ते सभ्रातॄन् अभिजानीहि वृत्त्या च प्रतिपादय
arjunas tat tathākārṣīt kiṃ punaḥ sarva eva te sabhrātṝn abhijānīhi vṛttyā ca pratipādaya
Sanskrit only: no published translation is held for this verse.