Mahābhārata (critical edition) 5.79

सहदेव उवाच यद् एतत् कथितं राज्ञा धर्म एष सनातनः यथा तु युद्धम् एव स्यात् तथा कार्यम् अरिंदम

sahadeva uvāca yad etat kathitaṃ rājñā dharma eṣa sanātanaḥ yathā tu yuddham eva syāt tathā kāryam ariṃdama

Sanskrit only: no published translation is held for this verse.

यदि प्रशमम् इच्छेयुः कुरवः पाण्डवैः सह तथापि युद्धं दाशार्ह योजयेथाः सहैव तैः

yadi praśamam iccheyuḥ kuravaḥ pāṇḍavaiḥ saha tathāpi yuddhaṃ dāśārha yojayethāḥ sahaiva taiḥ

Sanskrit only: no published translation is held for this verse.

कथं नु दृष्ट्वा पाञ्चालीं तथा क्लिष्टां सभागताम् अवधेन प्रशाम्येत मम मन्युः सुयोधने

kathaṃ nu dṛṣṭvā pāñcālīṃ tathā kliṣṭāṃ sabhāgatām avadhena praśāmyeta mama manyuḥ suyodhane

Sanskrit only: no published translation is held for this verse.

यदि भीमार्जुनौ कृष्ण धर्मराजश् च धार्मिकः धर्मम् उत्सृज्य तेनाहं योद्धुम् इच्छामि संयुगे

yadi bhīmārjunau kṛṣṇa dharmarājaś ca dhārmikaḥ dharmam utsṛjya tenāhaṃ yoddhum icchāmi saṃyuge

Sanskrit only: no published translation is held for this verse.

सात्यकिर् उवाच सत्यम् आह महाबाहो सहदेवो महामतिः दुर्योधनवधे शान्तिस् तस्य कोपस्य मे भवेत्

sātyakir uvāca satyam āha mahābāho sahadevo mahāmatiḥ duryodhanavadhe śāntis tasya kopasya me bhavet

Sanskrit only: no published translation is held for this verse.

जानासि हि यथा दृष्ट्वा चीराजिनधरान् वने तवापि मन्युर् उद्भूतो दुःखितान् प्रेक्ष्य पाण्डवान्

jānāsi hi yathā dṛṣṭvā cīrājinadharān vane tavāpi manyur udbhūto duḥkhitān prekṣya pāṇḍavān

Sanskrit only: no published translation is held for this verse.

तस्मान् माद्रीसुतः शूरो यद् आह पुरुषर्षभः वचनं सर्वयोधानां तन् मतं पुरुषोत्तम

tasmān mādrīsutaḥ śūro yad āha puruṣarṣabhaḥ vacanaṃ sarvayodhānāṃ tan mataṃ puruṣottama

Sanskrit only: no published translation is held for this verse.

वैशंपायन उवाच एवं वदति वाक्यं तु युयुधाने महामतौ सुभीमः सिंहनादो ऽभूद् योधानां तत्र सर्वशः

vaiśaṃpāyana uvāca evaṃ vadati vākyaṃ tu yuyudhāne mahāmatau subhīmaḥ siṃhanādo 'bhūd yodhānāṃ tatra sarvaśaḥ

Sanskrit only: no published translation is held for this verse.

सर्वे हि सर्वतो वीरास् तद् वचः प्रत्यपूजयन् साधु साध्व् इति शैनेयं हर्षयन्तो युयुत्सवः

sarve hi sarvato vīrās tad vacaḥ pratyapūjayan sādhu sādhv iti śaineyaṃ harṣayanto yuyutsavaḥ

Sanskrit only: no published translation is held for this verse.