Mahābhārata (critical edition) 6.112

एवं ते विरथाः पञ्च कृपः शल्यश् च मारिष दुःशासनो विकर्णश् च तथैव च विविंशतिः संप्राद्रवन्त समरे निर्जिताः सव्यसाचिना

evaṃ te virathāḥ pañca kṛpaḥ śalyaś ca māriṣa duḥśāsano vikarṇaś ca tathaiva ca viviṃśatiḥ saṃprādravanta samare nirjitāḥ savyasācinā

Sanskrit only: no published translation is held for this verse.

पूर्वाह्णे तु तथा राजन् पराजित्य महारथान् प्रजज्वाल रणे पार्थो विधूम इव पावकः

pūrvāhṇe tu tathā rājan parājitya mahārathān prajajvāla raṇe pārtho vidhūma iva pāvakaḥ

Sanskrit only: no published translation is held for this verse.

तथैव शरवर्षेण भास्करो रश्मिवान् इव अन्यान् अपि महाराज पातयाम् आस पार्थिवान्

tathaiva śaravarṣeṇa bhāskaro raśmivān iva anyān api mahārāja pātayām āsa pārthivān

Sanskrit only: no published translation is held for this verse.

पराङ्मुखीकृत्य तदा शरवर्षैर् महारथान् प्रावर्तयत संग्रामे शोणितोदां महानदीम् मध्येन कुरुसैन्यानां पाण्डवानां च भारत

parāṅmukhīkṛtya tadā śaravarṣair mahārathān prāvartayata saṃgrāme śoṇitodāṃ mahānadīm madhyena kurusainyānāṃ pāṇḍavānāṃ ca bhārata

Sanskrit only: no published translation is held for this verse.

गजाश् च रथसंघाश् च बहुधा रथिभिर् हताः रथाश् च निहता नागैर् नागा हयपदातिभिः

gajāś ca rathasaṃghāś ca bahudhā rathibhir hatāḥ rathāś ca nihatā nāgair nāgā hayapadātibhiḥ

Sanskrit only: no published translation is held for this verse.

अन्तरा छिध्यमानानि शरीराणि शिरांसि च निपेतुर् दिक्षु सर्वासु गजाश्वरथयोधिनाम्

antarā chidhyamānāni śarīrāṇi śirāṃsi ca nipetur dikṣu sarvāsu gajāśvarathayodhinām

Sanskrit only: no published translation is held for this verse.

छन्नम् आयोधनं रेजे कुण्डलाङ्गदधारिभिः पतितैः पात्यमानैश् च राजपुत्रैर् महारथैः

channam āyodhanaṃ reje kuṇḍalāṅgadadhāribhiḥ patitaiḥ pātyamānaiś ca rājaputrair mahārathaiḥ

Sanskrit only: no published translation is held for this verse.

रथनेमिनिकृत्ताश् च गजैश् चैवावपोथिताः पादाताश् चाप्य् अदृश्यन्त साश्वाः सहयसादिनः

rathaneminikṛttāś ca gajaiś caivāvapothitāḥ pādātāś cāpy adṛśyanta sāśvāḥ sahayasādinaḥ

Sanskrit only: no published translation is held for this verse.

गजाश्वरथसंघाश् च परिपेतुः समन्ततः विशीर्णाश् च रथा भूमौ भग्नचक्रयुगध्वजाः

gajāśvarathasaṃghāś ca paripetuḥ samantataḥ viśīrṇāś ca rathā bhūmau bhagnacakrayugadhvajāḥ

Sanskrit only: no published translation is held for this verse.

तद् गजाश्वरथौघानां रुधिरेण समुक्षितम् छन्नम् आयोधनं रेजे रक्ताभ्रम् इव शारदम्

tad gajāśvarathaughānāṃ rudhireṇa samukṣitam channam āyodhanaṃ reje raktābhram iva śāradam

Sanskrit only: no published translation is held for this verse.

श्वानः काकाश् च गृध्राश् च वृका गोमायुभिः सह प्रणेदुर् भक्ष्यम् आसाद्य विकृताश् च मृगद्विजाः

śvānaḥ kākāś ca gṛdhrāś ca vṛkā gomāyubhiḥ saha praṇedur bhakṣyam āsādya vikṛtāś ca mṛgadvijāḥ

Sanskrit only: no published translation is held for this verse.

ववुर् बहुविधाश् चैव दिक्षु सर्वासु मारुताः दृश्यमानेषु रक्षःसु भूतेषु विनदत्सु च

vavur bahuvidhāś caiva dikṣu sarvāsu mārutāḥ dṛśyamāneṣu rakṣaḥsu bhūteṣu vinadatsu ca

Sanskrit only: no published translation is held for this verse.

काञ्चनानि च दामानि पताकाश् च महाधनाः धूमायमाना दृश्यन्ते सहसा मारुतेरिताः

kāñcanāni ca dāmāni patākāś ca mahādhanāḥ dhūmāyamānā dṛśyante sahasā māruteritāḥ

Sanskrit only: no published translation is held for this verse.

श्वेतच्छत्रसहस्राणि सध्वजाश् च महारथाः विनिकीर्णाः स्म दृश्यन्ते शतशो ऽथ सहस्रशः सपताकाश् च मातङ्गा दिशो जग्मुः शरातुराः

śvetacchatrasahasrāṇi sadhvajāś ca mahārathāḥ vinikīrṇāḥ sma dṛśyante śataśo 'tha sahasraśaḥ sapatākāś ca mātaṅgā diśo jagmuḥ śarāturāḥ

Sanskrit only: no published translation is held for this verse.

क्षत्रियाश् च मनुष्येन्द्र गदाशक्तिधनुर्धराः समन्ततो व्यदृश्यन्त पतिता धरणीतले

kṣatriyāś ca manuṣyendra gadāśaktidhanurdharāḥ samantato vyadṛśyanta patitā dharaṇītale

Sanskrit only: no published translation is held for this verse.

ततो भीष्मो महाराज दिव्यम् अस्त्रम् उदीरयन् अभ्यधावत कौन्तेयं मिषतां सर्वधन्विनाम्

tato bhīṣmo mahārāja divyam astram udīrayan abhyadhāvata kaunteyaṃ miṣatāṃ sarvadhanvinām

Sanskrit only: no published translation is held for this verse.

तं शिखण्डी रणे यत्तम् अभ्यधावत दंशितः संजहार ततो भीष्मस् तद् अस्त्रं पावकोपमम्

taṃ śikhaṇḍī raṇe yattam abhyadhāvata daṃśitaḥ saṃjahāra tato bhīṣmas tad astraṃ pāvakopamam

Sanskrit only: no published translation is held for this verse.

एतस्मिन्न् एव काले तु कौन्तेयः श्वेतवाहनः निजघ्ने तावकं सैन्यं मोहयित्वा पितामहम्

etasminn eva kāle tu kaunteyaḥ śvetavāhanaḥ nijaghne tāvakaṃ sainyaṃ mohayitvā pitāmaham

Sanskrit only: no published translation is held for this verse.