Library·Mahābhārata (critical edition)·6·6.14
वैशंपायन उवाच अथ गावल्गणिर् धीमान् समराद् एत्य संजयः प्रत्यक्षदर्शी सर्वस्य भूतभव्यभविष्यवित्
vaiśaṃpāyana uvāca atha gāvalgaṇir dhīmān samarād etya saṃjayaḥ pratyakṣadarśī sarvasya bhūtabhavyabhaviṣyavit
Sanskrit only: no published translation is held for this verse.
ध्यायते धृतराष्ट्राय सहसोपेत्य दुःखितः आचष्ट निहतं भीष्मं भरतानाम् अमध्यमम्
dhyāyate dhṛtarāṣṭrāya sahasopetya duḥkhitaḥ ācaṣṭa nihataṃ bhīṣmaṃ bharatānām amadhyamam
Sanskrit only: no published translation is held for this verse.
संजयो ऽहं महाराज नमस् ते भरतर्षभ हतो भीष्मः शांतनवो भरतानां पितामहः
saṃjayo 'haṃ mahārāja namas te bharatarṣabha hato bhīṣmaḥ śāṃtanavo bharatānāṃ pitāmahaḥ
Sanskrit only: no published translation is held for this verse.
ककुदं सर्वयोधानां धाम सर्वधनुष्मताम् शरतल्पगतः सो ऽद्य शेते कुरुपितामहः
kakudaṃ sarvayodhānāṃ dhāma sarvadhanuṣmatām śaratalpagataḥ so 'dya śete kurupitāmahaḥ
Sanskrit only: no published translation is held for this verse.
यस्य वीर्यं समाश्रित्य द्यूतं पुत्रस् तवाकरोत् स शेते निहतो राजन् संख्ये भीष्मः शिखण्डिना
yasya vīryaṃ samāśritya dyūtaṃ putras tavākarot sa śete nihato rājan saṃkhye bhīṣmaḥ śikhaṇḍinā
Sanskrit only: no published translation is held for this verse.
यः सर्वान् पृथिवीपालान् समवेतान् महामृधे जिगायैकरथेनैव काशिपुर्यां महारथः
yaḥ sarvān pṛthivīpālān samavetān mahāmṛdhe jigāyaikarathenaiva kāśipuryāṃ mahārathaḥ
Sanskrit only: no published translation is held for this verse.
जामदग्न्यं रणे रामम् आयोध्य वसुसंभवः न हतो जामदग्न्येन स हतो ऽद्य शिखण्डिना
jāmadagnyaṃ raṇe rāmam āyodhya vasusaṃbhavaḥ na hato jāmadagnyena sa hato 'dya śikhaṇḍinā
Sanskrit only: no published translation is held for this verse.
महेन्द्रसदृशः शौर्ये स्थैर्ये च हिमवान् इव समुद्र इव गाम्भीर्ये सहिष्णुत्वे धरासमः
mahendrasadṛśaḥ śaurye sthairye ca himavān iva samudra iva gāmbhīrye sahiṣṇutve dharāsamaḥ
Sanskrit only: no published translation is held for this verse.
शरदंष्ट्रो धनुर्वक्त्रः खड्गजिह्वो दुरासदः नरसिंहः पिता ते ऽद्य पाञ्चाल्येन निपातितः
śaradaṃṣṭro dhanurvaktraḥ khaḍgajihvo durāsadaḥ narasiṃhaḥ pitā te 'dya pāñcālyena nipātitaḥ
Sanskrit only: no published translation is held for this verse.
पाण्डवानां महत् सैन्यं यं दृष्ट्वोद्यन्तम् आहवे प्रवेपत भयोद्विग्नं सिंहं दृष्ट्वेव गोगणः
pāṇḍavānāṃ mahat sainyaṃ yaṃ dṛṣṭvodyantam āhave pravepata bhayodvignaṃ siṃhaṃ dṛṣṭveva gogaṇaḥ
Sanskrit only: no published translation is held for this verse.
परिरक्ष्य स सेनां ते दशरात्रम् अनीकहा जगामास्तम् इवादित्यः कृत्वा कर्म सुदुष्करम्
parirakṣya sa senāṃ te daśarātram anīkahā jagāmāstam ivādityaḥ kṛtvā karma suduṣkaram
Sanskrit only: no published translation is held for this verse.
यः स शक्र इवाक्षोभ्यो वर्षन् बाणान् सहस्रशः जघान युधि योधानाम् अर्बुदं दशभिर् दिनैः
yaḥ sa śakra ivākṣobhyo varṣan bāṇān sahasraśaḥ jaghāna yudhi yodhānām arbudaṃ daśabhir dinaiḥ
Sanskrit only: no published translation is held for this verse.
स शेते निष्टनन् भूमौ वातरुग्ण इव द्रुमः तव दुर्मन्त्रिते राजन् यथा नार्हः स भारत
sa śete niṣṭanan bhūmau vātarugṇa iva drumaḥ tava durmantrite rājan yathā nārhaḥ sa bhārata
Sanskrit only: no published translation is held for this verse.