Mahābhārata (critical edition) 6.64

भीष्म उवाच शृणु चेदं महाराज ब्रह्मभूतस्तवं मम ब्रह्मर्षिभिश् च देवैश् च यः पुरा कथितो भुवि

bhīṣma uvāca śṛṇu cedaṃ mahārāja brahmabhūtastavaṃ mama brahmarṣibhiś ca devaiś ca yaḥ purā kathito bhuvi

Sanskrit only: no published translation is held for this verse.

साध्यानाम् अपि देवानां देवदेवेश्वरः प्रभुः लोकभावनभावज्ञ इति त्वां नारदो ऽब्रवीत् भूतं भव्यं भविष्यं च मार्कण्डेयो ऽभ्युवाच ह

sādhyānām api devānāṃ devadeveśvaraḥ prabhuḥ lokabhāvanabhāvajña iti tvāṃ nārado 'bravīt bhūtaṃ bhavyaṃ bhaviṣyaṃ ca mārkaṇḍeyo 'bhyuvāca ha

Sanskrit only: no published translation is held for this verse.

यज्ञानां चैव यज्ञं त्वां तपश् च तपसाम् अपि देवानाम् अपि देवं च त्वाम् आह भगवान् भृगुः पुराणे भैरवं रूपं विष्णो भूतपतेति वै

yajñānāṃ caiva yajñaṃ tvāṃ tapaś ca tapasām api devānām api devaṃ ca tvām āha bhagavān bhṛguḥ purāṇe bhairavaṃ rūpaṃ viṣṇo bhūtapateti vai

Sanskrit only: no published translation is held for this verse.

वासुदेवो वसूनां त्वं शक्रं स्थापयिता तथा देवदेवो ऽसि देवानाम् इति द्वैपायनो ऽब्रवीत्

vāsudevo vasūnāṃ tvaṃ śakraṃ sthāpayitā tathā devadevo 'si devānām iti dvaipāyano 'bravīt

Sanskrit only: no published translation is held for this verse.

पूर्वे प्रजानिसर्गेषु दक्षम् आहुः प्रजापतिम् स्रष्टारं सर्वभूतानाम् अङ्गिरास् त्वां ततो ऽब्रवीत्

pūrve prajānisargeṣu dakṣam āhuḥ prajāpatim sraṣṭāraṃ sarvabhūtānām aṅgirās tvāṃ tato 'bravīt

Sanskrit only: no published translation is held for this verse.

अव्यक्तं ते शरीरोत्थं व्यक्तं ते मनसि स्थितम् देवा वाक्संभवाश् चेति देवलस् त्व् असितो ऽब्रवीत्

avyaktaṃ te śarīrotthaṃ vyaktaṃ te manasi sthitam devā vāksaṃbhavāś ceti devalas tv asito 'bravīt

Sanskrit only: no published translation is held for this verse.

शिरसा ते दिवं व्याप्तं बाहुभ्यां पृथिवी धृता जठरं ते त्रयो लोकाः पुरुषो ऽसि सनातनः

śirasā te divaṃ vyāptaṃ bāhubhyāṃ pṛthivī dhṛtā jaṭharaṃ te trayo lokāḥ puruṣo 'si sanātanaḥ

Sanskrit only: no published translation is held for this verse.

एवं त्वाम् अभिजानन्ति तपसा भाविता नराः आत्मदर्शनतृप्तानाम् ऋषीणां चापि सत्तमः

evaṃ tvām abhijānanti tapasā bhāvitā narāḥ ātmadarśanatṛptānām ṛṣīṇāṃ cāpi sattamaḥ

Sanskrit only: no published translation is held for this verse.

राजर्षीणाम् उदाराणाम् आहवेष्व् अनिवर्तिनाम् सर्वधर्मप्रधानानां त्वं गतिर् मधुसूदन

rājarṣīṇām udārāṇām āhaveṣv anivartinām sarvadharmapradhānānāṃ tvaṃ gatir madhusūdana

Sanskrit only: no published translation is held for this verse.

एष ते विस्तरस् तात संक्षेपश् च प्रकीर्तितः केशवस्य यथातत्त्वं सुप्रीतो भव केशवे

eṣa te vistaras tāta saṃkṣepaś ca prakīrtitaḥ keśavasya yathātattvaṃ suprīto bhava keśave

Sanskrit only: no published translation is held for this verse.

संजय उवाच पुण्यं श्रुत्वैतद् आख्यानं महाराज सुतस् तव केशवं बहु मेने स पाण्डवांश् च महारथान्

saṃjaya uvāca puṇyaṃ śrutvaitad ākhyānaṃ mahārāja sutas tava keśavaṃ bahu mene sa pāṇḍavāṃś ca mahārathān

Sanskrit only: no published translation is held for this verse.

तम् अब्रवीन् महाराज भीष्मः शांतनवः पुनः माहात्म्यं ते श्रुतं राजन् केशवस्य महात्मनः

tam abravīn mahārāja bhīṣmaḥ śāṃtanavaḥ punaḥ māhātmyaṃ te śrutaṃ rājan keśavasya mahātmanaḥ

Sanskrit only: no published translation is held for this verse.

नरस्य च यथातत्त्वं यन् मां त्वं परिपृच्छसि यदर्थं नृषु संभूतौ नरनारायणाव् उभौ

narasya ca yathātattvaṃ yan māṃ tvaṃ paripṛcchasi yadarthaṃ nṛṣu saṃbhūtau naranārāyaṇāv ubhau

Sanskrit only: no published translation is held for this verse.

अवध्यौ च यथा वीरौ संयुगेष्व् अपराजितौ यथा च पाण्डवा राजन्न् अगम्या युधि कस्य चित्

avadhyau ca yathā vīrau saṃyugeṣv aparājitau yathā ca pāṇḍavā rājann agamyā yudhi kasya cit

Sanskrit only: no published translation is held for this verse.

प्रीतिमान् हि दृढं कृष्णः पाण्डवेषु यशस्विषु तस्माद् ब्रवीमि राजेन्द्र शमो भवतु पाण्डवैः

prītimān hi dṛḍhaṃ kṛṣṇaḥ pāṇḍaveṣu yaśasviṣu tasmād bravīmi rājendra śamo bhavatu pāṇḍavaiḥ

Sanskrit only: no published translation is held for this verse.

पृथिवीं भुङ्क्ष्व सहितो भ्रातृभिर् बलिभिर् वशी नरनारायणौ देवाव् अवज्ञाय नशिष्यसि

pṛthivīṃ bhuṅkṣva sahito bhrātṛbhir balibhir vaśī naranārāyaṇau devāv avajñāya naśiṣyasi

Sanskrit only: no published translation is held for this verse.

एवम् उक्त्वा तव पिता तूष्णीम् आसीद् विशां पते व्यसर्जयच् च राजानं शयनं च विवेश ह

evam uktvā tava pitā tūṣṇīm āsīd viśāṃ pate vyasarjayac ca rājānaṃ śayanaṃ ca viveśa ha

Sanskrit only: no published translation is held for this verse.

राजापि शिबिरं प्रायात् प्रणिपत्य महात्मने शिश्ये च शयने शुभ्रे तां रात्रिं भरतर्षभ

rājāpi śibiraṃ prāyāt praṇipatya mahātmane śiśye ca śayane śubhre tāṃ rātriṃ bharatarṣabha

Sanskrit only: no published translation is held for this verse.