Mahābhārata (critical edition) 6.76

संजय उवाच अथ शूरा महाराज परस्परकृतागसः जग्मुः स्वशिबिराण्य् एव रुधिरेण समुक्षिताः

saṃjaya uvāca atha śūrā mahārāja parasparakṛtāgasaḥ jagmuḥ svaśibirāṇy eva rudhireṇa samukṣitāḥ

Sanskrit only: no published translation is held for this verse.

विश्रम्य च यथान्यायं पूजयित्वा परस्परम् संनद्धाः समदृश्यन्त भूयो युद्धचिकीर्षया

viśramya ca yathānyāyaṃ pūjayitvā parasparam saṃnaddhāḥ samadṛśyanta bhūyo yuddhacikīrṣayā

Sanskrit only: no published translation is held for this verse.

ततस् तव सुतो राजंश् चिन्तयाभिपरिप्लुतः विस्रवच् छोणिताक्ताङ्गः पप्रच्छेदं पितामहम्

tatas tava suto rājaṃś cintayābhipariplutaḥ visravac choṇitāktāṅgaḥ papracchedaṃ pitāmaham

Sanskrit only: no published translation is held for this verse.

सैन्यानि रौद्राणि भयानकानि; व्यूढानि सम्यग् बहुलध्वजानि विदार्य हत्वा च निपीड्य शूरास्; ते पाण्डवानां त्वरिता रथौघाः

sainyāni raudrāṇi bhayānakāni; vyūḍhāni samyag bahuladhvajāni vidārya hatvā ca nipīḍya śūrās; te pāṇḍavānāṃ tvaritā rathaughāḥ

Sanskrit only: no published translation is held for this verse.

संमोह्य सर्वान् युधि कीर्तिमन्तो; व्यूहं च तं मकरं वज्रकल्पम् प्रविश्य भीमेन निबर्हितो ऽस्मि; घोरैः शरैर् मृत्युदण्डप्रकाशैः

saṃmohya sarvān yudhi kīrtimanto; vyūhaṃ ca taṃ makaraṃ vajrakalpam praviśya bhīmena nibarhito 'smi; ghoraiḥ śarair mṛtyudaṇḍaprakāśaiḥ

Sanskrit only: no published translation is held for this verse.

क्रुद्धं तम् उद्वीक्ष्य भयेन राजन्; संमूर्छितो नालभं शान्तिम् अद्य इच्छे प्रसादात् तव सत्यसंध; प्राप्तुं जयं पाण्डवेयांश् च हन्तुम्

kruddhaṃ tam udvīkṣya bhayena rājan; saṃmūrchito nālabhaṃ śāntim adya icche prasādāt tava satyasaṃdha; prāptuṃ jayaṃ pāṇḍaveyāṃś ca hantum

Sanskrit only: no published translation is held for this verse.

तेनैवम् उक्तः प्रहसन् महात्मा; दुर्योधनं जातमन्युं विदित्वा तं प्रत्युवाचाविमना मनस्वी; गङ्गासुतः शस्त्रभृतां वरिष्ठः

tenaivam uktaḥ prahasan mahātmā; duryodhanaṃ jātamanyuṃ viditvā taṃ pratyuvācāvimanā manasvī; gaṅgāsutaḥ śastrabhṛtāṃ variṣṭhaḥ

Sanskrit only: no published translation is held for this verse.

परेण यत्नेन विगाह्य सेनां; सर्वात्मनाहं तव राजपुत्र इच्छामि दातुं विजयं सुखं च; न चात्मानं छादये ऽहं त्वदर्थे

pareṇa yatnena vigāhya senāṃ; sarvātmanāhaṃ tava rājaputra icchāmi dātuṃ vijayaṃ sukhaṃ ca; na cātmānaṃ chādaye 'haṃ tvadarthe

Sanskrit only: no published translation is held for this verse.

एते तु रौद्रा बहवो महारथा; यशस्विनः शूरतमाः कृतास्त्राः ये पाण्डवानां समरे सहाया; जितक्लमाः क्रोधविषं वमन्ति

ete tu raudrā bahavo mahārathā; yaśasvinaḥ śūratamāḥ kṛtāstrāḥ ye pāṇḍavānāṃ samare sahāyā; jitaklamāḥ krodhaviṣaṃ vamanti

Sanskrit only: no published translation is held for this verse.

ते नेह शक्याः सहसा विजेतुं; वीर्योन्नद्धाः कृतवैरास् त्वया च अहं ह्य् एतान् प्रतियोत्स्यामि राजन्; सर्वात्मना जीवितं त्यज्य वीर

te neha śakyāḥ sahasā vijetuṃ; vīryonnaddhāḥ kṛtavairās tvayā ca ahaṃ hy etān pratiyotsyāmi rājan; sarvātmanā jīvitaṃ tyajya vīra

Sanskrit only: no published translation is held for this verse.

रणे तवार्थाय महानुभाव; न जीवितं रक्ष्यतमं ममाद्य सर्वांस् तवार्थाय सदेवदैत्यांल्; लोकान् दहेयं किम् उ शत्रूंस् तवेह

raṇe tavārthāya mahānubhāva; na jīvitaṃ rakṣyatamaṃ mamādya sarvāṃs tavārthāya sadevadaityāṃl; lokān daheyaṃ kim u śatrūṃs taveha

Sanskrit only: no published translation is held for this verse.

तत् पाण्डवान् योधयिष्यामि राजन्; प्रियं च ते सर्वम् अहं करिष्ये श्रुत्वैव चैतत् परमप्रतीतो; दुर्योधनः प्रीतमना बभूव

tat pāṇḍavān yodhayiṣyāmi rājan; priyaṃ ca te sarvam ahaṃ kariṣye śrutvaiva caitat paramapratīto; duryodhanaḥ prītamanā babhūva

Sanskrit only: no published translation is held for this verse.

सर्वाणि सैन्यानि ततः प्रहृष्टो; निर्गच्छतेत्य् आह नृपांश् च सर्वान् तदाज्ञया तानि विनिर्ययुर् द्रुतं; रथाश्वपादातगजायुतानि

sarvāṇi sainyāni tataḥ prahṛṣṭo; nirgacchatety āha nṛpāṃś ca sarvān tadājñayā tāni viniryayur drutaṃ; rathāśvapādātagajāyutāni

Sanskrit only: no published translation is held for this verse.

प्रहर्षयुक्तानि तु तानि राजन्; महान्ति नानाविधशस्त्रवन्ति स्थितानि नागाश्वपदातिमन्ति; विरेजुर् आजौ तव राजन् बलानि

praharṣayuktāni tu tāni rājan; mahānti nānāvidhaśastravanti sthitāni nāgāśvapadātimanti; virejur ājau tava rājan balāni

Sanskrit only: no published translation is held for this verse.

वृन्दैः स्थिताश् चापि सुसंप्रयुक्ताश्; चकाशिरे दन्तिगणाः समन्तात् शस्त्रास्त्रविद्भिर् नरदेव योधैर्; अधिष्ठिताः सैन्यगणास् त्वदीयाः

vṛndaiḥ sthitāś cāpi susaṃprayuktāś; cakāśire dantigaṇāḥ samantāt śastrāstravidbhir naradeva yodhair; adhiṣṭhitāḥ sainyagaṇās tvadīyāḥ

Sanskrit only: no published translation is held for this verse.

रथैश् च पादातगजाश्वसंघैः; प्रयाद्भिर् आजौ विधिवत् प्रणुन्नैः समुद्धतं वै तरुणार्कवर्णं; रजो बभौ छादयत् सूर्यरश्मीन्

rathaiś ca pādātagajāśvasaṃghaiḥ; prayādbhir ājau vidhivat praṇunnaiḥ samuddhataṃ vai taruṇārkavarṇaṃ; rajo babhau chādayat sūryaraśmīn

Sanskrit only: no published translation is held for this verse.

रेजुः पताका रथदन्तिसंस्था; वातेरिता भ्राम्यमाणाः समन्तात् नानारङ्गाः समरे तत्र राजन्; मेघैर् युक्ता विद्युतः खे यथैव

rejuḥ patākā rathadantisaṃsthā; vāteritā bhrāmyamāṇāḥ samantāt nānāraṅgāḥ samare tatra rājan; meghair yuktā vidyutaḥ khe yathaiva

Sanskrit only: no published translation is held for this verse.

धनूंषि विस्फारयतां नृपाणां; बभूव शब्दस् तुमुलो ऽतिघोरः विमथ्यतो देवमहासुरौघैर्; यथार्णवस्यादियुगे तदानीम्

dhanūṃṣi visphārayatāṃ nṛpāṇāṃ; babhūva śabdas tumulo 'tighoraḥ vimathyato devamahāsuraughair; yathārṇavasyādiyuge tadānīm

Sanskrit only: no published translation is held for this verse.

तद् उग्रनादं बहुरूपवर्णं; तवात्मजानां समुदीर्णम् एवम् बभूव सैन्यं रिपुसैन्यहन्तृ; युगान्तमेघौघनिभं तदानीम्

tad ugranādaṃ bahurūpavarṇaṃ; tavātmajānāṃ samudīrṇam evam babhūva sainyaṃ ripusainyahantṛ; yugāntameghaughanibhaṃ tadānīm

Sanskrit only: no published translation is held for this verse.