Library·Mahābhārata (critical edition)·7·7.114
संजय उवाच ततः कर्णो महाराज भीमं विद्ध्वा त्रिभिः शरैः मुमोच शरवर्षाणि चित्राणि च बहूनि च
saṃjaya uvāca tataḥ karṇo mahārāja bhīmaṃ viddhvā tribhiḥ śaraiḥ mumoca śaravarṣāṇi citrāṇi ca bahūni ca
Sanskrit only: no published translation is held for this verse.
वध्यमानो महाराज सूतपुत्रेण पाण्डवः न विव्यथे भीमसेनो भिद्यमान इवाचलः
vadhyamāno mahārāja sūtaputreṇa pāṇḍavaḥ na vivyathe bhīmaseno bhidyamāna ivācalaḥ
Sanskrit only: no published translation is held for this verse.
स कर्णं कर्णिना कर्णे पीतेन निशितेन च विव्याध युधि राजेन्द्र भीमसेनः पतत्रिणा
sa karṇaṃ karṇinā karṇe pītena niśitena ca vivyādha yudhi rājendra bhīmasenaḥ patatriṇā
Sanskrit only: no published translation is held for this verse.
स कुण्डलं महत् कर्णात् कर्णस्यापातयद् भुवि तपनीयं महाराज दीप्तं ज्योतिर् इवाम्बरात्
sa kuṇḍalaṃ mahat karṇāt karṇasyāpātayad bhuvi tapanīyaṃ mahārāja dīptaṃ jyotir ivāmbarāt
Sanskrit only: no published translation is held for this verse.
अथापरेण भल्लेन सूतपुत्रं स्तनान्तरे आजघान भृशं भीमः स्मयन्न् इव महाबलः
athāpareṇa bhallena sūtaputraṃ stanāntare ājaghāna bhṛśaṃ bhīmaḥ smayann iva mahābalaḥ
Sanskrit only: no published translation is held for this verse.
पुनर् अस्य त्वरन् भीमो नाराचान् दश भारत रणे प्रैषीन् महावेगान् यमदण्डोपमांस् तथा
punar asya tvaran bhīmo nārācān daśa bhārata raṇe praiṣīn mahāvegān yamadaṇḍopamāṃs tathā
Sanskrit only: no published translation is held for this verse.
ते ललाटं समासाद्य सूतपुत्रस्य मारिष विविशुश् चोदितास् तेन वल्मीकम् इव पन्नगाः
te lalāṭaṃ samāsādya sūtaputrasya māriṣa viviśuś coditās tena valmīkam iva pannagāḥ
Sanskrit only: no published translation is held for this verse.
ललाटस्थैस् तु तैर् बाणैः सूतपुत्रो व्यरोचत नीलोत्पलमयीं मालां धारयन् स पुरा यथा
lalāṭasthais tu tair bāṇaiḥ sūtaputro vyarocata nīlotpalamayīṃ mālāṃ dhārayan sa purā yathā
Sanskrit only: no published translation is held for this verse.
ततः क्रुद्धो रणे कर्णः पीडितो दृढधन्वना वेगं चक्रे महावेगो भीमसेनवधं प्रति
tataḥ kruddho raṇe karṇaḥ pīḍito dṛḍhadhanvanā vegaṃ cakre mahāvego bhīmasenavadhaṃ prati
Sanskrit only: no published translation is held for this verse.
तस्मै कर्णः शतं राजन्न् इषूणां गार्ध्रवाससाम् अमर्षी बलवान् क्रुद्धः प्रेषयाम् आस भारत
tasmai karṇaḥ śataṃ rājann iṣūṇāṃ gārdhravāsasām amarṣī balavān kruddhaḥ preṣayām āsa bhārata
Sanskrit only: no published translation is held for this verse.
ततः प्रासृजद् उग्राणि शरवर्षाणि पाण्डवः समरे तम् अनादृत्य नास्य वीर्यम् अचिन्तयत्
tataḥ prāsṛjad ugrāṇi śaravarṣāṇi pāṇḍavaḥ samare tam anādṛtya nāsya vīryam acintayat
Sanskrit only: no published translation is held for this verse.
ततः कर्णो महाराज पाण्डवं निशितैः शरैः आजघानोरसि क्रुद्धः क्रुद्धरूपं परंतपः
tataḥ karṇo mahārāja pāṇḍavaṃ niśitaiḥ śaraiḥ ājaghānorasi kruddhaḥ kruddharūpaṃ paraṃtapaḥ
Sanskrit only: no published translation is held for this verse.
जीमूताव् इव चान्योन्यं तौ ववर्षतुर् आहवे तलशब्दरवैश् चैव त्रासयन्तौ परस्परम्
jīmūtāv iva cānyonyaṃ tau vavarṣatur āhave talaśabdaravaiś caiva trāsayantau parasparam
Sanskrit only: no published translation is held for this verse.
शरजालैश् च विविधैश् छादयाम् आसतुर् मृधे अन्योन्यं समरे क्रुद्धौ कृतप्रतिकृतैषिणौ
śarajālaiś ca vividhaiś chādayām āsatur mṛdhe anyonyaṃ samare kruddhau kṛtapratikṛtaiṣiṇau
Sanskrit only: no published translation is held for this verse.
ततो भीमो महाबाहू राधेयस्य महात्मनः क्षुरप्रेण धनुश् छित्त्वा कर्णं विव्याध पत्रिणा
tato bhīmo mahābāhū rādheyasya mahātmanaḥ kṣurapreṇa dhanuś chittvā karṇaṃ vivyādha patriṇā
Sanskrit only: no published translation is held for this verse.
तद् अपास्य धनुश् छिन्नं सूतपुत्रो महामनाः अन्यत् कार्मुकम् आदत्त वेगघ्नं भारसाधनम्
tad apāsya dhanuś chinnaṃ sūtaputro mahāmanāḥ anyat kārmukam ādatta vegaghnaṃ bhārasādhanam
Sanskrit only: no published translation is held for this verse.
दृष्ट्वा च कुरुसौवीरसैन्धवानां बलक्षयम् सवर्मध्वजशस्त्रैश् च पतितैः संवृतां महीम्
dṛṣṭvā ca kurusauvīrasaindhavānāṃ balakṣayam savarmadhvajaśastraiś ca patitaiḥ saṃvṛtāṃ mahīm
Sanskrit only: no published translation is held for this verse.
हस्त्यश्वनरदेहांश् च गतासून् प्रेक्ष्य सर्वतः सूतपुत्रस्य संरम्भाद् दीप्तं वपुर् अजायत
hastyaśvanaradehāṃś ca gatāsūn prekṣya sarvataḥ sūtaputrasya saṃrambhād dīptaṃ vapur ajāyata
Sanskrit only: no published translation is held for this verse.
स विस्फार्य महच् चापं कार्तस्वरविभूषितम् भीमं प्रैक्षत राधेयो राजन् घोरेण चक्षुषा
sa visphārya mahac cāpaṃ kārtasvaravibhūṣitam bhīmaṃ praikṣata rādheyo rājan ghoreṇa cakṣuṣā
Sanskrit only: no published translation is held for this verse.
ततः क्रुद्धः शरान् अस्यन् सूतपुत्रो व्यरोचत मध्यंदिनगतो ऽर्चिष्माञ् शरदीव दिवाकरः
tataḥ kruddhaḥ śarān asyan sūtaputro vyarocata madhyaṃdinagato 'rciṣmāñ śaradīva divākaraḥ
Sanskrit only: no published translation is held for this verse.
मरीचिविकचस्येव राजन् भानुमतो वपुः आसीद् आधिरथेर् घोरं वपुः शरशतार्चिषः
marīcivikacasyeva rājan bhānumato vapuḥ āsīd ādhirather ghoraṃ vapuḥ śaraśatārciṣaḥ
Sanskrit only: no published translation is held for this verse.
कराभ्याम् आददानस्य संदधानस्य चाशुगान् विकर्षतो मुञ्चतो वा नान्तरं ददृशू रणे
karābhyām ādadānasya saṃdadhānasya cāśugān vikarṣato muñcato vā nāntaraṃ dadṛśū raṇe
Sanskrit only: no published translation is held for this verse.
अग्निचक्रोपमं घोरं मण्डलीकृतम् आयुधम् कर्णस्यासीन् महाराज सव्यदक्षिणम् अस्यतः
agnicakropamaṃ ghoraṃ maṇḍalīkṛtam āyudham karṇasyāsīn mahārāja savyadakṣiṇam asyataḥ
Sanskrit only: no published translation is held for this verse.
स्वर्णपुङ्खाः सुनिशिताः कर्णचापच्युताः शराः प्राच्छादयन् महाराज दिशः सूर्यस्य च प्रभाम्
svarṇapuṅkhāḥ suniśitāḥ karṇacāpacyutāḥ śarāḥ prācchādayan mahārāja diśaḥ sūryasya ca prabhām
Sanskrit only: no published translation is held for this verse.
ततः कनकपुङ्खानां शराणां नतपर्वणाम् धनुश्च्युतानां वियति ददृशे बहुधा व्रजः
tataḥ kanakapuṅkhānāṃ śarāṇāṃ nataparvaṇām dhanuścyutānāṃ viyati dadṛśe bahudhā vrajaḥ
Sanskrit only: no published translation is held for this verse.
शरासनाद् आधिरथेः प्रभवन्तः स्म सायकाः श्रेणीकृता व्यराजन्त राजन् क्रौञ्चा इवाम्बरे
śarāsanād ādhiratheḥ prabhavantaḥ sma sāyakāḥ śreṇīkṛtā vyarājanta rājan krauñcā ivāmbare
Sanskrit only: no published translation is held for this verse.
गार्ध्रपत्राञ् शिलाधौतान् कार्तस्वरविभूषितान् महावेगान् प्रदीप्ताग्रान् मुमोचाधिरथिः शरान्
gārdhrapatrāñ śilādhautān kārtasvaravibhūṣitān mahāvegān pradīptāgrān mumocādhirathiḥ śarān
Sanskrit only: no published translation is held for this verse.
ते तु चापबलोद्धूताः शातकुम्भविभूषिताः अजस्रम् अन्वकीर्यन्त शराः पार्थरथं प्रति
te tu cāpabaloddhūtāḥ śātakumbhavibhūṣitāḥ ajasram anvakīryanta śarāḥ pārtharathaṃ prati
Sanskrit only: no published translation is held for this verse.
ते व्योम्नि रत्नविकृता व्यकाशन्त सहस्रशः शलभानाम् इव व्राताः शराः कर्णसमीरिताः
te vyomni ratnavikṛtā vyakāśanta sahasraśaḥ śalabhānām iva vrātāḥ śarāḥ karṇasamīritāḥ
Sanskrit only: no published translation is held for this verse.
चापाद् आधिरथेर् मुक्ताः प्रपतन्तः स्म सायकाः एको दीर्घ इव प्रांशुः प्रभवन् दृश्यते शरः
cāpād ādhirather muktāḥ prapatantaḥ sma sāyakāḥ eko dīrgha iva prāṃśuḥ prabhavan dṛśyate śaraḥ
Sanskrit only: no published translation is held for this verse.
पर्वतं वारिधाराभिश् छादयन्न् इव तोयदः कर्णः प्राच्छादयत् क्रुद्धो भीमं सायकवृष्टिभिः
parvataṃ vāridhārābhiś chādayann iva toyadaḥ karṇaḥ prācchādayat kruddho bhīmaṃ sāyakavṛṣṭibhiḥ
Sanskrit only: no published translation is held for this verse.
तत्र भारत भीमस्य बलवीर्यपराक्रमम् व्यवसायं च पुत्रास् ते प्रैक्षन्त कुरुभिः सह
tatra bhārata bhīmasya balavīryaparākramam vyavasāyaṃ ca putrās te praikṣanta kurubhiḥ saha
Sanskrit only: no published translation is held for this verse.
तां समुद्रम् इवोद्धूतां शरवृष्टिं समुत्थिताम् अचिन्तयित्वा भीमस् तु क्रुद्धः कर्णम् उपाद्रवत्
tāṃ samudram ivoddhūtāṃ śaravṛṣṭiṃ samutthitām acintayitvā bhīmas tu kruddhaḥ karṇam upādravat
Sanskrit only: no published translation is held for this verse.
रुक्मपृष्ठं महच् चापं भीमस्यासीद् विशां पते आकर्षान् मण्डलीभूतं शक्रचापम् इवापरम् तस्माच् छराः प्रादुरासन् पूरयन्त इवाम्बरम्
rukmapṛṣṭhaṃ mahac cāpaṃ bhīmasyāsīd viśāṃ pate ākarṣān maṇḍalībhūtaṃ śakracāpam ivāparam tasmāc charāḥ prādurāsan pūrayanta ivāmbaram
Sanskrit only: no published translation is held for this verse.
सुवर्णपुङ्खैर् भीमेन सायकैर् नतपर्वभिः गगने रचिता माला काञ्चनीव व्यराजत
suvarṇapuṅkhair bhīmena sāyakair nataparvabhiḥ gagane racitā mālā kāñcanīva vyarājata
Sanskrit only: no published translation is held for this verse.
ततो व्योम्नि विषक्तानि शरजालानि भागशः आहतानि व्यशीर्यन्त भीमसेनस्य पत्रिभिः
tato vyomni viṣaktāni śarajālāni bhāgaśaḥ āhatāni vyaśīryanta bhīmasenasya patribhiḥ
Sanskrit only: no published translation is held for this verse.
कर्णस्य शरजालौघैर् भीमसेनस्य चोभयोः अग्निस्फुलिङ्गसंस्पर्शैर् अञ्जोगतिभिर् आहवे तैस् तैः कनकपुङ्खानां द्यौर् आसीत् संवृता व्रजैः
karṇasya śarajālaughair bhīmasenasya cobhayoḥ agnisphuliṅgasaṃsparśair añjogatibhir āhave tais taiḥ kanakapuṅkhānāṃ dyaur āsīt saṃvṛtā vrajaiḥ
Sanskrit only: no published translation is held for this verse.
स भीमं छादयन् बाणैः सूतपुत्रः पृथग्विधैः उपारोहद् अनादृत्य तस्य वीर्यं महात्मनः
sa bhīmaṃ chādayan bāṇaiḥ sūtaputraḥ pṛthagvidhaiḥ upārohad anādṛtya tasya vīryaṃ mahātmanaḥ
Sanskrit only: no published translation is held for this verse.
तयोर् विसृजतोस् तत्र शरजालानि मारिष वायुभूतान्य् अदृश्यन्त संसक्तानीतरेतरम्
tayor visṛjatos tatra śarajālāni māriṣa vāyubhūtāny adṛśyanta saṃsaktānītaretaram
Sanskrit only: no published translation is held for this verse.
तस्मै कर्णः शितान् बाणान् कर्मारपरिमार्जितान् सुवर्णविकृतान् क्रुद्धः प्राहिणोद् वधकाङ्क्षया
tasmai karṇaḥ śitān bāṇān karmāraparimārjitān suvarṇavikṛtān kruddhaḥ prāhiṇod vadhakāṅkṣayā
Sanskrit only: no published translation is held for this verse.
तान् अन्तरिक्षे विशिखैस् त्रिधैकैकम् अशातयत् विशेषयन् सूतपुत्रं भीमस् तिष्ठेति चाब्रवीत्
tān antarikṣe viśikhais tridhaikaikam aśātayat viśeṣayan sūtaputraṃ bhīmas tiṣṭheti cābravīt
Sanskrit only: no published translation is held for this verse.
पुनश् चासृजद् उग्राणि शरवर्षाणि पाण्डवः अमर्षी बलवान् क्रुद्धो दिधक्षन्न् इव पावकः
punaś cāsṛjad ugrāṇi śaravarṣāṇi pāṇḍavaḥ amarṣī balavān kruddho didhakṣann iva pāvakaḥ
Sanskrit only: no published translation is held for this verse.
तस्य तान्य् आददे कर्णः सर्वाण्य् अस्त्राण्य् अभीतवत् युध्यतः पाण्डुपुत्रस्य सूतपुत्रो ऽस्त्रमायया
tasya tāny ādade karṇaḥ sarvāṇy astrāṇy abhītavat yudhyataḥ pāṇḍuputrasya sūtaputro 'stramāyayā
Sanskrit only: no published translation is held for this verse.
तस्येषुधी धनुर्ज्यां च बाणैः संनतपर्वभिः रश्मीन् योक्त्राणि चाश्वानां कर्णो वैकर्तनो ऽच्छिनत्
tasyeṣudhī dhanurjyāṃ ca bāṇaiḥ saṃnataparvabhiḥ raśmīn yoktrāṇi cāśvānāṃ karṇo vaikartano 'cchinat
Sanskrit only: no published translation is held for this verse.
अथास्याश्वान् पुनर् हत्वा त्रिभिर् विव्याध सारथिम् सो ऽवप्लुत्य द्रुतं सूतो युयुधानरथं ययौ
athāsyāśvān punar hatvā tribhir vivyādha sārathim so 'vaplutya drutaṃ sūto yuyudhānarathaṃ yayau
Sanskrit only: no published translation is held for this verse.
उत्स्मयन्न् इव भीमस्य क्रुद्धः कालानलप्रभः ध्वजं चिच्छेद राधेयः पताकाश् च न्यपातयत्
utsmayann iva bhīmasya kruddhaḥ kālānalaprabhaḥ dhvajaṃ ciccheda rādheyaḥ patākāś ca nyapātayat
Sanskrit only: no published translation is held for this verse.
स विधन्वा महाराज रथशक्तिं परामृशत् ताम् अवासृजद् आविध्य क्रुद्धः कर्णरथं प्रति
sa vidhanvā mahārāja rathaśaktiṃ parāmṛśat tām avāsṛjad āvidhya kruddhaḥ karṇarathaṃ prati
Sanskrit only: no published translation is held for this verse.
ताम् आधिरथिर् आयस्तः शक्तिं हेमपरिष्कृताम् आपतन्तीं महोल्काभां चिच्छेद दशभिः शरैः
tām ādhirathir āyastaḥ śaktiṃ hemapariṣkṛtām āpatantīṃ maholkābhāṃ ciccheda daśabhiḥ śaraiḥ
Sanskrit only: no published translation is held for this verse.
सापतद् दशधा राजन् निकृत्ता कर्णसायकैः अस्यतः सूतपुत्रस्य मित्रार्थे चित्रयोधिनः
sāpatad daśadhā rājan nikṛttā karṇasāyakaiḥ asyataḥ sūtaputrasya mitrārthe citrayodhinaḥ
Sanskrit only: no published translation is held for this verse.
स चर्मादत्त कौन्तेयो जातरूपपरिष्कृतम् खड्गं चान्यतरप्रेप्सुर् मृत्योर् अग्रे जयस्य वा तद् अस्य सहसा कर्णो व्यधमत् प्रहसन्न् इव
sa carmādatta kaunteyo jātarūpapariṣkṛtam khaḍgaṃ cānyataraprepsur mṛtyor agre jayasya vā tad asya sahasā karṇo vyadhamat prahasann iva
Sanskrit only: no published translation is held for this verse.
स विचर्मा महाराज विरथः क्रोधमूर्छितः असिं प्रासृजद् आविध्य त्वरन् कर्णरथं प्रति
sa vicarmā mahārāja virathaḥ krodhamūrchitaḥ asiṃ prāsṛjad āvidhya tvaran karṇarathaṃ prati
Sanskrit only: no published translation is held for this verse.
स धनुः सूतपुत्रस्य छित्त्वा ज्यां च सुसंशितः अपतद् भुवि निस्त्रिंशश् च्युतः सर्प इवाम्बरात्
sa dhanuḥ sūtaputrasya chittvā jyāṃ ca susaṃśitaḥ apatad bhuvi nistriṃśaś cyutaḥ sarpa ivāmbarāt
Sanskrit only: no published translation is held for this verse.
ततः प्रहस्याधिरथिर् अन्यद् आदत्त कार्मुकम् शत्रुघ्नं समरे क्रुद्धो दृढज्यं वेगवत्तरम्
tataḥ prahasyādhirathir anyad ādatta kārmukam śatrughnaṃ samare kruddho dṛḍhajyaṃ vegavattaram
Sanskrit only: no published translation is held for this verse.
स भीमसेनः कुपितो बलवान् सत्यविक्रमः विहायसं प्राक्रमद् वै कर्णस्य व्यथयन् मनः
sa bhīmasenaḥ kupito balavān satyavikramaḥ vihāyasaṃ prākramad vai karṇasya vyathayan manaḥ
Sanskrit only: no published translation is held for this verse.
तस्य तच् चरितं दृष्ट्वा संग्रामे विजयैषिणः लयम् आस्थाय राधेयो भीमसेनम् अवञ्चयत्
tasya tac caritaṃ dṛṣṭvā saṃgrāme vijayaiṣiṇaḥ layam āsthāya rādheyo bhīmasenam avañcayat
Sanskrit only: no published translation is held for this verse.
तम् अदृष्ट्वा रथोपस्थे निलीनं व्यथितेन्द्रियम् ध्वजम् अस्य समासाद्य तस्थौ स धरणीतले
tam adṛṣṭvā rathopasthe nilīnaṃ vyathitendriyam dhvajam asya samāsādya tasthau sa dharaṇītale
Sanskrit only: no published translation is held for this verse.
तद् अस्य कुरवः सर्वे चारणाश् चाभ्यपूजयन् यद् इयेष रथात् कर्णं हन्तुं तार्क्ष्य इवोरगम्
tad asya kuravaḥ sarve cāraṇāś cābhyapūjayan yad iyeṣa rathāt karṇaṃ hantuṃ tārkṣya ivoragam
Sanskrit only: no published translation is held for this verse.
स छिन्नधन्वा विरथः स्वधर्मम् अनुपालयन् स्वरथं पृष्ठतः कृत्वा युद्धायैव व्यवस्थितः
sa chinnadhanvā virathaḥ svadharmam anupālayan svarathaṃ pṛṣṭhataḥ kṛtvā yuddhāyaiva vyavasthitaḥ
Sanskrit only: no published translation is held for this verse.
तद् विहत्यास्य राधेयस् तत एनं समभ्ययात् संरब्धः पाण्डवं संख्ये युद्धाय समुपस्थितम्
tad vihatyāsya rādheyas tata enaṃ samabhyayāt saṃrabdhaḥ pāṇḍavaṃ saṃkhye yuddhāya samupasthitam
Sanskrit only: no published translation is held for this verse.
तौ समेतौ महारङ्गे स्पर्धमानौ महाबलौ जीमूताव् इव घर्मान्ते गर्जमानौ नभस्तले
tau sametau mahāraṅge spardhamānau mahābalau jīmūtāv iva gharmānte garjamānau nabhastale
Sanskrit only: no published translation is held for this verse.
तयोर् आसीत् संप्रहारः क्रुद्धयोर् नरसिंहयोः अमृष्यमाणयोः संख्ये देवदानवयोर् इव
tayor āsīt saṃprahāraḥ kruddhayor narasiṃhayoḥ amṛṣyamāṇayoḥ saṃkhye devadānavayor iva
Sanskrit only: no published translation is held for this verse.
क्षीणशस्त्रस् तु कौन्तेयः कर्णेन समभिद्रुतः दृष्ट्वार्जुनहतान् नागान् पतितान् पर्वतोपमान् रथमार्गविघातार्थं व्यायुधः प्रविवेश ह
kṣīṇaśastras tu kaunteyaḥ karṇena samabhidrutaḥ dṛṣṭvārjunahatān nāgān patitān parvatopamān rathamārgavighātārthaṃ vyāyudhaḥ praviveśa ha
Sanskrit only: no published translation is held for this verse.
हस्तिनां व्रजम् आसाद्य रथदुर्गं प्रविश्य च पाण्डवो जीविताकाङ्क्षी राधेयं नाभ्यहारयत्
hastināṃ vrajam āsādya rathadurgaṃ praviśya ca pāṇḍavo jīvitākāṅkṣī rādheyaṃ nābhyahārayat
Sanskrit only: no published translation is held for this verse.
व्यवस्थानम् अथाकाङ्क्षन् धनंजयशरैर् हतम् उद्यम्य कुञ्जरं पार्थस् तस्थौ परपुरंजयः
vyavasthānam athākāṅkṣan dhanaṃjayaśarair hatam udyamya kuñjaraṃ pārthas tasthau parapuraṃjayaḥ
Sanskrit only: no published translation is held for this verse.
तम् अस्य विशिखैः कर्णो व्यधमत् कुञ्जरं पुनः हस्त्यङ्गान्य् अथ कर्णाय प्राहिणोत् पाण्डवो नदन्
tam asya viśikhaiḥ karṇo vyadhamat kuñjaraṃ punaḥ hastyaṅgāny atha karṇāya prāhiṇot pāṇḍavo nadan
Sanskrit only: no published translation is held for this verse.
चक्राण्य् अश्वांस् तथा वाहान् यद् यत् पश्यति भूतले तत् तद् आदाय चिक्षेप क्रुद्धः कर्णाय पाण्डवः
cakrāṇy aśvāṃs tathā vāhān yad yat paśyati bhūtale tat tad ādāya cikṣepa kruddhaḥ karṇāya pāṇḍavaḥ
Sanskrit only: no published translation is held for this verse.
तद् अस्य सर्वं चिच्छेद क्षिप्तं क्षिप्तं शितैः शरैः व्यायुधं नावधीच् चैनं कर्णः कुन्त्या वचः स्मरन्
tad asya sarvaṃ ciccheda kṣiptaṃ kṣiptaṃ śitaiḥ śaraiḥ vyāyudhaṃ nāvadhīc cainaṃ karṇaḥ kuntyā vacaḥ smaran
Sanskrit only: no published translation is held for this verse.
धनुषो ऽग्रेण तं कर्णस् त्व् अभिद्रुत्य परामृशत् उत्स्मयन्न् इव राधेयो भीमसेनम् उवाच ह
dhanuṣo 'greṇa taṃ karṇas tv abhidrutya parāmṛśat utsmayann iva rādheyo bhīmasenam uvāca ha
Sanskrit only: no published translation is held for this verse.
पुनः पुनस् तूबरक मूढ औदरिकेति च अकृतास्त्रक मा योत्सीर् बाल संग्रामकातर
punaḥ punas tūbaraka mūḍha audariketi ca akṛtāstraka mā yotsīr bāla saṃgrāmakātara
Sanskrit only: no published translation is held for this verse.
यत्र भोज्यं बहुविधं भक्ष्यं पेयं च पाण्डव तत्र त्वं दुर्मते योग्यो न युद्धेषु कथं चन
yatra bhojyaṃ bahuvidhaṃ bhakṣyaṃ peyaṃ ca pāṇḍava tatra tvaṃ durmate yogyo na yuddheṣu kathaṃ cana
Sanskrit only: no published translation is held for this verse.
मुनिर् भूत्वाथ वा भीम फलान् यद् धि सुदुर्मते वनाय व्रज कौन्तेय न त्वं युद्धविशारदः
munir bhūtvātha vā bhīma phalān yad dhi sudurmate vanāya vraja kaunteya na tvaṃ yuddhaviśāradaḥ
Sanskrit only: no published translation is held for this verse.
फलमूलाशने युक्तस् त्वं तथातिथिभोजने न त्वां शस्त्रसमुद्योगे योग्यं मन्ये वृकोदर
phalamūlāśane yuktas tvaṃ tathātithibhojane na tvāṃ śastrasamudyoge yogyaṃ manye vṛkodara
Sanskrit only: no published translation is held for this verse.
पुष्पमूलफलाहारो व्रतेषु नियमेषु च उचितस् त्वं वने भीम न त्वं युद्धविशारदः
puṣpamūlaphalāhāro vrateṣu niyameṣu ca ucitas tvaṃ vane bhīma na tvaṃ yuddhaviśāradaḥ
Sanskrit only: no published translation is held for this verse.
क्व युद्धं क्व मुनित्वं च वनं गच्छ वृकोदर न त्वं युद्धोचितस् तात वनवासरतिर् भव
kva yuddhaṃ kva munitvaṃ ca vanaṃ gaccha vṛkodara na tvaṃ yuddhocitas tāta vanavāsaratir bhava
Sanskrit only: no published translation is held for this verse.
सूदान् भृत्यजनान् दासांस् त्वं गृहे त्वरयन् भृशम् योग्यस् ताडयितुं क्रोधाद् भोजनार्थं वृकोदर
sūdān bhṛtyajanān dāsāṃs tvaṃ gṛhe tvarayan bhṛśam yogyas tāḍayituṃ krodhād bhojanārthaṃ vṛkodara
Sanskrit only: no published translation is held for this verse.
कौमारे यानि चाप्य् आसन्न् अप्रियाणि विशां पते पूर्ववृत्तानि चाप्य् एनं रूक्षाण्य् अश्रावयद् भृशम्
kaumāre yāni cāpy āsann apriyāṇi viśāṃ pate pūrvavṛttāni cāpy enaṃ rūkṣāṇy aśrāvayad bhṛśam
Sanskrit only: no published translation is held for this verse.
अथैनं तत्र संलीनम् अस्पृशद् धनुषा पुनः प्रहसंश् च पुनर् वाक्यं भीमम् आह वृषस् तदा
athainaṃ tatra saṃlīnam aspṛśad dhanuṣā punaḥ prahasaṃś ca punar vākyaṃ bhīmam āha vṛṣas tadā
Sanskrit only: no published translation is held for this verse.
योद्धव्यम् आविशान्यत्र न योद्धव्यं तु मादृशैः मादृशैर् युध्यमानानाम् एतच् चान्यच् च विद्यते
yoddhavyam āviśānyatra na yoddhavyaṃ tu mādṛśaiḥ mādṛśair yudhyamānānām etac cānyac ca vidyate
Sanskrit only: no published translation is held for this verse.
गच्छ वा यत्र तौ कृष्णौ तौ त्वा रक्षिष्यतो रणे गृहं वा गच्छ कौन्तेय किं ते युद्धेन बालक
gaccha vā yatra tau kṛṣṇau tau tvā rakṣiṣyato raṇe gṛhaṃ vā gaccha kaunteya kiṃ te yuddhena bālaka
Sanskrit only: no published translation is held for this verse.
एवं तं विरथं कृत्वा कर्णो राजन् व्यकत्थत प्रमुखे वृष्णिसिंहस्य पार्थस्य च महात्मनः
evaṃ taṃ virathaṃ kṛtvā karṇo rājan vyakatthata pramukhe vṛṣṇisiṃhasya pārthasya ca mahātmanaḥ
Sanskrit only: no published translation is held for this verse.
ततो राजञ् शिलाधौताञ् शराञ् शाखामृगध्वजः प्राहिणोत् सूतपुत्राय केशवेन प्रचोदितः
tato rājañ śilādhautāñ śarāñ śākhāmṛgadhvajaḥ prāhiṇot sūtaputrāya keśavena pracoditaḥ
Sanskrit only: no published translation is held for this verse.
ततः पार्थभुजोत्सृष्टाः शराः काञ्चनभूषणाः गाण्डीवप्रभवाः कर्णं हंसाः क्रौञ्चम् इवाविशन्
tataḥ pārthabhujotsṛṣṭāḥ śarāḥ kāñcanabhūṣaṇāḥ gāṇḍīvaprabhavāḥ karṇaṃ haṃsāḥ krauñcam ivāviśan
Sanskrit only: no published translation is held for this verse.
स भुजंगैर् इवायस्तैर् गाण्डीवप्रेषितैः शरैः भीमसेनाद् अपासेधत् सूतपुत्रं धनंजयः
sa bhujaṃgair ivāyastair gāṇḍīvapreṣitaiḥ śaraiḥ bhīmasenād apāsedhat sūtaputraṃ dhanaṃjayaḥ
Sanskrit only: no published translation is held for this verse.
स छिन्नधन्वा भीमेन धनंजयशराहतः कर्णो भीमाद् अपायासीद् रथेन महता द्रुतम्
sa chinnadhanvā bhīmena dhanaṃjayaśarāhataḥ karṇo bhīmād apāyāsīd rathena mahatā drutam
Sanskrit only: no published translation is held for this verse.
भीमो ऽपि सात्यकेर् वाहं समारुह्य नरर्षभः अन्वयाद् भ्रातरं संख्ये पाण्डवं सव्यसाचिनम्
bhīmo 'pi sātyaker vāhaṃ samāruhya nararṣabhaḥ anvayād bhrātaraṃ saṃkhye pāṇḍavaṃ savyasācinam
Sanskrit only: no published translation is held for this verse.
ततः कर्णं समुद्दिश्य त्वरमाणो धनंजयः नाराचं क्रोधताम्राक्षः प्रैषीन् मृत्युम् इवान्तकः
tataḥ karṇaṃ samuddiśya tvaramāṇo dhanaṃjayaḥ nārācaṃ krodhatāmrākṣaḥ praiṣīn mṛtyum ivāntakaḥ
Sanskrit only: no published translation is held for this verse.
स गरुत्मान् इवाकाशे प्रार्थयन् भुजगोत्तमम् नाराचो ऽभ्यपतत् कर्णं तूर्णं गाण्डीवचोदितः
sa garutmān ivākāśe prārthayan bhujagottamam nārāco 'bhyapatat karṇaṃ tūrṇaṃ gāṇḍīvacoditaḥ
Sanskrit only: no published translation is held for this verse.
तम् अन्तरिक्षे नाराचं द्रौणिश् चिच्छेद पत्रिणा धनंजयभयात् कर्णम् उज्जिहीर्षुर् महारथः
tam antarikṣe nārācaṃ drauṇiś ciccheda patriṇā dhanaṃjayabhayāt karṇam ujjihīrṣur mahārathaḥ
Sanskrit only: no published translation is held for this verse.
ततो द्रौणिं चतुःषष्ट्या विव्याध कुपितो ऽर्जुनः शिलीमुखैर् महाराज मा गास् तिष्ठेति चाब्रवीत्
tato drauṇiṃ catuḥṣaṣṭyā vivyādha kupito 'rjunaḥ śilīmukhair mahārāja mā gās tiṣṭheti cābravīt
Sanskrit only: no published translation is held for this verse.
स तु मत्तगजाकीर्णम् अनीकं रथसंकुलम् तूर्णम् अभ्याविशद् द्रौणिर् धनंजयशरार्दितः
sa tu mattagajākīrṇam anīkaṃ rathasaṃkulam tūrṇam abhyāviśad drauṇir dhanaṃjayaśarārditaḥ
Sanskrit only: no published translation is held for this verse.
ततः सुवर्णपृष्ठानां धनुषां कूजतां रणे शब्दं गाण्डीवघोषेण कौन्तेयो ऽभ्यभवद् बली
tataḥ suvarṇapṛṣṭhānāṃ dhanuṣāṃ kūjatāṃ raṇe śabdaṃ gāṇḍīvaghoṣeṇa kaunteyo 'bhyabhavad balī
Sanskrit only: no published translation is held for this verse.
धनंजयस् तथा यान्तं पृष्ठतो द्रौणिम् अभ्ययात् नातिदीर्घम् इवाध्वानं शरैः संत्रासयन् बलम्
dhanaṃjayas tathā yāntaṃ pṛṣṭhato drauṇim abhyayāt nātidīrgham ivādhvānaṃ śaraiḥ saṃtrāsayan balam
Sanskrit only: no published translation is held for this verse.
विदार्य देहान् नाराचैर् नरवारणवाजिनाम् कङ्कबर्हिणवासोभिर् बलं व्यधमद् अर्जुनः
vidārya dehān nārācair naravāraṇavājinām kaṅkabarhiṇavāsobhir balaṃ vyadhamad arjunaḥ
Sanskrit only: no published translation is held for this verse.
तद् बलं भरतश्रेष्ठ सवाजिद्विपमानवम् पाकशासनिर् आयस्तः पार्थः संनिजघान ह
tad balaṃ bharataśreṣṭha savājidvipamānavam pākaśāsanir āyastaḥ pārthaḥ saṃnijaghāna ha
Sanskrit only: no published translation is held for this verse.